Kabi@ 2024 Durangoko Azokan: Eremu digitala pentsatzen eta garatzen
Durangoko Azokaren alor digitala da Kabi@ espazioa eta egitaraua. Aurtengo edizioan, abenduaren 5ean eta 6an izango dira Kabi@ko ekitaldiak, Azokaren lehen bi egunetan (gero 8ra bitartean iraungo du). Ekitaldiak banatuko dira Durangoko Bizenta Migel Liburutegiaren eta Landako gune nagusiaren artean.
Hona egitaraua atalka. Kontuan izan Bizenta Migel Liburutegia dagoela Durangoko Komentukalean (8. zenbakian).
Abenduak 5, Mogel liburutegia, ikasle goiza
10:30. "BerPiztu ordenagailu zaharra" tailerra Elkartenet-ekin. Luberri Linux sistema eragile libre eta euskalduna instalatzen ikasteko lantegia.
12:00. Gymkhana: digitalizazioa jokoan Tailerra // Leire Lisón. Digitalizazioa ikuspegi kritikoarekin lantzera bideratutako saio honetan, ikasleak rol nahiz jakintza-jolasetan murgilduko dira. Taldean lan egin beharko dute aurkeztuko zaizkien erronkei aurre egiteko.
Abenduak 5, Landako areto nagusian
10:30 - 14:00 // 16:00 - 19:30. Gamer Gela: Game Erauntsiak eta Rolariak, bakarrik edo lagunekin, jolasteaz gozatzeko tartea irekiko dute Azokaren erdian.
Abenduak 6, Mogel liburutegian
11:00. Kutxaz Kanpo: hemen pentsatzeari jolastu esaten diogu Tailerra // Fikzio fabrika + Badalab. Saio honetan mahai eta karta jokoak erabiliko ditugu euskararen etorkizunak elkarrekin pentsatzeko, esperiantzia ludikotik abiatuta euskararen eta euskal gizartearen erronkez eta beharrez elkarrekin pentsatzeko. Izen ematea: info (a bildua) fikziofabrika.eus
Abenduak 6, Landako areto nagusian
16:00. Adimen artifizial sortzailea? Mahaingurua // Elhuyar. Zer da adimen artifizial sortzailea? hezur haragizko sortzaileen lan-tresna edo langabeziara bidaliko dituen teknologia? Nondik elikatzen dira adimen artifizialak eta norena da haiekin sortutakoa.
16:40. Torrekua - Teknologia libreak sortzeko, sustatzeko eta saretzeko sormen espazio komunitarioa. Aurkezpena // Gorka Julio. Teknologia Libreekin eta Ekonomia Sozial Eraldatzailearekin lotutako sormen espazio komunitario eta interkooperatibo bat izateko helburuarekin sortutako laborategia da Torrekua, Errenterian kokatua.
17:00. Begizta. Aurkezpena // Izarkom + Onaro. Izarkomek beste hainbat eragilerekin batera osatu eta eskainiko duen online bidezko telebista zerbitzuen plataforma da Begizta.
17:30. Margo Piratak. Aurkezpena // Eider Eibar eta Iskander Sagarminaga. Eider Eibar ilustratzaileak eta Sagarminaga igerilariak 7 itsasoen erronkak igerian eta marraztuz euskaraz sorturiko eduki digitalen sorta.
17:50. Egin Ttap!. Topaketa // Kukulaisi. Egin Ttap! familian jokatzeko online lehiaketa, 7 egunetan martxan izatekoa den jokoa.
18:30. Erronka digitalak. Nola garatu erabilera kritikoa? Aurkezpena + Mahaingurua // Ikusgela + Badalab. Nor gara sarean? Norizan gaitezke? Zenbateraino gara pantailen esklabu? Bada zurrunbilotik ateratzerik? Adimen artifizialak sortzen duen hori artea da? Eta norena da jabetza? Noren esku dago internet mugatu eta arautzea? Zein oztopo ditu euskarak sarean? Erabili dezakezu irudi edo bideo bat zuk nahi duzunerako?
19:20. Appa Hi! eta hika.ahotsak.eus. Aurkezpena // Aintzane Agirrebeña eta Idoia Etxeberria. Badihardugu Euskara Elkarteak hitanoaren inguruko aurtengo nobedadeak
aurkeztuko dituzte.
19:40. Leitzako hitanoa berpizten: Hika eta toka. Noka ere toka! Aurkezpena // Fernando Oiartzun. Leitzako hitanoaren bilduma liburu formatuan auzolanez osatu ondoren, orain ikus-entzunezkoa gehitu zaio proiektu honi.
Mila lan egitetik bizi dira, sarri, marrazkilari eta ilustratzaileak. Ezaguna da sektorearen aspektu hori. Prekarietatea deitu ahal zaiona nagusiki; ikusezina izatea ere bai. Paula Estévez (Donostia, 1984), esaterako, ARGIAn ikusi izan dugu azken bost urteotan, sarri... [+]
Milaka eta milaka euskaltzale eta euskal kulturaren zale elkartu dira Durangon asteburu luzean, ondo asko egonkortua den urteroko hitzorduan. Sartzeko itxaronaldiak, ordubeterainokoak, euripean... Kultur-gosez egon da jendea. Eta asebeteko ziren, halaxe sumatu baita postuen... [+]
Salto batez jaiki da ohetik, pelikula txutxi-flower batean balego bezalaxe. Gelatik irten, sukaldera joan, amari muxu potolo bat eman eta dutxan sartu da, Deus ex machina kantua hartuta soinu-banda modura. Aurora borealak entzuten ditu letran, baina, egiazki, letraren fabulari... [+]
Oraindik ere ondo gogoan du amak nola esan zion atzo: “Iraitz, segiozu ohera, badela garaia. Eta utzi mugikorra, itsutu egingo zara-eta!”.
Nola ez, amak arrazoi. Gaurko betzuloek ez dute barkatzen. Ez du begirik bildu gauean. Ohean buelta eta buelta, maiz... [+]
Abenduaren 5ean ikasleei eta irakasleei zuzendutako tailer, hitzaldi eta ikuskizunak izango dira azokan. Dinamiken bidez sortzaileak ezagutu eta eurekin harremanetan jartzeko moduko aukera ere izango da. Edukiera guztia bete da jada ikasle goizerako. ARGIAk eskaintza zabala... [+]
Egotea egitea da. Hala dio aurten Durangoko Azokak, eta egia da, azokaren beraren kasuan behintzat eta Euskal Herria aintzat hartuta. Dagoeneko 59. azoka da aurtengoa, eta urtero egote hutsak frogatzen du euskara, euskal kultura, euskal nazioa egiteko modua dela Durangoko... [+]
Jakoba Errekondo eta Garbiñe Larrea han izango dira, baita Haziak liburuko egileak ere. Superbotereak hezkuntza liburua, Abentura erraldoia komikia... eta, jakina, Inor ez da ilegala-ren postutxoa ere ipiniko du ARGIAk. Aurtengo beste nobedadea: denda fisikoa Andra Mari... [+]
Azken 15 urteetan dugun Internetak hartu duen bilakaera ikusita, duen eredu teknologiko eta negozio ereduari lotuta, gizatasunaren alde txarrenak areagotzeko tresna dela pentsatu dezakegu. Ideia horrekin konforme ez dauden eragileak sortu dira mundu osoan zehar. Honako... [+]
Durangoko Azokako berrikuntzetako bat izango da ZirHika taldeak sortu duen hikalarien bilgunea. Hika hitz egitea eta ongi pasatzea izango da helburua, abenduaren 7an Landako ikastetxean.