Julio Sotok bildu du puntu gehien Donezteben, Nafarroako Bertsolari Txapelketan
Azaroaren 14an Leitzan jokatuko den finalaurrekorako txartela eskuratu du egungo txapeldunak. Urriaren 16koarekin itxitzat eman da final-laurdenen fasea, eta ondorioz, osatu da finalaurrekoetan ariko diren 18 bertsolarien zerrendan. 200 entzule inguru bildu dira Doneztebeko zineman, saioa bertatik bertara jarraitzeko.
Donezteben jokatu da 2021eko Nafarroako Bertsolari Txapelketako laugarren eta azken final-laurdena. Maialen Belarrak aurkeztuta, sei bertsolari aritu dira kantuan: Julio Soto Ezkurdia, Josu Sanjurjo Altzuri, Iker Gorosterrazu Elizagoien, Ekain Alegre Gil, Egoitz Gorosterrazu Elizagoien eta Sahats Aleman Sadaba. 200 entzule inguru elkartu dira Doneztebeko zineman, Nafarroako Bertsozale Elkarteak Doneztebeko Udalaren laguntzarekin antolatutako saioa zuzenean entzuteko.
Saioko ariketa puntuagarriak behin eginda, Julio Sotok eskuratu du epaileen puntu gehien, 387,5, eta hortaz, saioa irabazi eta Leitzako finalaurrekorako txartela eskuratu du. Haren atzetik sailkatu dira Josu Sanjurjo (335), Iker Gorosterrazu (304), Ekain Alegre Gil (284,5), Egoitz Gorosterrazu (272,5) eta Sahats Aleman Sadaba (267). Zehazki, horrela gelditu da saioaren puntuazioa.
1. Julio Soto Ezkurdia: 387,5
2. Josu Sanjurjo Altzuri: 335
3. Iker Gorosterrazu Elizagoien: 304
4. Ekain Alegre Gil: 284,5
5. Egoitz Gorosterrazu Elizagoien: 272,5
6. Sahats Aleman Sadaba. 267
Finalaurrekoak osatuta
Baina urriaren 16ko saioak bazuen beste interes bat ere, faseko azkena izaki, hor argitu baita finalaurrekoetan ariko diren 18 bertsolarien zerrenda. Lau final-laurdenetako irabazleei puntuazioaren araberako hurrengoa 14 bertsolariak gehitu zaizkie. Zehazki, hauek:
Eneko Fernandez Maritxalar
Eneko Lazkoz Fernandez
Joanes Illarregi Marzol
Julio Soto Ezkurdia
Saioa Alkaiza Guallar
Erika Lagoma Pombar
Xabat lllarregi Marzol
Josu Sanjurjo Altzuri
Sarai Robles Vitas
Xabier Silveira Etxeberria
Alazne Untxalo Erregerena
Ekhiñe Zapiain Arlegi
Endika Legarra Nuin
Mikel Lasarte Cia
Julen Zelaieta Iriarte
Iker Gorosterrazu Elizagoien
Patxi Castillo Graciarena
Oier Lakuntza Irigoien
Gauzak horrela, osatu dira finalaurrekoetako hiru saioak, seina bertsolarirekin. Azaroaren 1ean Altsasun, azaroaren 6an Berriozarren eta azaroaren 14an Leitzan jokatuko dira hiru saio horiek. Horietatik denetik, zortzi bertsolari sailkatuko dira azaroaren 28ko Iruñeko finalera. Hauek dira finalaurrekoak:
Altsasu. Azaroak 1, 17:30ean Iortia Kulturgunean
Eneko Fernandez Maritxalar
Erika Lagoma Pombar
Xabat Illarregi Marzol
Ekhiñe Zapiain Arlegi
Endika Legarra Nuin
Oier Lakuntza Irigoien
Gai-jartzailea: Fernando Anbustegi Goñi
Berriozar. Azaroak 6, 17:30ean Entzunaretoan
Eneko Lazkoz Martinez
Saioa Alkaiza Guallar
Josu Sanjurjo Altzuri
Alazne Untxalo Erregerena
Mikel Lasarte Cia
Patxi Castillo Graciarena
Gai-jartzailea: Maialen Belarra Eneterreaga
Leitza. Azaroak 14, 17:30ean Herri Aretoan
Joanes Illarregi Marzol
Julio Soto Ezkurdia
Sarai Robles Vitas
Xabier Silveira Etxeberria
Julen Zelaieta Iriarte
Iker Gorosterrazu Elizagoien
Gai-jartzailea: Ainhoa Larretxea Agirre
Saio guztietarako sarrerak dagoeneko salgai daude www.bertsosarrerak.eus atarian.
Nafarroako Bertsolari Txapelketaren laguntzailea da ARGIA. Elkarlan horri esker, Iruñean abenduaren 2an jokatuko den finalerako bi sarrera helarazi dizkigu Nafarroako Bertsozale Elkarteak, harpidedunen artean zozketatzeko.
Nafarroako bertsolari txapelketa (aurre-kanporaketa)
Non-Noiz: Etxaurin, ekainaren 2an.
Parte-hartzaileak: Bittori Elizalde, Egoitz Gorosterrazu, Ainara Ieregi, Aitor Irastortza Arrizurieta, Saats Karasatorre, Eki Mateorena.
Batzuen eta besteen zorionak jasota aritu gara Saioa Alkaizarekin Iruñeko Alde Zaharreko kaleetan barna, elkarrizketa hau egiteko momentuan. Besteen harrerak lagundu dio lortu berri duena kokatzen. Nafarroako Bertsolari Txapelketa irabazi eta astebetera,... [+]
Lehen aldiz finalera iritsi eta txapela jantzi du Saioa Alkaizak, Eneko Lazkozekin buruz burukoa jokatu eta gero. Bertsolaritzaren alde ekarpen handia egin duen Estitxu Arozenak jantzi dio txapela irabazleari.
Azken finalaurrekoa irabazita, azaroaren 28an izango den finalerako sailkatzea lortu du herriko bertako bertsolariak. Hain zuzen ere, hauexek izango dira Iruñeko Anaitasunan izango direnak: Eneko Lazkoz, Julio Soto, Joanes Illarregi, Saioa Alkaiza, Josu Sanjurjo, Xabat... [+]
200 lagun elkartu dira Berriozarko Entzunaretoan, txapelketako bigarren finalaurrekoa bertatik bertara jarraitzeko. Sei bertsolari aritu dira kantuan: Josu Sanjurjo, Alazne Untxalo, Patxi Castillo, Mikel Lasarte, Saioa Alkaiza eta Julio Soto. Azken horrek eskuratu du puntu... [+]
Tafallako final-laurdenean nagusi izan da Eneko Lazkoz Etxarri Aranazko bertsolaria, eta ondorioz, azaroaren 6an Berriozarren izango den bigarren finalaurrekorako txartela eskuratu du. 150 lagun inguru bildu dira urriaren 9an Tafallako Kultur Etxean, saioa bertatik bertara... [+]
Azaroaren 1ean Altsasun jokatuko den finalaurrekorako txartela lortu du Lesakako bertsolariak. 100 lagun inguru bildu dira urriaren 2an Izabako zineman, 2021eko Nafarroako Bertsolari Txapelketari hasiera emateko.
Bi herrik, Izabak eta Zangozak, lehen aldiz jasoko dute txapelketa. Hain zuzen, urriaren 2an Izaban abiatuko da Nafarroako Bertsolari Txapelketaren 45. edizioa.