Josep Colomer ANCko kidea: “Kontsulta 2014ko maiatzean egingo dugu”
ANCko batzorde iraunkorreko kide da Josep Colomer. ‘Via Catalanaren’ balorazioa eta Kataluniako herritarren hurrengo pausoak zeintzuk izango diren galdetu diogu.
Zein izan da ‘Via Catalana’ ekimenaren balorazioa? Independentzia gertuago dago?
Guk baietz uste dugu. Independentzia inoiz baino gertuago dago. Egun historikoa izan da, beste pauso handi bat geldiezina den bidean. Balorazioa erabat positiboa da. Txalotzekoa da nola adineko pertsonek ere parte hartu duten. Iraganean, bizi izan dituzten gertaera lazgarriengatik, ez da erraza adin horietako kataluniarrak haien nortasun-agiria emateko prest agertzea, baina hala ere, asko eta askok eman dute izena. Bestalde, 30.000 bolondresek lan bikaina egin dute ekimenak funtziona dezan.
Zer aldatu da pasa den urteko Diadatik hona? Aurrerapausoak eman dira?
Iazko Diadako manifestazioan bildu zen jendetzak, harridura sortu zuen bai Katalunian eta baita nazioartean ere. Independentzia lortzeko grina erakutsi genuen, eta horrek oso ondorio garbiak izan ditu. Hauteskundeak aurreratu ziren, eta indar independentisten nagusitasuna frogatu zuten. Horrez gain, CiUk, lehen aldiz, estatu propio bat izateko nahia gehitu zuen alderdiaren programan. Ez hori bakarrik, parlamentuan subiranotasun adierazpena ere onartu da ordutik hona, bi herenen aldeko bozarekin. Gainera, nazioarteko prentsak askoz ere arreta gehiago eskaintzen dio Katalunian gertatzen ari denari.
Gehiengo isila etxean geratu dela adierazi du Jorge Fernandez Diaz Espainiako Barne Ministroak...
Ez dugu kopuruen eztabaidan sartu nahi, baina ibilbidea osorik bete ahal izateko 400.000 lagun behar ziren, besoak ongi luzatuta. Toki askotan, manifestazio baterako adina pertsona pilatu zen, eta nabarmen gainditu zen gutxieneko kopuru hori. Ez du zentzurik ekimenetan parte hartzen ez duten pertsonak zaku bakar batean sartzeak. Ministroaren hitzak nahasgarriak dira.
2016ko plebiszituaren aukera aipatu zuen Masek, baina zuok argi utzi duzue 2014an erreferenduma egitea nahi duzuela. Zein izango da ANCren erreakzioa 2014an egiten ez bada?
Hainbat ekimen ditugu martxan, eta lanean jarraituko dugu Artur Mas konbentzitzeko. Atzoko bilkuran kasua aztertuko duela adierazi zuen, nahiz eta nahiago duen Espainiako Gobernuarekin adostu. Dena den Margallo Espainiako Atzerri Ministroak adierazi du ezinezkoa dela kontsulta baimentzea, eta aukera bakarra aldebakarreko independentzia aldarrikapena dela. Irtenbide guztiak aztertuko ditugu. Bi ezaugarri bete behar ditu kontsultak: modu baketsu eta demokratikoan egitea, eta nazioartearen babesa izatea. Ez dugu onartuko 2016 arte atzeratzea. Gure esku dagoen guztia egingo dugu erreferenduma 2014an egin dadin.
Eta zein izango litzateke kataluniarrei galdetzeko modu eta unerik egokiena?
ANCren bide orrian kontsulta 2014ko maiatzean egiteko asmoa dago. Irailaren 14a ere proposatu dute, eta ez zaigu gaizki iruditzen, baina ez dugu nahi gehiago atzeratzerik. Modu egokiena erreferendum bat litzateke, galdera bakar eta argi batekin: Katalunia independientea izatea nahi duzu?. Gehiengoak baiezkoaren alde bozkatuko balu, independentzia adierazpena litzateke hurrengo pausoa.
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Belgikaren argudioa indargabetu egin du Europako Batasuneko Justizia Auzitegiak, eta beraz, buruzagi independentistak Espainiaratzeko Goreneko epaileak eginiko eskariak atzera ere balioa hartu du. Hala ere, Espainiako Justiziak "gabezia sistemikoak" dituela dio... [+]