Justizia klimatikoa eskatzeko protestak egin dituzte Glasgowko goi-bileraren harira
COP26 bileraren aurka Eskoziako hiriburuko kaleak hartu dituzte larunbatean 100.000 pertsona inguruk. Donostian eta Bilbon ere elkarretaratzeak egin dituzte, eta agintariei hitzetatik ekintzetara pasatzeko galdegin diete.
Urriaren amaieratik Glasgown (Eskozia) bilduta daude nazioarteko buruzagi politikoak, klima larrialdiari aurre egiteko erabakiak hartzeko asmoz. Larunbatean kalera atera dira 100.000 herritar inguru, COP26 Coalition manifestazioaren deitzailearen arabera. “Justizia klimatikoa” aldarrikatu dute askotariko eragileek, eta horretarako “sistema aldatzea” beharrezkoa dela gogorarazi. Herri indigenetako ordezkariak martxaren buru izan dira, aktibismo klimatikoaren sinbolo gisa; halaber, parte hartu dute sindikatuek, gazteek, mugimendu feministak eta nekazariek. Ohartarazi dute ez dagoela denborarik egoera iraultzeko, ezta “B planetarik” ere.
Donostian eta Bilbon
Munduko hainbat hiritan ere izan dira protestak, horien artean Donostian eta Bilbon. Larunbat goizean Kontxako hondartzan bildu dira hainbat mugimendu sozial eta ekologistetako kideak, Larreko Mahaiak deituta, eta “Klima ez da negozioa” leloa osatu dute aterkiekin. Salatu dute Glasgowko goi-bilerak ez dituela klima larrialdiari aurre egiteko irtenbide errealak ematen. Plataformak aldarrikatu du ez dela nahikoa azaleko aldaketak egitea, baizik eta materialen eta energiaren kontsumoa murriztu behar dela, eta “hazkunde ekonomiko globala” gelditu. Aldaketak “orain” behar direla azpimarratu zuten.
Arratsaldean, Bilbon egin dute protesta Aldaketaldia plataformak deituta, eta agintariei hitzetatik ekintzetara pasatzeko eskatu diete, “Denbora agortzen ari zaigu, justizia klimatikoa orain” lelopean. Gainera, kritikatu dute nazioarteko biltzarrean herrialde txirotuek duten parte hartze txikia, kontuan izanda haiek ari direla klima aldaketaren ondorio larrienak pairatzen.
Metamorfosi ekologikoa geldirik Ipar Euskal Herrian
Bizi! plataformak COP26ren bileraren testuinguruan aurkeztu du Ipar Euskal Herriko metamorfosi ekologikoaren egoerari buruzko txostena. Larunbatean argitaratu dute, eta salatu dute aztertutako herri ia denek ez dutela ekintzarik egin klima larrialdiari aurre egiteko. Jarraipena egin dieten 56 Herriko Etxeetatik (Euskal Elkargoko biztanleen %87 bertan bizi da) 40 oraindik trantsizio ekologikoaren 0 fasean daude. Jakinarazi dute Lapurdiko Baiona eta Itsasu direla 1. fasera igaro diren bakarrak.
Hegosudandar gehienak txirotasun larrian bizi izan dira azken bi mendeotan gutienez, eta zoritxarrez, estatu independente bihurtzeak ez die egoera hobetu, munduko herrialde txiroena baita, hainbat gerra tarteko. Testuinguru oso hauskor horretan klima aldaketak zailtasun berri... [+]
Azken asteotan, arkitekturan dihardugunontzat ez da posible izan Valentziako klima gertaera gure lan hizketaldira ez ekartzea. Uraren ibilbidea eraikinen estalkietan, estolderietan, plazetan eta parkeetan pentsatu eta diseinatu behar ditugulako. Ongi dakigu giza eskalako ur... [+]
COP29 hasi da astelehen honetan Bakun, Azerbaijanen hiriburuan. 197 herrialde dira foro honetako kide eta horiez gain mundu osoko sare zibilaren milaka pertsona hurbilduko dira bertara, gobernuen jarduna jarraitzeko. Aurtengo gai izarra finantzazioa izango da.
Copernicus ingurumen behategiaren arabera 2024ak errekorra hautsiko du Lurreko tenperaturari dagokionez, eta hori bakarrik ez, industria aurreko garaiko batez bestekoa baino 1,5ºC altuagoa izango da lehen aldiz.
Gero eta egoera larriagoan daude munduko oihanak, klima aldaketak ekarritako bero uhin eta lehorteek bultzatzen dituzten suteengatik, bertzeak bertze. Latitude ertain eta borealetan klima jadanik aldatu arren, oihanak orain arte oso guti prestatu ditugu aldaketari, batez ere... [+]
Valentzian denboraleak eragindako hildakoen eta kalteen atzean faktore meteorologiko hutsak daudela pentsatzea inozoegia litzateke. Generalitateak larrialdia nola kudeatu duen salatu du askok, baita multinazionalen negozio egarria lehenetsi dela ere. Eta gune pobreenak kaltetu... [+]
Denborale batek hondamendia eragin du Mediterraneo mendebaldean, eta gutxienez 92 dira hildakoak eta dozenaka desagertu daude. Halako ekaitz bortitzen arrazoiak kostaldearen txikizioan bilatu behar direla ohartarazi zuen Millán Millán meteorologoak. Eta soluzioa... [+]
Txorien migrazioen mapak argi uzten digu hegazti migratzaileentzat pasabide interesgarri eta aberatsa dela Euskal Herria. 350 bat hegazti espezie zenbatzen ditugu negurako kanpora doazenen zein bertara datozenen eta migrazio-bidean atseden hartzeko pausagune dutenen artean. Bizi... [+]
Pertsona batzuek kapitalismoa "besarkatzen" dute, konturatu gabe arazoa sistema berean dagoela; planeta mugatu batean hazkundea etengabe bilatzean. Energia intentsiboak ekoizteko modu guztiak mundua irensten ari dira.
Karibea eta Ipar Amerika jo dituen Helene urakanak erakutsi bezala, klima aldaketak indarturiko muturreko eguraldien kostua kolosala da. Hainbertze, non eta aseguruak horren arabera garestituko diren, arrisku berriei aurre egiteko asmoz. Klimaren bilakaera hori gelditu ezean,... [+]
Artikoari begira jarri eta XXI. mendeko erronka eta arazo handienez hitz egiten bukatzen dugu aski fite: geopolitika, edo hobeki erran gerlak eta klima larrialdia. Horretaz kontziente, Artikoko Batzarraren baitan egin ahala eraikitzaile eta bakezale izateko jarrera izan dute... [+]
Hemen gatoz, atzera ere, hausnarra berritzera. Edo behintzat saiatzera. Edo horrekin amestera. Ez dakit, ordea, berritik zer izango dugun; izan ere, antza, munduak lehengo lepotik burua jarraitzen du. Barkatu okerra: gizakiok jarraitzen dugu lehengo lepotik.
Euskal Herriaren zatirik handiena klima zonalde epelean kokatuta egon arren, Arabako eta Nafarroako hegoaldean ez ezik, edonora hedatzen dira udako bero bolada latzak. Eta, dirudienez, klima aldaketarekin okerrera eginen du egoerak –edo egiten ari da, honezkero?–... [+]
Metano isurketak murriztearen beharra berresten du klima aztertzen dabilen The Global Carbon Project proiektuko 69 ikerlarik plazaraturiko txostenak. Horrez gain, biharamunean atera du bere txostena Lurraren Aldeko Batzarrak, eta argiki dio: aldaketa sistemikoak bideratzeko... [+]