Jose Mari Zabala izango da San Telmoren “Museo bikoitza” egitasmoko protagonista
Erlea Manerosek aukeratu du egitasmo honetarako Irunen sortutako artista multidiziplinarra. Urtebetez bere proiektu artistikoa garatzeko aukera izango du Donostiako museoan.
Mikel Laboaren Bat-Hiru diskoa (Herri Gogoa / Edigsa, 1974) entzun duenak ongi gogoan izango du lan horretako gitarra elektrikoen atmosfera berezia, beste planeta bateko soinuak molde konbentzionalagoetara ohituta zegoen garaiko euskal entzulearentzat. Jose Mari Zabalaren eskuetatik ateratako notak ziren. Jose Mari Zabala izan zen, halaber, 1975ean Donibane Lohizunen eta hurrengo urtean Donostiako Zinemaldian estreinatu zen Axut film esperimentalaren zuzendaria, akaso euskal zinemaren historiak behar bezainbeste baloratu ez duen lana. Jose Mari Zabala margolaria ere hor dago, marrazkilaria, argazkilaria, soinu ekoizlea. 1949an Irunen jaiotako artista multidiziplinar honek ia denetik egin du eta egiten jarraitzen du.
Donostiako San Telmo museoaren “Museo bikoitza” egitasmoko protagonista izango dela jakin genuen astearte honetan: urtebetez proiektu artistiko bat martxan jarriko du museoan bertan. Erlea Maneros artistak hautatu du proiektu horretarako eta aurkezpenean Zabalaren ibilbide artistikoa goratu zuen, baita honen independentzia nahia ere. Ez Dok Amairuko kidea izan zen Zabala eta Manerosek gogoratu duenez, euskal kulturak 60ko, 70eko eta 80ko hamarkadan izandako berpizkundearen partaideetako bat ere bai.
Duela bi urtetik dago martxan “Museo bikoitza” San Telmon, Asier Mendizabalek proposatutako ideia batetik abiatuta: artista bat aukeratzen da Donostiako Parte Zaharrean dagoen museoan urtebetez proiektu bat gara dezan. Programaren berezitasunetako bat da, aukeratutako artista bakoitza aurretik aukeratua izan dela –Ibon Aranberrirekin hasi zen, honek Erlea Maneros aukeratu zuen eta Manerosek, esan bezala, Zabala–.
Artista irundarra pozik agertu da aurkezpenean, aukera berri honengatik. “Ohore handia da eta ardura handia ere bai, horrelako ibilbide puska duten artistak nitaz akordatu izana proiektu honetarako. Espero dute haien mailan izango naizela”, adierazi du. Gaztetan San Telmo museoa bisitatzea familientzat ohiko plana zela ere aipatu du. “Hori guztia asko aldatu da eta museoa orain askoz osoagoa da orduan baino, baina sakonean badago izaera herrikoi eta hurbilekoa berreskuratzeko gogo hori”.
Azaroaren 4an itzuli die Frantziak benindarrei Katakle errege-aulkia, duela 132 urteko triskantzan frantses kolonoek lapurtu zietena. Memoriaren, aitortzaren eta ondare kulturalaren izenean, Europan zehar dituzten lapurtutako 500.000 objektuak berreskuratu nahi dituzte Afrikako... [+]
Wikimedia Commons-en biltzen dira Wikipedian erabiltzen diren lizentzia libreko fitxategiak: irudiak, argazkiak, audioak, bideoak… Une honetan 110 milioi fitxategiko bilduma erraldoia osatzen dute. 2006an hasi ziren urteko argazki onenak aukeratzen. 2023koak hautatu berri... [+]
Uda osoan ikusgai egon dira Yun Ping artistaren argazkiak Donostiako Cibrian galerian. Identitate-prozesuak dituzte langai, generoaren eta arrazializazioaren bidegurutzean. Irailaren 12an, erakusketaren aktibazio eta itxiera gisa, Yun Pingek performance publiko bat egin zuen,... [+]
Garraio publikoaren zerbitzuaren gainbeheraren barruan, alde estetiko hutsa bada ere, ohikoa bilakatu da trenak margoturik ikustea eta, behingoagatik bada ere, ez da arrazoi ekonomiko hutsengatik, langileek azaldu dutenez.
Iruñeko Arrosadia auzotik pasatzen naizen aldiro sartzen dut burua Santa Marta kaleko tailerrean. Hor da Montse normalean: potetxoan pintzela sartu, trapu batean ia pintura dena kendu eta pintzela mihisean igurzten, begiztan. Bere espazio-denboran sartu naiz gaur eta... [+]
Jakoba Errekondok Ilargia eta landareak 2025eko agenda eskutan, ilargiaren arabera baratzeko lanak nola antolatu azalduko du eta entzuleen galderak zuzenean erantzungo ditu. Antton Olariagak argitalpen horretarako egin dituen hamabi piztiren ilustrazioak erakutsiko ditu eta... [+]
Donostian jaioa, urte mordoxka bat Alkizan eman zituen bizitzen, baserri batean. Inguratzen zuen naturak lilura sortzen zion. Margolari gisa egin da ezagun, nagusiki.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Ekida Arte Ekimen Sozialistak arte eskola antolatu du Donostian, asteazkenean hasi eta larunbatera bitartean. Paraleloki, lau egunez, bi formakuntza saio egingo dira: muralismoari eta arte bisualei buruzkoa bata; eta antzerkiari eta arte eszenikoei loturikoa bestea. Sarbidea... [+]
Otsailaren 23an abiatu ginen Zaragozara (Aragoi) lagun bat eta biok. Bera Haur Hezkuntzako maistra eta ni literatur dinamizatzailea. Album! elkarteak (haur eta gazte literatura argitaratzen duten argitaletxe independenteak biltzen dituen egitura) antolatutako ikastaroak gure... [+]
Interneten oinarria duen argazkigintza lehiaketa batean, 1839 Color Photography Awards delakoan, tranpa gertatu da. Kategoria berezia sortu zuten 2024ko ediziorako, Adimen Artifizialeko irudiak aurkeztekoa, eta irabazleak tranpa egin zuen, argazki erreala aurkeztuta irabazi zuen... [+]