Joxerramon Bengoetxea EHUko errektore, botoen %64 lortuta
EHUko errektoretzarako hauteskundeak irabazi ditu Bengoetxearen hautagaitzak, botoen %63,6 lortuta. Beste taldeak berriz, Eva Ferreirarenak, botoen %36,3 jaso du. Parte hartzea %21,9koa izan da eta gora egin du aurreko hauteaskundeekin alderatuta
Joxerramon Bengoetxea izango da EHUko errektore berria, asteartean egin diren hauteskunedeak irabazi ondoren. Datozen sei urteetan unibertsitate publikoa gidatuko du Bengoetxeak, lege organiko berriaren arabera lehen aldiz izango da horrela gainera.
Garaipena argi eta garbi lortu du errektore berriak, botoen %64 lortu baitu bere taldeak; segmentu guztietan irabazi du gainera –ikasle, irakasle, teknikari eta administrazioko langileak–. Beste hautagaiak, Eva Ferreirak, aurreko errektoretza taldeari jarraipena eman nahi zion, baina botoen %36 baizik ez du jaso. Hortaz, boto-emaileek aldaketa aukeratu dute.
Duela hamasei urtetik ez da lehiarik izan EHUko errektoretzarako hauteskundeetan eta horrek kanpaina bera berotu du. Hautagaiek eta Ferreiraren ingurukoek izandako hainbat jokabidek ere polemika sortu dute –bere taldeko kide Guillermo Quindosek dimititu egin zuen, aurkaria iraintzeko kontu faltsuak erabiltzen zituela jakin ostean–.
Emaitzak jakin ostean Bengoetxeak adierazi du "unibertsitateak irabazi" duela hauteskundeetan. "Denok nahi dugu onena unibertsitatearentzat, agian ikuspegi ezberdinak izan ditzakegu, baina denok gara talde handi honen parte", gaineratu du errektore berriak. Azaldu duenez, bere agintaldian gakoa izango da "ikasleak zentroan jartzea", eta zentzu horretan ikasleei beraiei eskatu die "kritikoak" izateko errektoretzarekin.
Parte hartzea %22 ingurukoa izan da eta igoera nabarmena izan du segmentu guztietan. Botoa ematera deituta zeuden 50.590 lagunetik 11.081k joan dira boto-kutxetara. Nolanahi ere, hautagaiek izandako emaitzak ponderatuak dira, ikasleen botoak %22,08ko pisua baitu, eta irakasle doktoreenak, adibidez, %56,25.
Abenduaren 3an hartuko du kargua Bengoetxeak. Filosofian katedraduna, 30 urteko esperientzia dauka Europako zuzenbidearen inguruan eta hainbat sari ere jaso ditu, tartean 2021ean eman zioten Jeus Maria Leizaola Saria.
1994an EHUko Arte Ederretako ikasleek protestak abiatu zituzten. Bost irakasle euskaldun lortzeko hiru hilabeteko greba egin zuten, eta bitarte horretan Leioako fakultatea okupatu. Euskal jendartearen babes handia izan zuten, baina Poliziaren errepresioa ere jasan zuten; Bilboko... [+]
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]
Asteartean, hilak 26, egingo dira EHUko errektoretzarako hauteskundeak. Kanpaina nahasia izaten ari da, eta, horren erakusgarri, Joxerramon Bengoetxearen taldeak eskatu izana "ustez Eva Ferreiraren hautagaitzako pertsonek edo ingurukoek egindako ekintzak eta kanpainako... [+]
Bitartekaritzaren eta pertsonen arteko komunikazio zuzenaren bidez, izaera penaleko gatazka bati konponbidea aurkitzea da Justizia Errestauratiboaren helburua. NUPek eskainiko duen prestakuntza 100 ordukoa izango da eta ikasleei titulazioaren gastuen %90 ordainduko zaie.
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
Modu iraingarri eta mespretxagarrian, komunismoari loturiko ustezko atxikipen-politikoak egozten zizkion, besteak beste, Guillermo Quindós egungo errektoreordeak eta Eva Ferreiraren hautagaitza zerrendan dagoen kideak hauteskundeetara aurkeztuko den beste taldeari,... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Bertsolarien kasua da agerikoena: euskaraz eta erdaraz egiten duten hedabideetan, euskarazko bertsioan soilik dira ezagutarazten. Horrez gain, bistaratu da beste titular interesgarri hau ere: Euskal Herriko 11 hedabideren 2023ko lana aztertuta, Euskal Herrikoa ez den kanpoko... [+]
Eusko Legebiltzarrera heldu da gaia, eta pobrea izan da Eusko Jaurlaritzaren erantzuna. Osakidetzak medikuak falta dituen arren, apenas handitu diren Medikuntza ikasteko plazak EHUn. Gainera, karrera euskaraz ikasteko plaza gutxiago eskaintzen dituzte espainolez baino, nahiz eta... [+]
Urri hasieran kaleratutako EHUko irakaslearen inguruko txosten bat egiteko eskatu dio Fiskaltzak Ertzaintzari. Kasuaren nondik norakoak sakonki ikertzeko eta gorroto deliturik egon den ala ez aztertzeko helburua du, salaketa jartzea erabaki aurretik.
Ikasturte hasieran hauteskundeak izan behar ziren EHUko agenda informatiboko gertaera nagusia. Gizarte eta Komunikazio Zientzien Fakultatean, gainera, hitzordu bikoitza dugu, gure zentroko batzarra ere urrian hautatuko baita. Aukera zabaldu da kudeaketa-eredu ezberdinak ezagutu... [+]
Ezin inoiz jakin zer topatuko duzun ikasturtea hasten denean, irailaren lehenak beti ohi dira tentsio altuko garaiak, hiru ala berrogei urte izan. Motibazio altuko garaia, hizkuntza eskolan eta gimnasioan izena emateko unea. Aurten zeramika ere egingo dut, beti izan da nire... [+]
Egoera juridikoki aztertu ondoren, Euskal Herriko Unibertsitateak erabaki du Zuzenbide Fakultatearen Bizkaiko Ataleko irakaslea lanpostutik kentzeko prozesua martxan jartzea. Irailaren 27an hasi ziren irakaslearen aurkako salaketak. Orduztik ehundaka izan dira auzi honen... [+]
Sanchezi buruz ari gara, joan den ostiralean astindu gintuen kasuaz. Adierazpen askatasuna defendatzen dugu, baita gustuko ez ditugun adierazpenak egiten direnean ere. Askatasun horrek iritzi arrazoituetan eta kontrastatutako datuetan oinarritutako ideiak adierazteko... [+]