Joxan Lizarribar hil da, Berria taldeko lehendakaria
Joxan Lizarribar (Altzo, 1951) hil da astearte arratsaldean, azken asteak birus batekin gaixo pasa ostean. Berria taldeko lehendakaria zen.
2000. urtetik zen Euskaldunon Egunkariako administrazio kontseiluko kide, eta Euskarazko Komunikazio Taldeko (EKT) presidente kargua 2003an hartu zuen. Egun Berria Taldeko lehendakari zen. Emaztea zuen eta hiru-seme alabaren aita zen. Lizarribarren hileta bihar egingo da Donostiako Ibaeta auzoko Espiritu Santua elizan, 19:00etan. Gorpu-beila Errekalde auzoko beilategian izango da gaurtik bihar eguerdiko 13:15ak arte.
Enpresa mundutik iritsi zen Lizarribar Egunkaria-ren administrazio kontseilura lehenik eta EKTko presidentetzara gero. Adunako Kelsen SA lantegiko gerentea zen oraindik ere, baina buruan zuen erretiroa hartzea.
Dantzaria izan zen gaztetan, eta Argia dantza taldean aritu zen.
Egunkariaren itxieraren ostean, Berria Taldearen lehendakari kargua eskaini ziotenean, ezetz esatea ez zela erraza adierazi zuen. “Alde batetik, konpromiso handia sentitzen dut Egunkaria-rekin. Eta amorrua, gertatu denagatik. Horregatik, aurreneko unetik oso prest nengoen egin behar zena egiteko, eta hori garbi utzia nuen. Proposatu zidatenean, koherentziagatik ere segitu egin behar nuen”.
BerriaTBn Lizarribarri 2011n egindako elkarrizketa [Bideoa]
Lizarribarren ibilbidea iruditan, Berria.info-n [Argazki galeria]
2007ko neguan Euskadi Irratiko Faktoria saioan Lizarribarri egindako elkarrizketa. [Audioa]
40 urte bete ditu euskal telebistak, eta 40 urteko ibilian goitik behera aldatu dira gauzak: telebista konbentzionala etxe batzuetan egotetik, guztietan presentzia hartzera pasatu da; baina egun, ikus-entzunezkoak nahieran ikusteko gehiago baliatzen da telebista,... [+]
Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]
Otamendi 30 urtez izan da Euskaldunon Egunkariako eta Berriako zuzendari, eta erretiroa hartuko du 65 urte beteta. Mujika 1995etik da bi hedabide horietako kazetari, eta zuzendariorde aritu da azken urteetan.
Zaldibarko luizia zergatik gertatu zen argitzea helburu zuten bi ikerketaren emaitzak jaso ditu Berria egunkariak. Jaurlaritzak eskatutako peritu txostenek ondorioztatu dute zabor masak gainditu egin zuela jarritako geotestilaren euste ahalmena, Iñaki Petxarroman eta... [+]
2017ko urtarrilaren 3an, Jone San Martinek honako hau esan zuen Berria egunkarian: “Gure mugek azaleratzen dute gure sormena ere”. Edu Zelaietak, aldiz, zera irakurri zuen: “Gure sormenak azaleratzen ditu gure mugak ere”.
“Igandeetako azalak, zerbait izatekotan, talde lanaren emaitza dira”, adierazi dute Berriako Jakes Goikoetxeak eta Maixa Olanok, Prentsaren ARGIA saria eskuetan. “Jende askok parte hartzen du azalak pentsatzeko eta egiteko prozesuan: kazetariek, editoreek,... [+]
Hasieran, elkarrizketa egiteko proposatu nionean, Pilar Mendibilek zalantzak agertu zizkidan. Geratu ginen kafe bat hartzeko, hitz egin genuen, eta azkenean, onartu zuen gonbita, garrantzitsua iruditzen zaiolako berea bezalako bidea egin duen jendearen ahotsa biltzea... [+]
Euskal hedabideen elkarteak “elkartasun eta babes osoa” adierazi die joan den larunbatean Hondarribian lanean ari zirela erasoak jasan zituzten kazetariei.
Hamabosgarren urteurreneko ekitaldia egin du ‘Berriak’ asteazkenean. Urteotako berritasunak nabarmendu dituzte eta etorkizunerako babesa eskatu dute.
Danele Sarriugarte Mochalesek, Kattalin Miner Perezek eta Maddi Altuna Galfarsorok jaso dute Martin Ugalde beka, Euskaldunon Egunkariak eta Berria-k genero gaietan izandako eragina ikertuko dute urtebetez.
