Juan Carlos I.aren maitale ohiak dio berearen moduko “ehunka kontu korronte” daudela
Espainiako inteligentzia zerbitzuen jarraipenak jasan zituela adierazi dio Corinna zu Sayn-Wittgensteinek BBC kateari.
Espainiako zerbitzu sekretuek errege emerituaren maitale ohiaren Monakoko apartamentua hartu zuten helburu, Corinnak BBC kateari emandako elkarrizketa batean azaldu duenaren arabera. Apartamentuan hainbat dokumenturen bila sartu eta "oso sakon" miatu zuten asteetan. Corinnaren bertsioaren arabera, “heriotza mehatxu anonimo bat” jaso zuen, Monako eta Niza arteko tunelak aipatzen zituena, 1997ko Lady Diren heriotzari erreferentzia eginez. Bere Suitzako apartamentuan “norbaitek printzesaren heriotzari buruzko liburu bat utzi zuen egongelan", azaldu du BBC kate britainiarrak argitaratutako oharrean.
2012an Corinna eta garai hartako CNIko zuzendari zen Félix Sanz Roldanen arteko topaketa gauzatu zen. Sanz Roldán erregearen lagun pertsonala eta konfiantzazko gizona zen, eta honela mintzatu omen zitzaion erregearen amorante ohiari: "Prentsarekin hitz egiten baduzu, ezin dut zure segurtasun fisikoa bermatu, ezta zure seme-alabena ere". Corinnak hainbat elkarrizketa eman ditu ordea, El Mundo eta Vanity Fair hedabideei, adibidez. Hori dela eta, zerbitzu sekretuen jomugan egon da.
Espainiako Inteligentzia Zentro Nazionala Corinnaren jarduerak "kontrolatzen" dabil 2010etik gutxienez, Espainiako eta Saudi Arabiako Azpiegituren Funtsak (SSIF) porrot egin ostean zehazki. Espainiaren eta Saudi Arabiaren arteko inbertsioen "aldebiko" funtsa zen hori, eta bertan zeuden Ibex35eko eta armagintzaren industriako zenbait multinazional, tartean Navantia, Santa Barbara, Ferrovial, Santander edo BBVA.
Funtsak 4.125 milioi euro zituen azpiegiturak garatzeko, baina ezerezean geratu zen Saudi Arabiako agintarien interes ezagatik. Ondoren, zifra txikiago bat jarri zen mahai gainean, eta OHL edo Sacyr enpresek 15 milioi dolar eman zituzten, Corinnak berak eskatuta: "Dirudienez, hamabost milioi horiek bidean geratu ziren". Corinnaren arabera, “proiektuan lanean ari zen jendearen kudeaketa gastuak estaltzeko”. Ana Romero kazetariak Final de Partidan azaldu duenez, enpresek isiltzea erabaki zuten, baina CNIk Corinna bere radarrean sartu zuen, “erregearentzat eta Espainiarentzat arriskutsua” zela ebatziz.
BBCk ostegun honetan argitaratu duen elkarrizketan erregeak oparitu zizkion 76 milioi dolarrak itzultzea bidezkoa ote den galdetu diote Corinnari. Aristokrata alemaniarrak dionez, Suitzako Fiskaltzak ebatzi beharko du ustezko iruzurraren ondorioz dena itzuli beharko den: "Harrigarria iruditzen zait familiako enpresa baten 40 urteko modus operandia pertsona baten gaineko foku bihurtzen aritzea. Eta pertsona hori ni naiz, baina beste jurisdikzio batzuetan halako ehunka kontu egongo dira".
Felipe VI.ak hamar urte bete ditu boterean ekainaren 19an. Vilawebek bildu ditu erregealdiko unerik ilunenetako batzuk. Horien artean daude bere aita Juan Carlos I.ak Arabiar Emirerri Batuetara ihes egin zuenekoa eta 2017ko urriaren 3an Kataluniako erreferendumaren aurkako... [+]
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.
Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.
Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]
Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]
Iñigo Urkullu EAEko lehendakariaren ustez, “sistema ez dago prestatuta” 1.080 euroko gutxieneko pentsioetarako. Baina bai, antza denez, berea bezalako soldatetarako. Ba al dakite horiek guztiek 950 euroko gutxieneko soldatarekin, 650eko DSBEarekin edo... [+]
Iraingarria da lehen Juan Carlos I.a Espainiako erregearen “negozioak” eta barrabaskeriak estaltzea ahalbidetu zutenek, orain hipokresiaz erreakzionatzea. Borboiak hainbeste milioi pilatu bazituen, ez zen bere lanagatik izan, baizik eta Espainiako errege izateagatik... [+]
Lleidako auzitegiak Pablo Hasél rap abeslariaren kontrako beste zigor bat berretsi du ostegun honetan, kasu honetan epaiketa batean "lekukoari mehatxu egiteagatik". Nolanahi ere, oraindik Espainiako Auzitegi Gorenean errekurritu dezake zigorra. Bigarren gauez... [+]
Otsailaren 9tik 12ra deklaratu beharko dute Urriaren 12an Iruñean egindako prostestan parte hartu zuten gazteek. Urtarrilaren 12an ziren deklaratzekoak, baina Madrilek bizi zuen Filomena ekaitza medio atzeratu egin zuten.
Iragan urriaren 12an Iruñean Sortuk antolatutako ekitaldi batean Felipe VI.a Espainiako erregea eta Kristobal Kolonen estatua sinbolikoak eraitsi zituzten. Horren karietara, Espainiako Auzitegi Nazionalak hamabi gazte deitu ditu deklaratzera. Horiei babesa agertzeko... [+]