Kalean bizi diren gazte migratzaileen testigantzak, begiak irekitzeko dokumentala
Oussama, Amine, Ayoub, Es Said, Ahmed, Meriem, Youssef, Zakaria… dira En la calle dokumentaleko protagonistak, eta Poliziarekin eta dendariekin duten tratuaz, lan egiteko eta alokairua lortzeko dituzten zailtasunez eta kalean daramaten bizimodu gogorraz mintzo dira, besteak beste. Gogoeta eragin eta kontzientziak astindu nahi dituzte.
Donostian kalean bizi diren edo bizi izan diren migratzaile gazteen lekukotzak biltzen ditu gaztelaniazko dokumentalak. Laburra da eta Gipuzkoako SOS Arrazakeria, Donostiako Harrera Sarea, La mano Invisible eta Esperanto ekoiztetxea daude proiektuaren atzean.
Beti motxila bizkarrean
Kamioi baten azpian etorri zela kontatzen du Youssefek, elektrikari gisa lanean hasita “adin txikikoentzako zentroen eta laguntzen gurpiletik behingoz ateratzea” da Meriemen ametsa, Ayoubek Europan aurrera jarraitzea zuen asmo, baina Frantziako Poliziak Espainiako Estatura itzularazi zuen, eta Oussamak kontatzen du jende bat oraindik harritu egiten dela kalean bizi direla esaten dietenean, ez dakitela hain jende gaztea kale gorrian gaua pasatzen egon daitekeenik, eta dendariek pentsatu ohi dutela lapurtu egingo dietela, motxila bizkarrean doazelako beti. Poliziaren gehiegikeriez, lan egiteko premiaz, errespetu faltez, legeak jartzen dizkien oztopoez, hainbat lagun drogak kontsumitzera bultzatu dituen kaleko bizimoduaz, alokairua ukatzen dieten jabe arrazistez… hitz egiten dute dokumentalean, inguratzen gaituen errealitate gordina bistaraziz. Afrikako iparraldetik edo Saharaz hegoaldeko herrialdeetatik etorriak dira gehienak.
Haien egoera sozial, familiar eta emozionalarekin enpatizatzea, beraien azalean jartzea eta hobetu daitekeenaren inguruan pentsaraztea du helburu dokumentalak, SOS Arrazakeriaren hitzetan. Emanaldi ugari egin dituzte dagoeneko eta gazteak eurak izan dira emanaldi horietako batzuetan, solasaldi aberasgarriei bide emanez. Orain, interneten ikusgai jarri dute dokumentala, gazte hauen errealitatea ezagutuz, “xenofobiari eta diskriminazioak eragiten dituen aurreiritziei aurre egiteko”.
Martutene auzoan lapurretak ugaritu direla aitzakia hartuta, iaztik, hainbat dira Martutene auzoan eztabaida eta polemikak. Segurtasun talde bat sortu zuten hainbat bizilagunek, “Ertzaintzak ezer egiten ez zuela iritzita”. Pauso bat urrunago joan dira orain, eta... [+]
Aita Mari ontzian salvamento marítimo humanitario izeneko gobernuz kanpoko erakundearekin lanean ari da Isa Egiguren kazetaria.
Duela bi urte, Marokotik Melillara igaro nahian ari ziren ehunka pertsonari eraso egin zieten polizia-indarrek, eta gutxienez 70 lagun erail zituzten, nahiz eta kopuru zehatza ez dagoen argi. Gertakarien inguruko ikerketa amaitutzat jo dute Marokon, iritzita ez dagoela... [+]
Futbolarien agente bat dela antzeztuta, gazteei dirua eskatu eta Kolonbiatik migratzera bultzatu ditu iruzurgileak, sinetsarazita Euskal Herriko futbol talderen batek interesa izan zezakeela haiengan. Gutxienez 25 pertsona engainatu ditu, eta pilatuta izan ditu azpialokatutako... [+]
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Migrazio politikaren gogortzea dakarren dekretua izenpetu du ekainaren 4an AEBetako presidente Joe Bidenek eta asteazken honetan sartu da indarrean neurria. Testu horrek dio egunean 2.500 zeharkatze ilegalen langa gaindituz gero (asteko batezbestekoa eginez), muga erabat itxiko... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Cimade elkarteak emandako datuen arabera, %55a aske geratu bazen ere, 2023an 351 pertsona atxilotu zituzten paperik gabekoak atxikitzeko zentroan. Gehienak Aljeria, Maroko eta Tunisiako jatorria zuten.
Espainiako Gobernuak dio "behin-behinekoa" izango dela itsasoaren erdian sortuko duten kartzela. 600 metroko luzera du uharteak, eta Almeriako kostaldearen eta Marokoko Tres Forcasen artean dago. Militarrek erabiltzen dute.
Rishi Sunak lehen ministroak jakinarazi du deportaziorako "baliabideak" prest dituela "legez kanpoko migratzaileak" kanporatzeko. Auzia etenda dago Auzitegi Gorenaren erabaki baten eraginez, baina parlamentuak Sunaken lege bat onartu berri du horren gainetik... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]