Kaixomaitia.eus irail amaieran itxiko da, ez badu inork erreleboa hartzen
Irail amaieran itxiko da Kaixomaitia.eus, harremanak aurkitzeko euskarazko webgunea, 17 urteko jardunaren ondoren. Hala jakinarazi du mezu batean bere sortzaileak, urteotan baliabide hau kudeatzen hainbeste lan egin duen Iñigo Arandia Galarragak. Mezuan aipatzen du Arandiak jarraipenerako proposamenak jasotzeko prest dagoela, urte amaierara arte.
2007ko otsailaren 14an San Balentin egunarekin batera plazaratu zen orduan Kaixomaitia.com zena. Harrezkero, 17 urte hauetan, Arandiak kontatzen duenez, "3 webgune bertsio izan dira: 2007an Victor laguna, Botika eta Loturaren artean egina, 2009koa eta 2015ekoa berriz Loturak bakarrik egina eta aplikazio bi Androiderako, Aktingek garatua eta Loturak integratua lehena, 2013an eta BinarySoulek garatua bigarrena 2020an. Ia hastapenetik Loturako lagunak izan dira webgunearen garapen eta moldaketa guztietan bidelagun izan ditudan garatzaile apartak", dio eskertuta Arandiak.
2015ean Kaixomaitua.eus domeinura igaro zen webgunea. Harrezkero ekimen berriei ekin zieten. Kaixomaitia ekintzak (arrakasta gutxirekin nonbait), bloga, inkestak eta “Euskal Herritarron harreman afektibo eta sexualen” inguruko ikerketa, 2016 eta 2020n “Sexuinkesta” delakoa (Aztiker ikerketa gunearekin elkarlanean), “Kontaketa Erotikoen lehiaketaren" 3. edizio ere Elkar argitaletxearekin elkarlanean, kolaborazioak “Harremanak” sexu Aholkularitza taldearekin edota Zuzeu agerkari digitalarekin.
20.000 erabiltzailetik gora izan dira urteotan Kaixomaitia.eus-en izena eman dutenak, 10 milioi orrialde bistaratutik gora, milioi bat saio, 200.000 mezu online trukatuak. 2020an, pandemia urtea, arrakastatsuaren suertatu zen (2.000 erabiltzaile berri eta milioi bat orri bistaratu) baina harrezkero webguneak behera egin zuen, hari eusteak inbertsio, ilusio eta behar berriak eskatzen baitzituen, Arandiak dioenez: aplikazioa eta webgunea eguneratu, sustapenean eta edukien ekoizpenean lan egin eta diru-sarrera egonkorragoak (diru-laguntzak barne) bermatu. "Hau aurrera eramango duen pertsona ez naiz ni jada eta beste proiektu batzuei heltzeko garaia iritsi zait", dio bere mezuan Iñigo Arandiak.
Itxiera... beharbada
Orain, irail amaierara arte jarraituko du webguneak irekita, izen ematea eta harpidetzak doakoak ditela (hala izan dira azken hilabeteetan), baina hilabetea amaitzearekin kaixomaitia.eus ataria offline geratuko da eta bertara iristean itxieraren berri emango duen mezua egongo da ikusgai.
Hala ere, jarraipen posiblerako aukera irekita utzi du Iñigo Arandiak. "Bitartean lanean jarraituko dut proiektua beste eragile edo norbanako batek har dezan, zuk interesik izango bazenu jarri harremanetan eta hitz egingo dugu. (...) Hau egiteko epea urte amaiera bitarte finkatu dut eta abendu amaiera bitarte jarraipena emango dionik topatzen ez badut behin betiko itxiko dut ataria eta honekin batera webgunearen kode eta jakina datu guztiak behin betiko ezabatuko ditut"
Honela amaitzen da Arandiaren mezua:
"Ez nuke amaitu nahi zuri, urteotan kaixomaitia.eus-engan konfidatu duzun erabiltzaile horri eskerrak eman gabe. Espero dut zure ilusio eta beharrak asebete dituela eta hauek aurrerantzean betetzeko bide berriak topatuko dituzula, euskaraz badira, are hobe.
Bidean ikusiko dugu elkar.
Agur Maitia".
Eskerrik asko zuri Iñigo.
