‘Joxemiel Bidador’ pastoralak irabazi du Lamien Urrezko Orrazia saria
Iruñeko Zaldiko Maldiko elkarteak eskaini dio saria, euskararen eta euskal kulturaren alde egiteagatik. Asto masto saria -garaikur txarra- AFAPNAk eta CCOOk eraman dute, hezkuntzan "euskararen kontra" aritzeagatik.
Jon Alonso idazleak hartuko du saria, Joxemiel Bidador-Iruñeko Euskaldunak Pastoralaren testugileak. Gaur banatuko dituzte sariak Iruñean, 20:00etan, Zaldiko Maldiko elkartean.
Prentsa ohar baten bidez azaldu dute zergatik eman dioten saria: "Kalitatezko lan handi eta eredugarria, Iruñeko euskal jendea euskaraz auzolanean aritzera ahalbidetu duen egitasmo gogoangarria, joan den urriaren 10eko estreinaldian denok ikusi genuen bezalaxe. Emaitza, beraz, zoragarria, baina baita emaitzara iritsi arte egindako lan oparoa, auzolan erraldoia, 70 bat lagun agertokian, jende asko inguruan ere lanean (gehienak Iruñekoak eta Iruñerrikoak), eta lankidetza eder hori goraipatu nahi dugu, aurrera begira ere fruitu onak emanen dituelakoan. Eta mamiari begira ere Pastorala garrantzitsua izan da, Joxemiel Bidador ikerlari, filologo, dantzari, idazle eta euskaltzalea omentzearen bidez, hiriburuko euskaldunei gorazarrea egin zaielako, iraganekoei nahiz egungoei; azken buruan, Iruñea betidanik euskaldunon Hiri Buruzagia izan dela aldarrikatu baita, eta aldarrikatu, halaber, merezi duen leku duina eman behar zaiola Iruñeko jende euskaldunari, pastoralean bertan esaten den moduan:Hemen jaio, hemen hazi, hemendik kanpo ezin bizi, Eta duena merezi, euskaraz adierazi.
Pastorala berriz ikusteko aukera izango da martxoaren 19an, Barañaingo Auditorioan. Iruñerrian eskainiko den azken emanaldia izango da.
Euskarari "kalte" egin diotenak
Bestalde, Asto Masta saria, garaikur negatiboa, euskararen "kontra" aritzen direnentzako AFAPNAk eta CCOOk hartuko dute. "Hezkuntza munduko sindikatu batzuk aukeratu ditugu, udazkenean hasi eta atertu ez duen eraso bidegabearen bultzatzaileak direlako", azaldu dute elkartekoek.
(Albiste hau Euskalerria Irratian argiratu da, eta CC-BY-SA lizentzia baliatuta ARGIAra ekarri da)
Askotariko lanak egin ditu Miren Gaztañagak antzerkian, zineman zein telebistan, baita dantza edo musikari lotutako proiektuetan ere. Txani Rodriguezen Los últimos románticos (Seix Barral, 2020) eleberrian oinarritutako pelikularen errodajea amaitu... [+]
64 urterekin, Kike Diaz de Rada donostiarra hil da, Eneko Olasagasti lankideak asteazken arratsean sare sozialetan jakinarazi duenez. Ibilbide luzeko aktorea izan zen eta Tanttaka teatroaren eta Orain gipuzkoar antzerki taldearen sortzaileetako bat.
"Garai batean, nire herrian, kateme guztiek Remigia izena zuten, kateme belaunaldi oso bat, Iruñeko ikuspegi panoramiko ederrenak konkistatu zituztenak”. Horrela hasten da Remigia Etxarren funanbulistaren bizitza kontatzen duen Argako erregina antzezlana... [+]
Izurako Latsaga zalditokian egingo dituzte emanaldi guztiak, hamar saio, maiatzaren 31tik ekainaren 16a bitartean. Ximun Fuchsek idatzitako obrak "ikuspegi integratzaile eta kolaboratiboa" du oinarrian, landa eremuko lurraldearen lekukotasunak bildu eta "tokiko... [+]
Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]
Azkainen aurkeztu du Ander Lipusek bere ibilbide artistikoaren inguruko gogoeta jaso duen liburua: Antzerkiaren labirintoan I. Bigarren partea ere badu liburuak, “antzerkilariei gehiago zuzendurikoa” dena bere esanetan, baina Azkaineko irakurle taldeak lehenbizikoa... [+]
Ziburuko Baltsan elkartean aurkeztu dute antolatzaileek euskara hutseko liburu eta disko azokaren 5. edizioa. 41 argitaletxe izango dira bertan (inoizko gehienak), 120 metro erakusmahai beteko dituzte denen artean (inoizko gehienak) euskarazko irakurgai eta musikarekin eta... [+]
Lehentze franko ditu Pagolako maskaradak: lehentze da Pagola herriak maskaradak ematen dituela; lehentze ere da Kabana pertsonaia neska batek jokatzen duela; lehentze ere da maskaradako txirulariak oro neskak izan direla, Urdiñarbeko barrikaden denboran; lehentze da... [+]