“Justizia espekulatzaileekin lerratu da beste behin”
Heldu da Kortxoeneak epaitegietan jarri zuen salaketaren epaia: Eraikuntza enpresa absolbituta. 2015eko azaroaren 3an Donostiako Gros auzoan zegoen Kortxoenea gaztetxea desalojatu zuten aurpegian estalita eta metalezko barrak zituzten hainbat pertsonak. Ondoren, eraikina eraitsi zuten. Kolektiboko kideek salaketa jarri zuten. "Justizia espekulatzaileekin lerratu da beste behin, eraikuntza enpresako kideak barkatu dituzte", jakinarazi dute prentsara bidalitako ohar batean. Bere garaian eman zuten testigantza berresten dutela adierazi dute bideo batekin.
"Euskal Herrian ez dira ohikoak izan Kortxoeneakoa gisako okupazio publiko eta kolektibo baten aurrean epaitegi eta polizien esku hartze zuzenik gabeko desalojoak, nahiz eta Espainiako Estatuan maiz bizi izan dituzten halako egoerak", diote bideoan. Gaiarekin lotuta, La Directak egindako erreportajea irakurgai dago euskaraz: Paramilitarren eta ultraeskuindarren enpresa batek etxe-kaleratze estrajudizialak egiten ditu.
"Sententzia bera eta hark dakartzan ondorioak salatu nahi ditugu. Aurrekari arriskutsu izan zitekeenaren kezka plazaratu genuen. Badakigu auzitegiak ez direla sekula gure borroka eremu naturala izan, baina egoeraren larritasunaren aurrean, eta halakoak Euskal Herrietan zabalduko ziren kezka ikusirik, horren arrotza zaigun epaitegien bide arantzatsua ere jorratzeko hautua egin genuen".
"Gaurkoan –jarraitzen dute abokatuek– inoiz baino argiago erakutsi digute epaitegiak sistema anker honen katebegi direla eta euren legeak betetzeko beharrik ere ez dutela, zigorgabetasunaren bandera harro erakutsiz".
Bideoarekin batera bidali duten e-posta honela amaitu dute: "Honekin batera adierazi nahi dugu arrazoi bat gehiago dugula kalera ateratzeko, eta #BizitzaDaHandiena kanpainan parte hartzeko deia luzatu nahi dugu, kalean ikusiko dugu elkar!".
Gaiarekin lotutako informazioa
Kortxoenea, irautea sortzea delako dokumentala sarean ikusgai Dokumentalen kanalean.
Kortxoenea gaztetxearen eraisketa, erreportajea Topaturen eskutik.
Astelehenean hasiko da epaiketa Donostiako Kortxoenea gaztetxea eraitsi zuen enpresaren aurka: Groseko Etxebizitzak SL. 11:30 izango da epaiketa eta gaztetxeko kideek dei egin diote jendeari epaiketara bertara ager daitezen.
Micaela Chalmeta Bartzelonako Sants auzoko kooperatibista feministaren izena daraman Big Bandak beste maila batera igo ditu Fermin Muguruzaren ibilbide osoko kantuak. Victoria Eugenia jendez eta emozioz lepo izan da bart.
Asteazkenean jaso zuen Fermin Muguruza musikari eta zinegile irundarrak Donostiako Udalak eman dion Adarra saria.
Asteazkenean izan du epaiketa Aritz Cevidanesek Donostian, Kortxoenea gaztetxearen desalojoan eraso egin zioten segurtasun enpresa pribatuko kideen aurka salaketa jarrita. Beste salaketa batzuk ere jarri zituzten gaztetxeko kideek, ilegal gisa definitzen duten desalojoa gauzatu... [+]
Efemerideak gugan zauriak direlako. Hala kantatu zigun Anarik, joan den urteko urrian Kortxoenean eman zuen kontzertuan. Bai, gaurkoan bederen, efemeridea zauriak dira guretzako.
Kortxoeneako hustearen ondoren iritsi diren isunei aurre egiteko jaialdia antolatu dute Donostian. Urriaren 28an, ostirala, ospatuko da Doka antzokian, 20:30etatik aurrera.
Luxuzko etxe-agentzia bat eta Desokupa, Europa ekialdeko milizianoek eta arte martzialen borrokalari faxistek osatutako «etxe-kaleratzeen enpresa» bat, elkar hartuta dihardutela salatu du kanpaina batek.
Eta konturatzerako 2016an gaude, Europako Kultur Hiriburua da Donostia, gertakizunak urte osoko titularrak beteko ditu. Foku handitik kanpo ere kultura asko dago, dena den. Eta hor mugitzen denak ibilbide luzeagoa izango du segur aski urteko ebentoak baino.
Kortxoenea gaztetxeko kideek prentsaurrekoa eman dute, adierazteko Udalarekin egiten ari diren bilerak “antzuak” direla. Grosen eraitsi zuten gaztetxeko kideek, Zemoria kalean hutsik geratuk den eta Udalarena den eraikina prozesu parte hartzaile baten bidez... [+]
Protesta ugari eragin zituen Kortxoenearen aurkako operazioak eta behin eraitsita ere, askoren imaginarioan jarraitzen duela dirudi. Horren erakusgarri da inauterietan gaztetxea berriz martxan jarri izana.
Interes politiko oinarrizkoena jabego pribatuaren balioen defentsa denean, jabego pribatuen interesek gidatzen dituzte botere erakundeak; baita erakundeok publikoak badira ere. “Udalari dagokiona da eraiste baimena eskatzen denean baimen hori ematea, hori ez da aukerakoa... [+]
Hustu. Eraitsi. Eraiki. Espazioa eta bere ekoizpena, munduko ekonomiaren azken hedapen zikloan jarduera gakoa izan dira. Bestela esanda, kapitalismo globala espazioaren ekoizpen eta suntsiketa prozesuaren bidez ahalegindu da berezko dituen kontraesanak gainditzen. Eta... [+]
Donostiako epaitegiak badaezpadako neurri gisa eraisketa lanak gelditzeko agindu du. Bost egunean 3000€ bildu beharko dituzte badaezpadako neurria indarrean jartzeko.