Jokin Aranaldek “betiko errepresio zurrunbiloan” kokatu du bere atxiloketa
Jokin Aranalde Euskal Iheslari Politikoen Kolektiboko bozeramailea elkarrizketatu dute Euskal Irratietan. Espainiak Euroagindua ezartzean, gorde egin zen hilaren 17an Beskoitzen atxilotu zuten arte. Uztaialaren 29az geroztik aske da. Elkarrizketako zenbait adierazpen esanguratsu bildu ditugu.
Osasunez justu, baina apurka indarrak hartzen eta gertukoekin kontent dela dio Aranaldek. Bermerik gabe aske dago, baina kontrol judizialean, astero joan behar baita epaile aurrera sinatzera. Hilabete batzuen buruan epaiketa izango duelakoan dago, baina ez da segurua: “Fiskalak erraiten badu ez dagoela arrazoi nahikorik epaitzeko, baliteke ez izatea”.
“Kaptazio-lana egitea, jende bati ETAn sartzea proposatu izana da nire akusazioa”, azaldu du. Argudioak oso ahulak direla dio, askatzean fiskalak berak ere onartu zuela esan du.
Ipar Euskal Herrian ia 12 urtez normalitate osoan bizi ostean, Miarritzeko proposamenaren ondotik atxilotzea erabaki politikoa izan dela argi du. Espainiaratzeko Euroagindua ezarri ziotenean, “ihes baino gorde” egin zela dio: “Jende askorekin eztabaidatu osteko erabaki pertsonala izan zen”.
Atxiloketa uneaz galdetuta, momentu “biziki bortitza” izan zela adierazi du Aranaldek. Bere emaztearekin zihoan atxiki zutenean eta honek esandakoa ekarri du gogora: “Ez nuen uste polizia zenik, gu hiltzera edo bahitzera zetozela pentsatu nuen”.
“Errepresioaren zurrunbiloa”
“Beti izan naiz abertzalea, militantea eta borrokalaria eta nire ustez, kolpe bat eman nahi zidaten”. Horregatik eta Miarritzeko proposamena “zikintzeko” helburuaren baitan kokatu du gertatutakoa Aranaldek. Frantziako eta Espainiako Gobernuek bake prozesurako borondaterik eza argi utzi dutela dio eta bere atxiloketa, “betiko errepresio zurrunbiloan” sartzeko baliatu dutela.
“Herri honek badu konponbiderako nahia eta horretan asmatu behar dugu”, dio EIPK-ko bozermaileak. “Herria benetan aktibatzeko”, indar politiko eta sozialak irmotasun eta argitasun gehiagorekin bildu behar direla deritzo.
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira.
2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]
Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]
18/98 makrosumarioan atxilotu eta torturatu zutenetik 23 urtera, espetxeari ihes egin zionetik hamabostera, apirilaren 5ean bueltatu zen etxera Nekane Txapartegi asteasuarra. ARGIAren Lasarteko egoitzara bisitan, hitz egin digu erbesteaz, euskaraz, torturaz, feminismoaz,... [+]
Asteazkena zuen baraualdiaren 36. eguna, baina azaldu duenez, erietxean artatu behar izan dute. Gose greba eten arren, bere nortasun juridikoa lortzeko borrokan jarraituko duela dio.
Martxoaren 29an abiatu zuen gose greba Asier Guridi Zaloña errefuxiatu politikoak Caracaseko (Venezuela) Espainiako Kontsulatuaren aurrean, nortasun juridikoa eskatzeko. Espainiako Estatuak ez dio nortasuna aitortu eta oinarrizko eskubideetara sarbidea murriztua dauka... [+]
Astearte goizean Auzitegi Nazionalean aurkeztu eta gero, arratsalderako Asteasu sorterrian zen. Dokumentu faltsutzea leporatuta epaituko dute Madrilen, baina ez diote kautelazko neurririk ezarri. ARGIAko kolaboratzailea da Txapartegi.
Euskal errefuxiatuei laguntzeko 1960ko hamarkada amaieran sorturiko Anai Artea elkartearen historia laburbiltzen duen liburua argitaratu du Elkarrek. Txomin Hiriart-Urrutyk egindako ikerketa da eta Joseba Sarrionaindiaren sar hitza ere badu. Liburuaren harira Juan Mari Arregik,... [+]
Asteartean jaso zuen Venezuelako Gobernuaren erabakia. Bere herritartasuna eta 13 urteko bere semearena onartzea eskatuz abiatu zuen gose greba mugagabea abenduaren 3an.
Venezuelan dagoen Asier Guridi Zaloña euskal iheslari politikoak abenduaren 3an gose greba abiatu duela jakinarazi du. Caracas hiriburuko Espainiako kontsuletxearen aurrean dago, bere eskubideak eta 13 urteko bere semearenak aitortuak izan daitezen eskatzeko. 2005ean... [+]
Askotariko egoerak bizi izan dituzten euskal iheslari eta deportatu politikoen seme-alaben testigantzak biltzen ari da Miren Azkarate Badiola donostiarra, liburu batean argitaratzeko. Konparatzeko inolako asmorik gabe, “ezberdinak baitira espetxeratuen eta atxilotuen... [+]
1980an Luis Hergeta Gasteizko Michelin enpresako zuzendaritzako kidea hiltzea leporatzen zion Espainiako Auzitegi Nazionalak eta orain, Berria-k jakinarazi duenez, Santiago Pedraz epaile instruktoreak bertan behera utzi du autoa, onartuz inputatuak ez zuela parte hartu ekintza... [+]