Julio Soto ere sartu da finalera, Berriozarko saioa irabazita
200 lagun elkartu dira Berriozarko Entzunaretoan, txapelketako bigarren finalaurrekoa bertatik bertara jarraitzeko. Sei bertsolari aritu dira kantuan: Josu Sanjurjo, Alazne Untxalo, Patxi Castillo, Mikel Lasarte, Saioa Alkaiza eta Julio Soto. Azken horrek eskuratu du puntu gehien, eta azaroaren 28ko finalerako sailkapena eskuratu du, pasa den astelehenean Eneko Lazkozek eskuratu bezala.
Berriozargo Entzunaretoak hartu du 2021eko Nafarroako Bertsolari Txapelketako bigarren finalaurrekoa. 200 lagun bildu dira bertan, Nafarroako Bertsozale Elkarteak, Berriozarko Udalarekin laguntzarekin antolatutako saioa zuzenean ikusteko. Kantuan sei bertsolari, zozketaren araberako ordenean: Josu Sanjurjo Altzuri, Alazne Untxalo Erregerena, Patxi Castillo Graciarena, Mikel Lasarte Cia, Saioa Alkaiza Guallar eta Julio Soto Ezkurdia. Maialen Belarra Eneterreaga aritu da gai-jartzaile.
Behin ariketa puntuagarri guztiak eginda, Julio Sotok eskuratu du epaileen puntu gehien (520,5), eta ondorioz, saioa irabazi eta azaroaren 28an Iruñean egingo den finalerako txartela eskuratu du. Berarekin batera Eneko Lazkoz ere dago dagoeneko finalean, pasa den asteleheneko Altsasuko saioa irabazi ostean. Gainerako bertsolariek finalaurrekoetako fasea bukatu bitarte zain egon beharko dute, finalerako sailkatzen ote diren jakiteko.
Horrela gelditu da Berriozarako saioko sailkapena:
1. Julio Soto Ezkurdia (520,5)
2. Saioa Alkaiza Guallar (480,5)
3. Josu Sanjurjo Altzuri (474,5)
4. Alazne Untxalo Erregerena (428,5)
5. Mikel Lasarte Cia (422)
6. Patxi Castillo Graciarena (414,5)
Nafarroako Bertsolari Txapelketaren laguntzailea da ARGIA. Elkarlan horri esker, Iruñean abenduaren 2an jokatuko den finalerako bi sarrera helarazi dizkigu Nafarroako Bertsozale Elkarteak, harpidedunen artean zozketatzeko.
Nafarroako bertsolari txapelketa (aurre-kanporaketa)
Non-Noiz: Etxaurin, ekainaren 2an.
Parte-hartzaileak: Bittori Elizalde, Egoitz Gorosterrazu, Ainara Ieregi, Aitor Irastortza Arrizurieta, Saats Karasatorre, Eki Mateorena.
Batzuen eta besteen zorionak jasota aritu gara Saioa Alkaizarekin Iruñeko Alde Zaharreko kaleetan barna, elkarrizketa hau egiteko momentuan. Besteen harrerak lagundu dio lortu berri duena kokatzen. Nafarroako Bertsolari Txapelketa irabazi eta astebetera,... [+]
Lehen aldiz finalera iritsi eta txapela jantzi du Saioa Alkaizak, Eneko Lazkozekin buruz burukoa jokatu eta gero. Bertsolaritzaren alde ekarpen handia egin duen Estitxu Arozenak jantzi dio txapela irabazleari.
Azken finalaurrekoa irabazita, azaroaren 28an izango den finalerako sailkatzea lortu du herriko bertako bertsolariak. Hain zuzen ere, hauexek izango dira Iruñeko Anaitasunan izango direnak: Eneko Lazkoz, Julio Soto, Joanes Illarregi, Saioa Alkaiza, Josu Sanjurjo, Xabat... [+]
Azaroaren 14an Leitzan jokatuko den finalaurrekorako txartela eskuratu du egungo txapeldunak. Urriaren 16koarekin itxitzat eman da final-laurdenen fasea, eta ondorioz, osatu da finalaurrekoetan ariko diren 18 bertsolarien zerrendan. 200 entzule inguru bildu dira Doneztebeko... [+]
Tafallako final-laurdenean nagusi izan da Eneko Lazkoz Etxarri Aranazko bertsolaria, eta ondorioz, azaroaren 6an Berriozarren izango den bigarren finalaurrekorako txartela eskuratu du. 150 lagun inguru bildu dira urriaren 9an Tafallako Kultur Etxean, saioa bertatik bertara... [+]
Azaroaren 1ean Altsasun jokatuko den finalaurrekorako txartela lortu du Lesakako bertsolariak. 100 lagun inguru bildu dira urriaren 2an Izabako zineman, 2021eko Nafarroako Bertsolari Txapelketari hasiera emateko.
Bi herrik, Izabak eta Zangozak, lehen aldiz jasoko dute txapelketa. Hain zuzen, urriaren 2an Izaban abiatuko da Nafarroako Bertsolari Txapelketaren 45. edizioa.