Josu Urrutikoetxearen aurkako auto bat baliogabetu du Auzitegi Nazionalak
1980an Luis Hergeta Gasteizko Michelin enpresako zuzendaritzako kidea hiltzea leporatzen zion Espainiako Auzitegi Nazionalak eta orain, Berria-k jakinarazi duenez, Santiago Pedraz epaile instruktoreak bertan behera utzi du autoa, onartuz inputatuak ez zuela parte hartu ekintza horretan.
Auzitegi Nazionalak 2005ean abiarazi zuen autoa, Urrutikoetxea klandestinitatean zegoela. 2019an atxilotu zuten, Frantziako Justiziak libre utzi zuen baldintzapean eta urte berean Espainiako justiziak haren estradizioa eskatu zuen, hilketa honetan oinarrituta. Gaixotasun larria du eta hartaz artatzera ospitalera zihoanean atxilotu zuten Alpeetan. Urrutikoetxeak beti ukatu izan du zerikusirik eduki izana atentatu harekin, besteak beste hura ETApm erakundeak hartu zuelako bere gain, eta bera ETAm-n geratu zelako 1974an erakunde armatuaren zatiketa eman zenean.
Hala ere, Auzitegi Nazionalak berean jarraitu zuen eta iragan urtarrilaren 6an Parisko Apelazio Auzitegiak ontzat eman zuen Urrutikoetxeak ekintzan parte hartu izana eta estradizioa onartu zuen. Orain, ordea, epaile instruktoreak onartu egin du akatsa eta eskatu dio Auzitegi Nazionalari bertan behera utz dezan salaketa. Eskaria Guardia Zibilak gaiaz egin duen txostenean oinarritzen da, eta honen arabera, Urrutxikoetxea ETAm-n gelditu zen zatiketa eman zenean.
Estradizio arriskuan da oraindik
Auzi hau bertan behera geratuta ere, Urrutikoetxeak egoera konplexua bizi du eta Espainiaratua izateko arrisku handiarekin jarraitzen du. Parisek dagoeneko zigortu zuen 2010ean eta 2017an, baina bera ihesi zenez ahozko auziaren unean, epaiketa errepikatzeko eskubidea du eta hala egingo da.
Beste bi auzi direla eta Parisek onartua du Urrutikoetxearen estradizioa, bata herriko tabernetakoa deitu dena, eta bestea, 1987an izandako Zaragozako Guardia Zibilaren kuartelaren aurka izandako atentuagatik; hura agindu izana leporatzen diote.
Urrutikoetxeari zeregin garrantzitsua ematen zaio ETAk borroka armatuari amaiera eman izanari, eta berak hainbatetan azaldu duenez, azken 20 urteetan buru-belarri ibili da bitartekaritza lanean egon diren hainbat elkarrizketa eta negoziazio saiotan. Ezaguna da parte hartu zuela Suitzan ETAk eta Espainiako Gobernuak izandako negoziazioetan eta horretarako Frantziako Estatuak babes diplomatikoa eman ziola.
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira.
2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]
Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]
18/98 makrosumarioan atxilotu eta torturatu zutenetik 23 urtera, espetxeari ihes egin zionetik hamabostera, apirilaren 5ean bueltatu zen etxera Nekane Txapartegi asteasuarra. ARGIAren Lasarteko egoitzara bisitan, hitz egin digu erbesteaz, euskaraz, torturaz, feminismoaz,... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Astearte goizean Auzitegi Nazionalean aurkeztu eta gero, arratsalderako Asteasu sorterrian zen. Dokumentu faltsutzea leporatuta epaituko dute Madrilen, baina ez diote kautelazko neurririk ezarri. ARGIAko kolaboratzailea da Txapartegi.
Euskal errefuxiatuei laguntzeko 1960ko hamarkada amaieran sorturiko Anai Artea elkartearen historia laburbiltzen duen liburua argitaratu du Elkarrek. Txomin Hiriart-Urrutyk egindako ikerketa da eta Joseba Sarrionaindiaren sar hitza ere badu. Liburuaren harira Juan Mari Arregik,... [+]
Asteartean jaso zuen Venezuelako Gobernuaren erabakia. Bere herritartasuna eta 13 urteko bere semearena onartzea eskatuz abiatu zuen gose greba mugagabea abenduaren 3an.
Venezuelan dagoen Asier Guridi Zaloña euskal iheslari politikoak abenduaren 3an gose greba abiatu duela jakinarazi du. Caracas hiriburuko Espainiako kontsuletxearen aurrean dago, bere eskubideak eta 13 urteko bere semearenak aitortuak izan daitezen eskatzeko. 2005ean... [+]
Askotariko egoerak bizi izan dituzten euskal iheslari eta deportatu politikoen seme-alaben testigantzak biltzen ari da Miren Azkarate Badiola donostiarra, liburu batean argitaratzeko. Konparatzeko inolako asmorik gabe, “ezberdinak baitira espetxeratuen eta atxilotuen... [+]