Jusapolen antzerako elkarte bat sortzea aztertzen ari dira hainbat ertzain
El Salto-k argitaratu duenez, Jusapol bezalako elkarte bat sortzeko aukera aztertu dute hainbat ertzainek. Soldataren eteten aurrean diru sarrerak ziurtatzea eta zigorren aurrean aholkularitza juridikoa eskaintzeko tresna bila ariko lirateke.
Hainbat ertzainen arteko elkarrizketak argitaratu ditu El Saltok, eta jakitera eman du Jusapol (Guardia Zibilen eta Espainiako Poliziaren elkarte ultraeskuindarra) bezalako elkarte bat sortzeko aukerak aztertzen ari direla.
Ertzaintzen artean dituzten Whatsapp talde batean izandako audio trukaketa eskuratu du El Saltok, eta horietako batean Intxaurrondoko guardia zibil batek ertzainekin izandakoa dago. Guardia zibila Jucil elkarteko (Jusapoleko adarra) kidea da, eta ertzainen artean antzerako elkarte bat sortzeko konbentzitzen saiatzen da. Horretarako, soldata etenez gero, Jusapol bezalako elkarte batean afiliatuta egoteak ematen dituen "abantailak" –soldata urtebetez kobratzen jarraitu edota aholkularitza juridikoa– azaltzen dizkie hainbat ertzaini.
Negoziazioetan indar gehiago edukitzeko tresna ere badela azpimarratu du guardia zibilak eta bide batez, ohiko sindikatuak alde batera uzteko bidetzat proposatu du: "Elkarte bat sor ezazue, eta ea horrela lotsagabe hauek gainetik kentzen ditugun”.
El Saltok azpimarratu duenez, proposamen hauek ez dute aurkako iritzirik jaso Whatsapp talde horretan. Areago, elkarte baten sorrerako balizko bozketez ere hitz egin dute.
Arazoa oinarrian
"Dena lehertu da, eta kezkatzen gaitu Espainiako Polizia Nazionalean, Guardia Zibilean eta Mossoetan ikusi ditugun antzeko pausoak Ertzaintzan ere emateak eta mezu autoritarioek bidea egiteak", dio Ertzaintzan ELA sindikatuak duen bozeramaile Tomás Rodríguezek. Ertzaintzaren barruan piztu den azken polemikaren harira oinarrizko bi arazo azpimarratu ditu: "Batetik, ertzainak aukeratzeko irizpideak ez dira inolaz ere pluralak, ez ideologikoki ezta kulturalki ere. Bestetik, ertzainek jasotzen dituzten formazioetan ez dira oinarrizko gaiak jorratzen, hala nola oinarrizko giza eskubideak eta arlo sozial eta laboraleko eskubideak".
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Salburuako futbol kantxetan polizia-operazio planifikatu bat egin zuen igandean Ertzaintzak, eta Gasteizko GKSk nahiz Gasteiz Antirrazista eragileek salatu dutenez, bertan zeuden pertsona ugari identifikatu, miatu eta kolpatu zituzten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Gipuzkoako Fiskaltzak sei urteko espetxe-zigorra ezarri nahi dio Donostiako Herritarren Babeseko patruiletako buruari. Ertzainak kokainaren truke prozesu judizialean onurak eskaini zizkion droga trafikatzea egotzita atxilotutako gizon bati.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Polizia ez zegoen lanean ustezko gertakaria jazo zenean.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.