Jupiter versus Janus
Poesia-errealitatea artifiziorik gabe errealitatera doa. Poetak Estatuaren ekipamenduak idazten ditu. Kaskoa: 800 euro. Defentsa bala jaurtitzailea : 650 euro. Defentsa bala: 30 euro. Gorputzaren babesa: 2.500 euro. Ezkutua: 350 euro. Borra teleskopikoa 70: euro. Granada lakrimogenoen jaurtitzailea: 2.500 euro. Borra Tonfa: 30 euro. Granada lakrimogenoa klasikoa: 15 euro. Granada lakrimogenoa GLI-F4 soinu efektuekin: 25 euro. Granada jaurtitzailea: 900 euro. Granada desinguratzerako: 20 euro.
Poetak Estatuaren segurtasun indarren zenbakien areagotzea idazten du. 2018. urtean 275 700. 2022. urtean 285 700. Poetak Estatuaren aurrekontuak edota buxetak idazten ditu. Lana: 12,23 biloi edota miliarrak. Barne segurtasuna: 13.1 miliarrak. Defentsa: 35.89 miliarrak. Poetak idazten du Frantzia Estatu poliziala eta militarra besterik ez dela.
Poetak idazten du Presidentea ez dela Jupiter baina Janus. Poetak Janus presidentearen bi aurpegiak idazten ditu. Segurtasunerako eskuzabala. Hezkuntzarako (prekaritatean bizi diren irakasleentzat), lan mundurako (langabezian direnentzat lan xerkatzearen pribatizazioari esker), eta kapitalismo basa eta neoliberalaren ertzean geratzen direnentzat lotsagarri. Poetak Janus 1 (eskuzabala) Janus 2 (lotsagarri) eskuan duen lumarma bakar batez idazten du.
Eta poetaren burmuinaren gune batean, Xabier Leteren poetaren Poeta hoiek abestia burrunbatzen ari da. Eta poetak Xabier Leteren hitzak berkopiatzen ditu. “Gizona kartzelan sartu dute. Zer esan du? Zer egin du? Semeentzat ogia eskatu du. Eta poeta, eta poeta etxean gelditu da ateak itxita. Gizona zigorrez jo dute. Zer esan du? Zer egin du? Guztiontzat egia eskatu du. Eta poeta, eta poeta kalean gelditu da, begiak itxita. Gizona kartzelan hantxe dago. Zer esan du? Zer egin du? Justizia apur bat eskatu zun. Eta poeta, eta poeta isilik gelditu da beldurrak eraginda. Ai, poeta! Ai, poeta! Gogorra izango da zuretzat askatasun eguna!”
Eta poeta gizakien eskubideen alde karrikaratzen da eta poeta Estatuaren segurtasunen indarren balak eskuin begiak lehertzen dio eta Estatuaren segurtasunen indarren granadak idazteko dituen eskuak deserrotzen dizkio eta gelditzen zaion gorputz ebaki mutilatu moztuz Ai, poeta ! Ai, poeta ! oihukatzen du.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Mundu mailako ekonomiak gorakada nabarmena izan zuen COVID-19aren ostean. Orain, baina, gorakada hori agortze-fase batera heldu den zantzuak agerikoak dira, krisi klimatikoak nabarmen baldintzatuta: munduko potentzia nagusien ekonomiaren hazkunde-tasa murrizten ari da,... [+]
Nire lehendabiziko poema liburua argitaratu nuenean errezitaldi bat ematea eskaini zidaten unibertsitate batean. Musikariak dirutan kobratu zuen eta niri Jorge Oteizari buruzko liburu bat eman zidaten, hartu ez nuena, baneukalako etxean. Horixe izan zen onartu ditudan eskaera... [+]
Ekainean jarri du martxan Bilboko Udalak Emisio Gutxiko Eremua, irailera arte isunak jartzen hasiko ez bada ere. Neurri horrek auto zaharren sarrera mugatuko du Bilboko zabalgune burgesera astelehenetik ostiralera. Hasiera batean 2000. urtea baino lehen matrikulaturiko... [+]
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
Kapitalismoan lana salgai bat da, beraz, ohiko ekonomialarien pentsamoldea jarraituz, eskaintza eta eskariaren arteko orekak bai prezioa, bai kantitatea erregulatu beharko lituzke. Agerikoa denez, hori ez da errealitatean betetzen. Emango balitz, lan harremanak leherraraziko... [+]
Zutabe hau idazteari uko egin behar nioke, baina berandu da. Hauteskundeak izan dira Frantzian. Non dago Frantzia? Bai, hemen goian, iparraldean; baina, munduan, ez dakit oraintxe non dagoen Frantzia, noren zer den. Eta ez dakit noiztik begiratzen diodan ia soilik... [+]
Badator uda, eta horrekin batera, herri, auzo eta hirietako jai herrikoiak. Jaiak beti izan dira aldarrikapen sozial eta politikoen, auzokideen arteko harremanen eta euforia herrikoiaren aterpe. Gure kaleak hartzen dituzte, eta egun batzuez autogestioaren, desberdinen arteko... [+]