Kaleratzeen aurkako eta lan-baldintza duinen aldeko manifestazio bateratua Bilbon
Tubacex, Petronor, Novaltia, UTE Bilboko Argiak eta PCB enpresetako langileek mobilizazio bateratua antolatu dute ekainaren 18an. Langileen egoera hobetzeko erakunde publikoen esku-hartzea eskatu dute.
Petronor, UTE Bilboko Argiak, PCB, Novaltia eta Tubacex enpresako langileek manifestazio bateratua egin dute ekainaren 18an, Bilbon. Bostei eragiten dieten lanpostuen prekarizazioa eta kaleratzeak salatu diztuzte, eta enpresei eta administrazio publikoari erantzukizuna eskatu diete. Martxa 10:00etan abiatu da EITBren egoitzatik eta hiriburuko udaletxean bukatu da.
Langileek dituzten eskubideak bermatzeko eskatu dute antolatzaileek ostiralean antolatutako manifestazioan. Plazaratu duten aginduan azaldu dute beren enpresek pandemiaren ondorioz sortutako egoera baliatu dutela langile klasearen eskubideak okertzeko. Bestetik, osasun larrialdiaren baitan egin dituzten kaleratze masiboak baimentzea egotzi diote Espainiako Gobernuari: Rajoy eta Zapateroren lan-erreformek taldekako kaleratzeak 30 egunetan eta sektore publikoaren kontrolik gabe egitea legeztatzen dutela gogorarazi dute. Araudi hori indargabetzeko nahirik eza leporatu diote administrazio publikoari, eta horren aurrean, esku hartzeko eskatu diote Eusko Jaurlaritzari.
Kasu guztietan, pandemiaz geroztik zaildu diren negoziazioak izan dituzte bost enpresek. Petronorren, maiatzaren 3tik erregulazio espedientean daude Muskizko plantako 354 langile. Tubacexen, 110 egun baino gehiago daramatzate greban, Laudion eta Amurrion dagoen enpresak 129 langile kaleratu nahi izan dituelako. Novaltian, berriz, enpresako 20 langilek jarraitu dute greba, 2019ko uztailetik hasitako negoziazioetan ez direlako lan-baldintzak hobetzeko akordiora heldu. UTE Bilboko Argiak enpresak langile bat kaleratu du, eta berriz hartzeko eskatu dute kideek. Bestalde, hitzarmen kolektiboa negoziatzeko prozesua irekitzeko eskatu dute. PCB-ITPren kasuan, langileek epaitegiek emandako erabakia betetzeko eskatu dute, Barakaldoko eta Sestaoko enpresetan kaleratutako 87 langileak berriro onartzeko epaia berretsi baitu EAEko Justizia Auzitegi Gorenak martxoaren 31n.
Langileen manifestazioak
Maiatzaren 28an ere manifestazio bateratua egin zuten Tubacexek, Petronorrek, UTE Bilboko Argiakek eta PCBk, H&M enpresako plantilarekin batera. Aldarrikapena bera zen: lan-baldintza duinak errespetatzea eta bizitzak erdigunera eramatea. Ekainaren 19an Bizkaiko Ezkerraldeko hainbat enpresa eta eragilek antolatutako manifestaziora ere bildu ziren Petronorreko langileak.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
