Joko areto kopurua murriztuko dute eta horietara sarbidea kontrolatuta egon beharko da aurrerantzean
Indarrean sartu da Eusko Jaurlaritzak eginiko jokoaren lege berria EAEn. Aurrerantzean, apustu etxeek ikastetxeetatik gutxienez 150 metrora egon beharko dute, eta bi joko aretoren artean 500 metroko distantzia errespetatu beharko dute.
Urrian iragarri zuen Eusko Jaurlaritzak jokoaren erregulazioa “gogortuko” zuela, “egungo egoerara egokitzeko” eta joko patologikoari “aurre hartzeko”. Jada indarrean dira neurriok Araban, Bizkaian eta Gipuzkoan, otsailaren 15ean EAEko Aldizkari Ofizialean argitaratu ostean. Araudi berriaren xedea da batik bat adin txikikoak eta talde zaurgarriak “babestea”.
Hasteko, joko-aretoen arteko nahitaezko gutxieneko distantzia 500 metrokoa izango da; orain arte 150 eta 600 metro inguruko tartea zegoen baimenduta, lokal motaren arabera. Halaber, ezingo da joko edo apustu etxerik egon ikastetxe arautuetatik 150 metrora baino gutxiagora. Gaur egun ez dago gutxieneko distantziarik lehen eta bigarren hezkuntzako eta lanbide heziketako ikastetxeekiko.
Gainera, apustu eta joko etxe kopurua murriztu dute: EAEn gehienez egongo dira hiru kasino (lurralde historiko bakoitzeko bat, eta lizentzia lehiaketa bidez emango da), hipodromo bat, hamalau bingo, 60 apustu-etxe (orain gehienez 75 ireki daitezke, 2007an lizentzia lortu zuten hiru enpresetako bakoitzak 25), eta 170 joko-areto (une hauetan 209 daude). Beraz, batzuek ateak itxi beharko dituzte. Jaurlaritzak ez du lizentzia berririk emango datozen hiru urteetan, nahiz eta bajak egon.
Sarbidea kontrolatzeko sistema
Apustu etxeetako sarbidea ere mugatu dute, baita joko makinak dituzte ostalaritza eremuetakoa ere. Kontrolatu egin beharko dute nork duen sarbidea debekatuta, sistema informatikoen bidez. Horretarako, debekatuen erregistro bat ireki dute, eta bertan izena ematen duenak ezingo du sartu joko aretoetara sei hilabetez. Toki hauetan eman daiteke izena: Osakidetzan, errehabilitazioko elkarteetan, ertzain etxeetan, joko aretoetan edota online bidezko jokorako etxeetan. Sistema horretara egokitzeko bederatzi hilabeteko tartea izango dute aretoek.
Publizitatea mugatuta
Azkenik, Jaurlaritzak "indartu egingo ditu murrizketak" publizitateari dagokionez. Besteak beste, debekatuta egongo da jokoari buruzko publizitatea egitea komunikabideetan goizeko 06:00etatik gaueko 12:00etara; ezingo da ospe publikoa duten pertsonekin edo adingabeekin egindako iragarkirik argitaratu; ezingo da publizitateko erreklamo gisa erabili kirol-instalazioen, taldeen edota lehiaketen izen edo markak; eta kirol ekipamendu edo kamisetetan ez da babesle moduan jokoaren arloko areto, enpresa edo operadoreen izenik agertuko.
Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.
Joko arriskutsua goiz antzemateko eta prebenitzeko gidaliburua gazteei eta haien ingurukoei zuzendurik dago. "Jokoarekin lotutako arazoak edozein pertsonak izan ditzake, baina, bereziki, eurak dira kolektibo kaltebera", Eusko Jaurlaritzaren hitzetan.
Lau ataletan sailka daitezkeen aldaketak egingo ditu datorren hiruhilekoan Eusko Jaurlaritzak jokoaren erregulazioan: aretoen arteko eta ikastetxeekiko distantziak mugatuko dira, baita areto kopurua ere, horietara sarbidea kontrolatuko da, eta publizitarearekin lotutako... [+]
Haritik Hirira lantaldeak agerian utzi du apustu etxeen eta horien kokalekuaren arteko harremana, auzo batzuen eta besteen arteko bereizketa nabarmenarekin; horiek mugatu eta arautzeko beharraz ohartarazi dute Asajer errehabilitazioan diren Arabako jokalarien elkartetik.
Abuztuaren 31tik aurrera, jokoaren sektoreko enpresen publizitatea arautzeko Espainiako Gobernuak onartutako dekretua dela eta, telebista edota irratiek soilik goizeko 1:00ak eta 5:00ak bitartean emititu ahal izango dituzte enpresa horien iragarkiak. Zuzeneko kirol emanaldietan,... [+]
Hainbat ikerketak ondorioztatu duena berretsi du Bristoleko Unibertsitateak: Auzune pobreenetan askoz ere apustu-etxe gehiago dago zonalde aberatsagoetan baino. Gobernuz kanpoko erakundeek ohartarazi dute menpekotasuna duten 500 gaztek egiten dutela bere buruaz beste urtean.
Ostegun goizean egindako polizia-operazioa salatu eta atxilotutako lagunei babesa eta elkartasuna adierazi diete Sopelan arrastian batutako 200 pertsonak baino gehiagok. Atxilotutako hiru gazteak aske gelditu dira arrastian.
Dirudienez, atxiloketek lotura daukate joko aretoen aurkako jardunarekin. Ostegun arratsaldean mobilizazioa deitu dute, atxiloketak gaitzesteko.
Iruñeko Sanduzelai auzoko ikastetxe publikoko lehen hezkuntzako 6. mailako ikasleek kalejira egin zuten pasa den ostiralean, apustu etxeen kontrako kolektiboarekin elkarlanean, ludopatiaren arriskuez ohartarazteko. Hainbat guraso eta auzokidek ere parte hartu zuten.
Egun joko areto bakarra dago ibarrean, Sarrigurenen. Aurrerantzean ezinen da halako gunerik ezarri mila biztanlerik beherako herrietan. Aho batez onartu du udalak ordenantza.
Arrigorriko joko-aretoak egin duen hedakuntza dela eta, fenomeno horregaz arduratuta dagoen sopeloztar herritar talde batek erabaki du horien aurkako ekimena antolatzea. Beraien asmoa da herritarrei erakustea areto horien kalteak eta, erabiltzaileak kriminalizatu beharrean,... [+]
Koronabirusaren pandemiak eragindako egoeraren aurrean ezarritako neurrietan, Nafarroako Gobernuak apustu etxeekin izan duen malgutasuna kritikatu dute Iruñerriko apustu etxeen aurkako plataformen koordinakundeak eta Aralar ludopatiaren prebentziorako... [+]
Sopelako Arrigorri joko-aretoak 108,49 metro koadro du gaur egun, eta 229,16 metro koadrora handituko dute, ondoko lokala hartuta, Sopela.net-ek jaso duenez.
Ausazko joko eta kirol-apustuen publizitatea geroz eta mugatuagoa dagoenean, on-line jokoaren kontsumoak gora egin du alarma-egoerak baldintzatutako hilabeteotan.
