Konfinamenduan kirol-apustuek behera, pokerrak eta kasinoak gora
Ausazko joko eta kirol-apustuen publizitatea geroz eta mugatuagoa dagoenean, on-line jokoaren kontsumoak gora egin du alarma-egoerak baldintzatutako hilabeteotan.
Espainiako Gobernuak asteartean, hilak 3, onartu du ausazko jokoaren publizitatea eta on-line apustuak arautzen dituen errege dekretua. Hala, telebista, webgune edota irratiek soilik goizeko 1:00 eta 5:00ak bitartean emititu ahal izango dituzte joko-operadoreen iragarkiak. Gainera, iragarkiotan ezin izango da azaldu pertsona ezagunik, telebista aurkezle eta kirolariak, esaterako. Bestalde, enpresek ez dute bezero berriak erakartzeko ongietorri-bonoak eskaintzerik izango. Kontsumo Ministerioaren hitzetan, helburua da sektore zaurgarrienak babestea, adin txikikoak, gazteak eta menpekotasunak dituzten herritarrak.
Nabarmentzekoa da dekretuak kirolaren munduan izango duen eragina, futbolean eta saskibaloian bereziki, jokalarien kamiseta edota estadioetako euskarrietatik desagertu egin beharko direlako joko-operadoreen izenak, zeintzuk talde profesional askoren babesle nagusiak diren. Behin BOE buletin ofizialean argitaratu ostean, ezingo dira sinatu dekretuak jasotzen dituen neurriekin bat ez datozen kontratuak. Indarrean diren kontratuak 2021eko abuztuan eten beharko dira.
Pokerraren eta kasino-jokoen hazkundea
Duela hilabete, jokoaren inguruan egindako agerraldian, Alberto Garzón ministroak azaldu zuen alarma-egoeran joko eta apustu kopuruak gora egin duela, eta eragina handiagoa dela auzo pobreenetan: "Zonalde batzuetan errazagoa da egoera ekonomikoa txarra baldin bada, egun batetik bestera egoera konpon daitekeenaren mezua txertatzea".
Ludopatia Online webgunean, Espainiako Estatuan jokoak izan duen igoerari heldu diote, Joko Antolaketarako zuzendaritza Nagusiaren 2020ko bigarren hiruhilekoari dagokion txostenari tiraka, azpimarratu ostean konfinamenduak ekarri dituen antsietate egoerengatik, arrisku handiagoa dagoela herritarrak jokoaren edota beste edozein substantzia/produkturen menpe erortzeko.
Datuei dagokienez, badira bi gauza nabarmendu beharrekoak. Batetik, taberna eta joko-aretoak itxita egon direnez, joko presentziala gutxitu egin da. eta on-line jokoa aldiz hazi. Bestetik, kirol txapelketa batzuk bertan behera geratu direnez, kirol-apustuen kopurua ere izugarri jaitsi zen aipatu epean. Ordainetan, gora egin dute pokerrak, erruletak eta kasino jokoek.
On-line jokoaren kasuan, operadoreek 208 milioi euro gordin (GGR) –jokalariei ordaindu beharrekoa eta ongietorri-bonoak aintzat hartuta– irabazi zuten hiru hilabetean, 2019ko bigarren hiruhilekoarekin alderatuta %17,71 gehiago.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.
Abuztuaren 31tik aurrera, jokoaren sektoreko enpresen publizitatea arautzeko Espainiako Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal izango dituzte enpresa horien iragarkiak. Zuzeneko kirol emanaldietan,... [+]
Hainbat ikerketak ondorioztatu duena berretsi du Bristoleko Unibertsitateak: Auzune pobreenetan askoz ere apustu-etxe gehiago dago zonalde aberatsagoetan baino. Gobernuz kanpoko erakundeek ohartarazi dute menpekotasuna duten 500 gaztek egiten dutela bere buruaz beste urtean.
Ostegun goizean egindako polizia-operazioa salatu eta atxilotutako lagunei babesa eta elkartasuna adierazi diete Sopelan arrastian batutako 200 pertsonak baino gehiagok. Atxilotutako hiru gazteak aske gelditu dira arrastian.
Dirudienez, atxiloketek lotura daukate joko aretoen aurkako jardunarekin. Ostegun arratsaldean mobilizazioa deitu dute, atxiloketak gaitzesteko.
Iruñeko Sanduzelai auzoko ikastetxe publikoko lehen hezkuntzako 6. mailako ikasleek kalejira egin zuten pasa den ostiralean, apustu etxeen kontrako kolektiboarekin elkarlanean, ludopatiaren arriskuez ohartarazteko. Hainbat guraso eta auzokidek ere parte hartu zuten.
Egun joko areto bakarra dago ibarrean, Sarrigurenen. Aurrerantzean ezinen da halako gunerik ezarri mila biztanlerik beherako herrietan. Aho batez onartu du udalak ordenantza.
Arrigorriko joko-aretoak egin duen hedakuntza dela eta, fenomeno horregaz arduratuta dagoen sopeloztar herritar talde batek erabaki du horien aurkako ekimena antolatzea. Beraien asmoa da herritarrei erakustea areto horien kalteak eta, erabiltzaileak kriminalizatu beharrean,... [+]
Koronabirusaren pandemiak eragindako egoeraren aurrean ezarritako neurrietan, Nafarroako Gobernuak apustu etxeekin izan duen malgutasuna kritikatu dute Iruñerriko apustu etxeen aurkako plataformen koordinakundeak eta Aralar ludopatiaren prebentziorako... [+]
Sopelako Arrigorri joko-aretoak 108,49 metro koadro du gaur egun, eta 229,16 metro koadrora handituko dute, ondoko lokala hartuta, Sopela.net-ek jaso duenez.