Gazteak gero eta lehenago hasten dira pornografia kontsumitzen; izan ere, bere sexu heziketa bakarra da pornoa. Nola demontre heldu gara honaino?
Gaur egun, onartu behar da Interneti esker pornografia ikustea askoz errazagoa dela. Tamalez, klik baten bidez 7-9 urte arteko... [+]
XV. mende bukaeran edo XVI. mende hastapenean Belauntzako Katalina atxilotu, preso sartu, torturatu, guziaz desjabetu eta erbesteratu egin zuten, Oiartzungo Maritxurekin “haragizko harremanak” ukateagatik. 500 urtez isilean eta artxiboetan galdurik egondako... [+]
Larunbatean Makean izanen da Hamza Abuhamdia, Parisen bizi den palestinar queer-a, Palestinaren aldeko topaketaren kari. Israelek bideraturiko pinkwashing-ari buruzko tailerra eskainiko du –bat-bateko euskarazko itzulpenarekin– arratsaldeko 15:30ean. LGBT pertsonen... [+]
Zamora, X. mendearen amaiera. Duero ibaiaren ertzean eta hiriko harresietatik kanpo Santiago de los Caballeros eliza eraiki zuten. Eliza barruko kapiteletan askotariko eszenak irudikatu zituzten, besteak beste, eduki sexualak zituztenak: orgia bat, emakume biluzi bat gizon baten... [+]
Alfonso Setiey Anitzak elkarteko lehendakariak esan du langile eta informazio falta dagoela, itxaron zerrenda “luzea” dela eta estigmatizazio “handia” dagoela.
Sare Elkarteak antolaturik chemsex fenomeno soziokulturalaren inguruan mintzatzeko jardunaldiak antolatu dituzte Iruñean.
Hainbat kolektibok salatu du Gurutzetako ospitaleko Genero Identitatearen Unitatean arreta jasotzen duten transei lehen harrera psikiatrikoko profesionalek egiten dietela, horrek transak patologizatzen dituela eta harrera endokrinoak egin beharko lukeela. Harrera endokrinoak... [+]
Estrategia eta neurri ugari daude GIB birusari aurre egiteko; horien artean Prep esposizio aurreko profilaxia. Birusarekiko esposizio arrisku handia dutenek eskatu dezakete.
Jose Ignacio Munilla gotzainak enegarren aldiz erakutsi du bere homofobia, homosexualitatea “sendatzeko” terapiak defendatuz. Valentzian irakasle bat harrapatu dute ikasleekin birmoldaketa homosexualeko terapiak egiten, eta Donostiako apezpiku ohia bere alde atera... [+]
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Desiraren, genero identitatearen eta erotikaren ikuspegia zabaltzeaz mintzatu da Igor Nabarro sexologoa. Nerabezaroan muineko lesio bat izan zuen, eta hori dela-eta zalantzan jarri zituen maskulinitatea eta sexualitatea. Salatu du istripuaren ostean ez zuela inongo heziketa... [+]
Epaimahaiaren esanetan, dokumentala beharrezkoa da "bizikidetzari espazioa emateko", eta era berean, ez ahazteko urte luzez lesbianismoak ez duela ikusgarritasunik izan. Filminen dago ikusgai.
Euskal Herriko Sexu Askapenerako Mugimenduak (Ehgam) urtero bezala kalera aterako dela adierazi du, “Gure gorputz ez-bitar, trans, bollera, marika, bisexual eta disidenteez harro gaudela nahi dugu esan. Gure luma, gure bizitza-eredu ez-heterozuzenak eta gure... [+]
'Queertopia' da aurtengo Zinegoak jaialdiaren izenburua. Queertopiek erakusten dute posible dela errealitate ezberdinak harremanetan jartzeko espazioak sortzea. Alaitz Arenzana jaialdiko zuzendariarekin eta Julen Nafarrate komunikazio arduradunarekin duela 21 urte Bilbon... [+]
Aktibista intersexa* eta DJa da Marikarmen Free (Baena, Espainia,1984). 2003. urtean sistema psikiatrikoaren kontrako borrokan hasi zen, eta gaur egun bide beretik doa Insania kolektibokoekin. Martxoan, Iruñeko Katakraken egindako “Zapalkuntza psikiatrikoa eta... [+]