Jose Luis Ansorena musikari, musikologo eta konpositorea hil da
Eresbil Musikaren Euskal Artxiboaren sortzailea, euskal musika garaikidearen arloan erreferentzia izan da Jose Luis Ansorena (Donostia 1929, Iruñea 2019). Kultur ekitaldi ugari dinamizatu eta abesbatza askoren bultzatzaile izan zen besteak beste.
Iruñean hil da asteazkenean Jose Luis Ansorena Miranda; hango kaputxinoetan egin ditu azken urteak. Gazte gaztetik Donostiako kontserbatorioan musika ikasketekin hasia, Luis Urteaga eta Beltran Pagolarekin harmonia, pianoa eta konposizioa ikasi zituen. Ondoren, kaputxinoen apaiztegira joan zen, Altsasura, eta 1953an apaiztu zen.
Kaputxinoen babesean makina bat ekimen atera zituen aurrera musikarekin lotuak, besteak beste San Antonio abesbatza sortu zuen ordena bereko Iruñeko elizan, baita Zaragozan ere.
Baina musikagile eta musika ikerlari ere izan zen Ansorena, esaterako txistua eta txistularien inguruko lan mardula egin zuen. Haren aita, Isidro Ansorena hernaniarra, XX. mendeko txistulari handienetako bat izan zen.
Ikerkuntzarako bere ekarpen handiena, hala ere, Errenterian abiatu zuen 70eko hamarkadan –urte batzuk lehenago lekutu zen herri horretan, eta Andra Mari Abesbatza sortu zuen, baita Oinarri gazte abesbatza ere–. 1973an martxan jarritako Musikaste jaialdiarentzako euskal konposizioen funts bat sortzea ezinbesteko ikusi zuen, hor jarri zituen Eresbil Euskal Musikaren Artxiboaren lehen habeak, zientoka konposizio biltzen hasi eta Errenteriako kaputxinoen lokalean gordetzen hasi zenean.
Horrez gain, dozenaka konposizio ere idatzi zituen eta organo-jole izan zen bizi izan zen toki gehienetan. Ansorenak hainbat sari jaso zituen, azkenetakoa 2011n Eusko Ikaskuntzaren eskutik, kultura sustatzeagatik urtero eman ohi duen Manuel Lekuona saria.
Hil-kapera Errenteriako udaletxeko areto nagusian izango da ostegun arratsaldez eta ostiralean lurperatuko dute Donostiako Polloeko hilerrian.
.
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
Joan den martxoaren 7an Maurice Ravel, garai guztietako euskal konpositorerik onena, jaio zela 150 urte bete ziren. Eta ARGIAn omenaldia egin zitzaion konpositore horri, Bolero ospetsuak imajinario kolektiboan izan duen eragina gogoratuz.
Kasualitatez, Deutsche Grammophonek... [+]
'Espetxeak libre' manifestuan adierazi dute Eusko Jaurlaritzak "ataka txarrean" jarri dituela kulturgileak, espetxeetara kultur emanaldiak egitera sartu nahi dutenei dokumentu bat sinatzea eskatzen baitie, eta salatu dute ezin dutela sartu ez sinatuz gero. Kultur... [+]
Olatz Salvador
Noiz: martxoaren 15ean.
Non: Deustuko jaietan.
------------------------------------------------
Martxoak beti du deustuarrontzat kolore berezia; urtero ospatzen ditugu jaiak, San Jose egunaren bueltan. Bi asteburu bete festa, eta urtetik urtera Deustuko... [+]
Antifa hardcore
Lee-Kore + Hoben
Autoekoizpena
---------------------------------------------------------
Tamalez ez da ohikoa Arrasaten hardcore kontzertuak egitea, bestelako musika eszenak nagusitzen direlako. Hala bada, joan den larunbatean herriko gazte batzuen... [+]
Hunkituta eta ilusioz egin dut Iruñetik Oronozerako bidea. Maite dut Olaia entzutea, baita hizketan ere. Herriko farmaziaren ondoan autoa utzi eta balkoitik agurtu naute hark eta bere zakur Arak. Grabagailua martxan jarri aurretik, bueltaxka egin dugu frontoira eta Arak... [+]
Bizitza eztia
Verde Prato
Plan B Records, 2024
--------------------------------------------------------------
Ousmane Sembène zinemagile senegaldar ospetsuari galdetu zioten ea bere pelikulak Europan ulertzen ote ziren. Erantzuna, epikoa: “Izan gaitezen... [+]
Inoren Ero Ni + Lisabö
Noiz: martxoaren 14an.
Non: Gasteizko Jimmy Jazz aretoan.
----------------------------------------------------
Izotz-arriskuaren seinalea autoko pantailatxoan. Urkiola, bere mendilerro eta baso. Kontzertuetara bideko ohiko errituala: Inoren... [+]
FITXA
Zer: OLBEk antolatutako Gaetano Donizettiren ‘La favorite’ opera.
Nork: Euskadiko Orkestra Sinfonikoak (zuzendaria: Riccardo Frizza) eta Bilboko Operaren Abesbatzak (zuzendaria: Boris Dujin).
Noiz: otsailaren 18an.
Non: Bilboko Euskalduna Jauregian.
Olor
Noiz: martxoaren 9an.
Non: Bilboko Sarean espazioan.
---------------------------------------------------------
Esperantza. iz. Nahi edo desiratzen dena gertatuko delako edo lortuko delako uste ona.
Izen horixe jarri zion Jokin Azpiazu Carballo Olor ermuarrak bere... [+]
22 talde gehiago iragarri dituzte Lakuntzan uztailean izanen den HatortxuRockerako: Bad Sound, Dupla, Su Ta Gar, Chuleria Joder!, Brigade Loco, Leihotikan, Burutik, Tribade, Maskak, Les Testarudes, Non Servium, Añube, Dj Plan B, Gatibu, DJ Trapella, La Jodedera, Süne,... [+]