Ukrainak EBko armamentuarekin Errusiako lurraldeari eraso egitea babestu du Borrellek
EBko atzerri- eta segurtasun-politika arloko ordezkari Josep Borrellen hitzak azken asteotako eskalatzea elikatzera datoz. Azkenaldian Mendebaldeko hainbat agintarik egin dituzte adierazpenak zentzu berean. Errusiak iragan astean ohartarazi zuen Ukrainari beren armamentua Errusiako lurraldearen aurka erabiltzeko baimena ematen dioten herrialdeei militarki egingo diela eraso.
“Defentsarako eskubide legitimoak barnebiltzen du Ukrainatik kanpoko helburuei ere eraso egitea, Errusia barneko helburu militar legitimoei”, adierazi du Borrellek. Eskubide hori “orain bereziki azpimarragarria” dela esan du, Ukraina eta Errusiako armaden arteko gatazka nagusia Jarkov eskualdea delako, bi herrialdeen arteko mugatik gertu. Dena den, adierazi du “oreka” bilatu behar dela, Ukrainaren defentsa eskubidearen eta gerraren “eskalatze arriskuaren” artean.
Gerraren eskalatzea elikatzen
Europar Batasuneko herrialde nagusiek Ukrainari armak bidali dizkiote Errusiako lurraldeari zuzenean eraso ez egiteko baldintza jarrita, jakinik horrek gerra sakondu eta zabaldu lezakeela. Baina azken asteetan zenbait gobernuk eta agintarik zalantzan jarri dute baldintza hori. NATOko idazkari nagusi Jens Stoltenbergek estatu kideak gonbidatu zituen “birpentsatzera” auziaz, bestela Ukrainari “askoz zailagoa izango zaiolako bere burua defendatzea”. Erresuma Batua horren alde agertu da. Hain zuzen ere, Volodomir Zelenski Ukrainako presidentea bera ari da hori eskatzen aliatuei.
Errusiak, bere aldetik, iragan asteko astearte eta ostiral bitartean arma taktiko nuklearrekin ariketa militarrak egin zituen Bielorrusiarekin lankidetzan. –Jenofa Berhokoirigoin lankidearen artikulu honetan, arma hauek zer diren azaltzen da– Kremlinek adierazi zuen ariketen arrazoia NATOko herrialdeak ohartaraztea zela Ukrainari ematen ari diren babesean harago joateko aukeraren aurrean zer gerta daitekeen. Zehazki, adierazi zuen Ukrainak Europako herrialdeen armamentua erabiltzen badu Errusiako lurraldeari eraso egiteko, herrialde horietako helburu militarren aurka egingo duela Putinen gobernuak.
Negoziazioetarako baldintzak
Aipatu ariketa militarren testuinguruan Bielorrusiara bisita egin zuen Putinek. Bueltan balizko negoziazioez hitz egin zuen Errusiako presidenteak, eta argi utzi zuen elkarrizketak abiatzekotan egun Errusiaren aldekoa den errealitatea izan beharko luketela oinarri: "Berriro ere negoziazioetara itzuli behar dela esaten da. Itzul daitezela! Baina itzul daitezela ez alde batek nahi duenetik abiatuta, baizik eta tokian uneko egoeratik. Gu prest gaude". Lugansk, Donetsk, Zaporiyia eta Jerson eskualdeak anexionatu ditu Errusiak azken gerra honetan, Krimea 2014an, eta orotara Ukrainako lurraldearen bosten bat du okupatua egun.
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
2022ko otsailaren 24an hasi zen gerra. Ordutik, Errusiak egiten duen erasorik bortitzenetakoa egin du astelehenean. Erasoak azpiegitura energetikoa izan du jomuga, eta horrek itzalaldi orokorrak eragin ditu.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]
Europar Batasunaren txandakako presidentetza beretu eta astebeteren buruan Viktor Orban hungariar lehen ministroak egin duen ezusteko blitz-ak azalpen serioa eskatzen du. Gaiaren neurrikoa.
Bakearen goi bilera deiturikoan, Suitzako Bürgenstock hirian, Ukrainako presidente Volodimir Zelenskik hitzordua baliatu du presio diplomatikoa egiteko Errusiari eta fokua, atzera ere, Israel-Palestinatik Europako ekialdera eramateko.
Urrats berri horren berri eman du Errusiako Defentsa ministerioak maiatzaren 21ean, zehaztuz "Mendebaldeko arduradun batzuen mehatxuei" bideraturiko erantzuna dela. Oraingoz, arma nuklear taktikoak ez dira inoiz erabiliak izan, hain zuzen, suntsiketa gaitasun... [+]
Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]