Kaiolatik kanpo
"Bizkarroia edo parasitoa beste espezie bateko banako batekin harreman estuan dagoen espeziea da, ostalaritik onura hartu eta kaltea eragiten diona"
Sarritan bezala, orduak ematen dituzu leihotik kanpora begira, bolada orori so. Urbasaren itzalak hortxe dirau, ikuspegiaren agintari; eta halaxe izanen da gu despeditu ostean. Inori onartuko ez badiogu ere, zeruko hegaztiek liluratzen gaituzte. Hain aske, edonora ihes egiteko pribilegio ezezaguna dutela. Hor, eskutik horren gertura izatea, biziraupen-ariketa bilakatzen da.
Ohituta egon beharko ginateke albistegian monarkia espainiarrari buruzko trapu zikinak entzutera, nahiz eta aparteko lausengari-segizioa izan. Duela hilabete eskas batzuk, urrian, Victoria Federicaren independentziaren berri izan genuen. Izan ere, Juan Carlos de Borbónen bilobak betiko etxea utzi zuen eta bikotearekin bizitzera joan zen. Nora eta Niño Jesús Madrilgo auzora, bere aitonak iraganean finantzatutako etxebizitzara.
"Gurasoen etxean geratzera behartuta daude asko, lan-prekarietatea eta errenta ordaintzeko egin beharreko sakrifizio ekonomikoa direla eta"
“Amarekin egoteak dakartzan erraztasunei agur esan die”, baieztatu zuten hainbat hedabidek. Pentsa ezazue Castellana pasalekuan kokaturiko pisuak 500 metro koadro dituela eta alokairuak hilean 5.000 euro balio dituela. Nork ordainduko du penitentzia anker hori? Aitonak akaso, Arabiar Emirerrietatik bidalitako gutun-azal baten bidez?
Espainiako Gazteriaren Kontseiluak dioenez, 2019ko gazte-emantzipazio tasa 15,8an kokatu zen, azken 21 urteotako daturik apalena. Gainera pandemiaren eraginez egoerak okerrera egin du, etxe bilaketak Homerok idatziko Odisearen antza hartuz. Gaur egun, batezbesteko alogeraren gastuak gazteon soldataren ia ehuneko ehuna eskatzen du: 91,6%. Kaiolatik kanpo luzaroan irautea ia ezinezkoa dugu, beraz.
Gurasoen etxean geratzera behartuta daude asko, lan-prekarietatea eta errenta ordaintzeko egin beharreko sakrifizio ekonomikoa direla eta. “Espainia jabeen herrialdea da”, errepikatu ohi dute azken urteotan, egia balitz bezala. Gure kabuz bizitzeko askatasuna ezeztatzen digute, parasito batzuek odola aterarazten diguten bitartean.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]
Ni ez dut nahi nire alaba ijitoz mozorrotzea kaldereroetan. Nik ez dut nahi nire alabaren eskolako haur ijitoak ijitoz mozorrotzea kaldereroetan. Ijito izatea ez delako mozorro bat. Ijito izatea ez delako urtean behin egiten den festa bat, arropa exotikoekin eta aurpegia ikatzez... [+]
Lan aste laburragoak ezartzeko politika orokorra ekarriko du 2025 urteak, enpresentzako kontratazio berrietarako kostu txikiak eta lan harremanetarako aldaketa norabide eraginkorra ekarriz.
Espainiako gobernu akordioa betetzeko helburuarekin, lanaldia astean 37,5 ordutara... [+]
Urtarrilaren 16an, Madrilgo administrazioko Trantsizio Energetikorako Ministerioak irrikaz eta kezkaz itxaroten genuen “Itsaraz” proiektuaren gaineko ingurumen-inpaktu adierazpena argitaratu zuen. Ebazpenak makroproiektu honen aurkako erabaki irmoa bezain argia... [+]
Egiari zor, ez dakit zergatik ari naizen hau idazten. Gaur egungo giro liskartsuan ez dira modu honetako iritziak ondo hartzen. Beharbada, ARGIAk ez du hau argitaratuko, ez baitator bat orain arte argitaratu dituzten iritziekin (baina, azkenean argitaratzea erabaki badute,... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Tipi-tapa mugitzen ditugu euskaltzaleok gure oinak Korrikaren lekukoaren atzetik, gure hizkuntzaren alde, desio dugun Euskal Herri euskalduna helburu, herri euskaldun gisa biziraun nahi dugula aldarrikatzeko.
Tipi-tapa ematen ditu lehen urratsak Afrikako, Hego Amerikako edo... [+]
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Duela aste pare bat Norvegiako zenbait datu plazaratu ziren. Ipar Europako herrialde hartan auto elektrikoak nagusitu dira, eta Tesla marka dute salduena; energia birziklagarriaz sortutakoa omen da han kontsumitzen denaren %90. Aldiz, Norvegiako enpresa publikoek ez dute inolako... [+]
.jpg)
Hauek izan ziren nire azken hitzak zure lo arnas sakonean eskutik helduta ginela joan zinenean. Aparteko minik gabe, xume, duin, geratu zen betiko zure bihotza. Zuk nahi eta eskatu bezala. Guk nahi eta errespetatu bezala.
Jada hilabete, neguaren atarian, gaurik luzeenak diren... [+]
Gaur egun, emakumeen eta haurren ahotsei zilegitasuna kentzen dien kulturaren arrastoak diraute, haien esperientziak isilaraziz, haien oinarrizko eskubide eta beharrak minimizatu edo alde batera uzteko joera duen sistema baten barruan. Arazo horren adibide mediatiko bat Juana... [+]
Asteartean eman zuten jakitera bost gazte lapurtarren kontrako sententzia. Hamabost hilabeteko espetxe zigorra gibelapenaz bi gazteri, 500 euroko isun banarekin; 140 orduko lan behartua eta 500 euroko isun bana beste bi gazteri; eta, azkenik, 1.700 euroko isuna beste... [+]
Lehengo batean, The Wire telesail sonatua berrikusten ari nintzela, etsipena gogora ekarri zidan eszena bat heldu zen. Bertan, The Baltimore Sun egunkariaren zuzendaritzak langileak bildu eta datozen aldaketei buruz ohartarazten die; hau da, kaleratzeez eta distira gutxiagoko... [+]
Bizi dugun kultura kontsumistak, erabiltzaile oro agintzen du gozamen neurrigabera. Slavoj Zizek dioen eran, Goza ezazu zure fetitxea, hiper-modernitatearen agindu ozena bihurtu da. Fetitxearen lekua betetzeko dauden gailu teknologikoen bidez gauzatzen baita egungo gozamena... [+]