Kaiolatik ihes
Kukuak txantxangorrien habietan jartzen ditu bere arrautzak. Errun ostean, kukuak ez du bere kumea elikatzen eta hazten, txantxangorria arduratzen baita txitaz.
Ez dakit zenbat urteko biziraupena duten kukuek. Badakit gure etxeko txoriak 40 urtetik gora dituela, eta tamalez, gero eta euskara gutxiago abesten duela. Hori salatzeko, ehunka lagunek Gasteizko kaleak hartu zituzten, Aldatu Gidoia Euskararen Alde lelopean. Eragile eta elkarte ugarik babestu zuten mobilizazioa, hala nola ELA, LAB eta Steilas sindikatuek, Euskalgintzaren Kontseiluak, Euskaltzaleen Topaguneak, UEMAk, Euskal Herrian Euskarazek, AEK-k, Ikastolen Elkarteak, eta Eskola Publikoaren Aldeko Plataformak.
Argiak izan ziren mezuak, baita hartzaileak ere: Eusko Jaurlaritza eta EITB. Euskara ardatz duten politika irmoak eskatu zizkieten, beste behin. Horrez gain, bai euskara, bai euskal kultura, bai euskal sortzaileak zokoratzea deitoratu zuten Aldatu Gidoia mugimenduko babesleek. Halaber, audientzia-datuen morrontzatik askatzea aldarrikatu zuten.
Zorionez, inoiz baino hobeto prestaturiko antzezle, gidoilari eta ekoizleak ditugu, eta ETBk izan beharko luke sortzaile horien habia, ez kaiola
Euskara biziraupen eta biziberritze fasean egonik, funtsezkoa da euskal telebista publikoa bidelagun izatea. Kolageno-zuntz sendoagoko agintariez gain, kontsumitzaileok ere hartu beharko genuke hausnarketarako tartea. Kalitate eskasa leporatu izan zaie maiz etxean ekoitzitako edukiei. Batzuetan horretarako arrazoi sendoak egonagatik, sarritan, ordea, bidegabeki eman diegu bizkarra saio ugariri.
Pantailen inbasio garaiotan, gainera, baditugu EITB Nahieran eta Primeran streaming plataformak, noiznahi eta nonahi kontsumitu eta erabil ditzakegunak. Zorionez, inoiz baino hobeto prestaturiko antzezle, gidoilari eta ekoizleak ditugu, eta ETBk izan beharko luke sortzaile horien habia, ez kaiola. Munduko ekosistemaren parte sentiarazten gaituen habia, hemengoaz nahiz hangoaz informatuko gaituena, normalizaziorako bidean euskaraz hazi eta heziko gaituena, gure sortzaileei lanerako aukera duinak eskainiko dizkiena.
Badago zer aldatu, badago zer hobetu; baina gidoi honetan guztioi dagokigu aktore izatea.
Eta ornitologia kontuak albo batera utzita, gainerakoan, betiko martxan jarraitzen dugu, txarra kenduta, ondo. Batetik, badakizue, eta bestetik, zer esatea nahi duzue? Datozen egunetarako zer prestatu ez badakizue, Txoriene, Joseba Arguiñano Sukalerrian edo Sukaldarien liga ikus ditzakezue.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Gure eskubideak, gure etorkizuna, orain! lelopean, Giza Eskubideen Nazioarteko Egunak 76 urteetako ondarea ospatzen du. Egunak mundu baketsuagoa, berdinzaleagoa eta jasangarriagoa eraikitzearen alde egitea du xede. Hala ere, aurrerapenak ospatzen diren bitartean, babesturik... [+]
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]