Joseba Sarrionandiari buruzko dokumentala estreinatuko dute larunbatean Iurretan
Joseba Sarrionandia, hemen eta han idazleari buruzko dokumentala estreinatuko dute larunbat honetan Iurretan. Askondon izango da, 18:30ean.
Peru Magdalenak eta Pello Salaberriak zuzendu dute lana eta geografikoki bi eremutan kokatua dago: idazlearen jaioterria den Iurretan, batetik; eta egun bizitoki duen Habanan (Kuba) bestetik.
Iñigo Astizek Berrian argitaratu duenez, Iurretako Udalaren laguntza izan du proiektuak eta duela urte eta erdi jarri zuten abian. Zortea izan dutela adierazi dute zuzendariek aipatutako artikuluan, filma martxan jarri zenean idazlearen kokapen zehatza ez baitzegoen ematerik –iazko azaroan Etxepare Institutuko Habanako irakurlea izango zela argitaratu zenean jakin zuen publiko zabalak ordura arte euskal kulturaren mundutxoan sekretu ozen samarra zena–.
Idazlearen bizilekuaz publikoki hitz egin ahal izateak dokumentalaren egitasmoa ere erraztu du eta filmaren egituraketan lagundu: Iurretan hasiko da eta Kuban jarraitu.
Sarrionandiaren ibilbidea eta haren eguneroko bizimodua islatzeaz gain, beste zenbait idazle eta musikari ere agertuko dira dokumentalean, hala nola, Pott Bandan kide izan zituen Bernardo Atxaga eta Ruper Ordorika, edo Sarrionandiaren literaturgintzari buruzko tesia egin duen Eider Rodriguez idazlea.
Larunbat honetako estreinaldiaren ondoren filmak hedapen zabalagoa izateko asmoa dute zuzendariek baina oraindik ez da zehaztu beste emanaldirik izango den.
Poesia mailu bat da jaialdia antolatu du Azpimarra irakurle taldeak Gasteizko Gaztetxean. Ikasturtean egindako saioetan landu dituzten auziak plazaratu dituzte tailer, solasaldi, errezitaldi zein hainbat erakusketatan. “Garaia kolpatuko duen literaturaren alde” egin... [+]
Donostiako Victoria Eugeniako Club Aretoan izango dira emanaldiak. Juantxo Zeberio musikaria izango du alboan Suarezek, eta Ines Osinaga Sarrionandiak.
Donostiako Aieteko euskara batzordeak antolatuta, solasaldia eskaini du asteartean Joseba Sarrionandiak. Habanako gaukarien trilogia zuen aitzakia, baina literaturaz gutxi, eta bizitzaz asko hitz egin du. Irati Zubia filosofoa arduratu da testuinguruaz eta saioa gidatzeaz.
Ez nuen uste Gasteizen aparkatzea hain zaila izanen zenik. Edo, hobe esanda, ez nekien hainbeste koloretako marrak egon zitezkeenik pintaturik errepide ertzetan. Ez, ez dut gidabaimenik eta bai, denbora gure kontra zihoan. Azken minutuan heldu gara Principal Antzokiko... [+]
Joseba Sarrionandiarekin euskararen egoera eta errepresioa gartzeletan gaiaz. "Korrika 4"-ren prentsa bulegoak eskaini digu ondoko elkarrizketa argitaratzeko aukera. Joseba Sarrionandia Herrerako desterru urrunetik desterru hurbilago batetara ekarri zuteneko aukera... [+]
Ia 40 urte erbestean igaro ostean, azkenean, Euskal Herrira itzuli da Joseba Sarrionandia gertukoak eta familia bisitatzera.
Astearte goizean aurkeztu da Loraldia Festibalaren bosgarren edizioa, "Sentikariz blai!" lemapean.
Otsailaren 1ean eta 2an, ostiralean Iurretan eta larunbatean Donostian, ekitaldiak izango dira, katalanera itzuli duten Joseba Sarrionandiaren Hilda dago poesia? liburuaren harira. Pamielak antolaturiko saio horietan, besteak beste, Ainara Munt Ojanguren eta Víctor... [+]
Hamabi zinemagilek, Adabaki ekoiztetxearen ekoizpenarekin, Joseba Sarrionandiaren poemak eta ipuinak film kolektibo batean zinemara ekartzea erabaki dute. Aste honetan aurkeztu dute proiektuaren trailerra. Filma udazkenerako amaituta egotea espero dute... [+]
Duela urte bi eskainitako elkarrizketan kontatu zigun idazmakina zahar bat duela etxean, tekletako letrak borratuta dituena. Baina, irakurle sentitzen dela idazle baino gehiago. Bide horretatik, jardunaldiek eragindako sentsazioez gainera, literaturaz gogoeta egin du hurrengo... [+]
Joseba Sarrionandiaren "Izuen gordelekuetan barrena" poesian gaindi ibili naiz bidazti, basamortuan edota itsasaldian. Liburua argitaratu zenean, irakurrezina zela esan ei zion mundu guztiak idazleari. Haatik, 37 urte ez dira alferrik igaro euskal literaturaren eremu... [+]
Joseba Sarrionandia (Iurreta, 1958) gordeta zegoen armairuko giltzarrapoa zabaldu du Jose Goitia Amikuzeko kazetariak; elkarrizketaz gain, Kuban bizi den idazlearen hainbat erretratu ZuZeuren eskura jarriaz.
Etxepare institutua medio La Habanako unibertsitatean hasiko da lanean... [+]