Parisko Dei Auzitegiak euskal preso politikoaren baldintzapeko askatasun eskaera aztertu du. Abokatu nagusia aurka azaldu da, eta auzitegiak arrazoia eman dio. Defentsak erabakia “politikoa” dela adierazi du, eta helegitea jarriko du.
Parisko dei Auzitegiak ez dio arrazoia eman Josu Urrutikoetxearen defentsari asteartean egindako auzi saioan. Ugaoko euskal preso politikoak espetxean jarraituko du, momentuz behintzat. Defentsak hiru lerro nagusi garatu ditu Urrutikoetxearen defentsa argudiatzeko.
Urrutikoetxearen abokatu Laure Heinich eta Laurent Pasquet-Marinacce-k prozeduran akatsak eta irregulartasunak egon direla salatu dute. Agerikoena, ekainaren 19an auzitegi berberak Urrutikoetxea libre uztean gertatua: Urrutikoetxea La Santeko espetxetik irtetear zela, presondegian bertan hartu zuen preso berriz ere poliziak, terrorismoaren aurkako ministerio publikoaren aginduz eta Espainiako Estatuaren presioaren ondorioz. Prozeduran oro har Urrutikoetxearen defentsa eskubidea urratua izan dela salatu dute haren abokatuek.
Presoaren osasun egoera larria ere izan dute hizpide. Maiatzean ospitale parean atxilo hartu zutenean, urgentziazko ebakuntza egitera zihoan Urrutikoetxea. Auzi medikuak esan zuen ebakuntza egitea ezinbesteko baldintza zela espetxeratuta jarraitzeko, eta hala eta guztiz ere lau hilabetez atzeratu dute ebakuntza. Behin egina ere, defentsak adierazi du espetxeratzea ez dela bateragarria Urrutikoetxeak behar duen osasun arretarekin.
Azkenik, baldintzapeko askatasunean irtetekotan ezker abertzaleko militante historikoak ez duela ihes egingo ziurtatu dute abokatuek. Urrutikoetxeari babesa adierazi dioten Frantziako Estatuko pertsona esanguratsuak gogoratu dituzte, artean etxean hartuko lukeen Louis Joinet magistratua. Urrutikoetxeak ihes ez egiteko bere hitza eman du, eta eskumuturreko elektronikoa eramateko prest azaldu da.
Abokatu nagusiak Urrutikoetxea preso mantentzearen alde azaldu da, defentsaren argudio guztiak ukatuz. Auzitegiak bere alde egin du.
Bide judizial luzea
Urrutikoetxearen abokatuek erabakia “politikoa” dela esan dute, eta helegiteak aurkeztuko dituzte. Prozedura eta hitzordu ugari ditu aurretik Ugaoko presoak hurrengo egun eta hilabeteetan. Espainiak bi euroagindu eta bi estradizio eskaera egin dizkio Frantziari. Frantziako Estatuan, bere aldetik, bi epaiketa ditu zain.
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
Plataforma herritarrak gaur egun arte lortutakoaren balioa nabarmendu du, eta adierazi du gizarteak “bultzada bat” eman behar duela “oraindik erbestean eta deportazioan daudenak” etxeratzeko. Etorkizuneko belaunaldiei gizarte hobeago bat uzteko garrantzia... [+]
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.
Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]