Kalitatezko hezkuntza bermatzeko zoru etikoa
Hezkuntza hobetzeko hamar gako zerrendatzen dituen proposamena egin du Hik Hasi egitasmo pedagogikoak, urtebetez hainbat aditurekin batera burututako gogoetaren ondorio. "Kalitatezko hezkuntza bermatzeko zoru pedagogiko eta etikoa: Hezkuntza hobetzeko gakoak" dokumentua da aurkeztu dutena.
Hik Hasiren bueltan, hainbat irakasle eta hezitzailek, Mondragon, EHU, Baionako Unibertsitateko eta Nafarroako Unibertsitate Publikoko hainbat irakaslek eta pedagogo eta psikologok adostu dute proposamena. 30 bat laguneko talde iraunkorrak landu du idatzia, eta aditu ugariren ekarpenak jaso dituzte.
Publikoa, autonomoa, herritarra
Hiru oinarri ditu abiapuntu proposamenak: hezkuntzak finantzaketa eta esku-hartze publikoa izan behar du, eskola bakoitzak autonomoa izan behar du, eta ezinbestekoak dira hezkuntza-eragileen arteko lankidetza, gertuko administrazioaren inplikazioa eta herriko gainerako eragileen partaidetza. Azken finean, herri hezitzailea dute buruan proposamenaren sustatzaileek, hezkuntza ez baita ikastetxeko lau hormetara mugatzen. Hezkuntza-proposamen irekia dela ere azpimarratu du Hik Hasik, gainerako eragileekin elkarlanean.
Dokumentu osoa hemen deskargatu dezakezu. Hamar gako nagusi ditu ardatz:
1- Hezkuntza-jarduera balio hezitzaileetan oinarritzea (haurraren kultura, aniztasuna, ingurumenaren kultura, auzolana, herritar kritikoak sortuko dituen hezkuntza…).
2- Haurrek oinarri sendoak finkatzeko bizitzako lehen urteek duten garrantziagatik, hainbat neurri hartzea (zaintza eta kontziliazioari, hezitzaile bakoitzarekiko ikasle kopuruari edota hezitzaileen prestakuntzari begira, besteak beste).
3- Oinarrizko Hezkuntza osoa pertsonaren askotariko konpetentzien garapenera zuzentzea, eta nerabezaroa bereziki gertutik jarraitu beharreko aroa dela jabetzea (bizitzen eta pentsatzen lagunduko duen heziketa, emozioen garrantzia, bestelako ebaluazio eredua…)
4- Irakasle-hezitzaileen prestakuntza egokitzea.
5- Eskola bakoitzak bere hezkuntza-proiektu propioa izatea.
6- Egoki prestatutako zuzendaritza, ondo aukeratua, eta lantalde egonkorra (eskolaren beharretara egokitzen den zuzendaritza-taldea aukeratzeko ikastetxeak duen eskubidea eta autonomia abiapuntu).
7- Ikasleak euskaldun eleaniztun bilakatzea helburu.
8- Herrietako hezkuntza-plana, hezkuntza premiei erantzuteko (udalek eskumenak eta bitartekoak izatea, esaterako, hezkuntzarekin lotutako gaietan, edota herri bakoitzean hezkuntza-plan bat egitea).
9- Antolaketa administratiboa denontzako modukoa eta bateratzailea izatea (konfiantzan eraikia, parte-hartzea erraztuko duena, gardentasunez bizia eta gertuko kudeaketan oinarritua).
10- Jendartearen eta hezkuntzaren beharrei erantzungo dien finantzaketa izatea (eta horretarako inbertsioa areagotzea, batez beste Europan erabiltzen den inbertsio-irizpidera iristeko).
Hik Hasi egitasmo pedagogikoak 2024ko Udako Topaketa Pedagogikoen aurkezpen prentsaurrekoa egin du astearte goizean. Bertan parte hartu dute EHUko Hezkuntza Filosofia eta Antropologia Fakultateko dekano Beñat Amenabarrek eta Hik Hasiko formazio arduradun Mikel... [+]
Hik Hasiren Udako Topaketa Pedagogikoak aurkeztu ditugu Donostiako EHUren Hezkuntza, Filosofia eta Antropologia Fakultatean. Bertan izan dira Beñat Amenabar, EHUren Hezkuntza, Filosofia eta Antropologia Fakultateko dekanoa, Esti Amenabarro, Hezkuntza, Filosofia eta... [+]
Hik Hasi egitasmo pedagogikoak 2022ko Udako Topaketa Pedagogikoak egingo ditu Donostian uztailaren 4tik 6ra. EHUren Hezkuntza, Filosofia eta Antropologia fakultatearekin elkarlanean 31 ikastaro antolatu ditu. Ekainaren 15era arte eman ahal izango da izena.
Joxe Mari Auzmendi Hezkuntza Bekaren lehen edizioa Otxandioko eskolak jasoko du. Hernanin eman dute epaimahaiaren erabakiaren berri, hango udaleko eta Hik Hasi egitasmoko ordezkariek.
Pantailak 0-6an. Zertarako? solasaldiak antolatu ditu Hik Hasik, Haur Hezkuntzako hezitzaileentzat. Azaroaren 19an Barakaldon eta 20an Zumaian izango dira. Gaiaren inguruko hiru adituk hitzaldiak emango dituzte eta bi ikastetxetako esperientziak ezagutuko dituzte... [+]
Hik Hasik sustatu eta Hernaniko Udalak diruz lagunduta, Joxe Mari Auzmendik bere ibilbide osoan garatutako lau ildori jarraipena eman nahi die hezkuntza bekak: hobekuntza pedagogikoa, euskara eta euskal kulturaren biziberritzea, herri hezitzailea ea inklusioa.
Aurten 25. urte betetzen ditu HIK HASI egitasmo pedagogikoak, eta urteurrenarekin batera 25 ikastaro eskainiko dituzte uztailaren 5etik 7ra egingo diren Udako Topaketa Pedagogikoetan. Donostiako Hezkuntza, Filosofia eta Antropologia fakultatean izango dira topaketak eta... [+]
Julen Mendozak bere blogean argitaratutako artikulua:
Azken aldian bolo-bolo dabil hezkuntzaren inguruko debatea, eta ez dut atsegin debate hori zein terminoetan gertatzen ari den. Gotortutak, bakoitzak bereari eutsita, eta mingarriak izan daitezkeen termino eta edukiak erabiliz... [+]
Hik Hasik 25 urte bete ditu ikasturte honetan eta koronabirusaren krisiak markatuta bada ere, hezkuntzan eragiteko gogoz ospatuko dute efemeridea.
Atzo eguerdian jasotako telefono deia dabilkigu buruan, albiste tristeak hartu gintuen. Joxe Mari Auzmendi Hik Hasi-ko arima eta Azpeitiko Udalak aurrera eramandako proiektu askoren pieza garrantzitsuak utzi gintuen.
Joxe Mari Auzmendi hil da ostegun honetan, Hik Hasiko koordinatzaile ohia eta pedagogia egitasmo horren sustatzaile nagusietakoa izan zena.
"Kalitatezko hezkuntza bermatzeko zoru pedagogiko eta etikoa" argitaratu du Hik Hasi Euskal Heziketarako egitasmoak, urtebetez hainbat aditurekin batera burututako gogoetaren ondorio. Hezkuntza hobetzeko hamar gako bildu dituzte bertan eta aitzakia horrekin... [+]