Jokin Aperribay Espainiako Estatuko armagintza enpresa handienaren administrazio kontseiluan sartu da
INDRA enpresaren kontseiluan eserlekua lortu du Real Sociedad futbol taldeko presidenteak, SAPA Taldearen ordezkari bezala. Espainiako armagintzaren sektorean hautsak harrotzen ari den estatu mailako operazio baten parte da mugimendu hori.
Operazioak ezustean harrapatu ditu armagintzaren sektoreko eragile asko. SAPA taldearen osasun ekonomikoa ez zen onena. Are gehiago, 2020ko memorian iragarri zuen 2021ean "gastuak murriztu edo eusteko" planari "jarraipena" emango ziola, baina guztiz kontrakoa egin du azken urtean: 210 milioi euro inguruko inbertsioak burutu. Lehenbizikoa 2021eko irailean, 80 milioi ingurukoa, ITP armagintzako euskal enpresaren akzioen %5 erosteko. Bigarrena 2021eko abenduan, 90 milioiren bueltakoa, INDRAren %5az jabetzeko. 2022ko maiatzean SAPAk Jokin Aperribayrentzako tokia eskatu du INDRAren administrazio kontseiluan; baina ezetza jaso zuen, horretarako baldintza akzioen %7,5 izatea delako, eta orduan egin du SAPAk hirugarren inbertsio deigarria: INDRAren akzioen %3 inguru erosi du, 40 bat milioiren truke. Horren ondorioz eta ekainaren 23ko akziodunen batzar gatazkatsuaz geroztik, Jokin Aperribay Espainiako Estatuko armagintzako enpresa handienaren zuzendaritzaren parte da.
Armagintza talde espainiar indartsua osatzeko nahia?
Antimilitaristak EH plataformak hilabete hasieran aurkeztu zuen La SAPA de los Aperribay. La guerra empieza aquí (Aperribaytarren SAPA. Gerra hemen hasten da) liburua, Gasteizkoak talde antimilitaristak idatzitakoa. Lanaren amaieran aipatu hiru inbertsioetatik lehengo biak jasotzen dira soilik, hirugarrena, Aperribay INDRAren administrazio kontseilura eraman duena, gertatu gabe zegoelako oraindik. Liburuan hipotesi bat zabaldu dute ekonomikoki aztertuta ulertzen zailak diren inbertsio horien zergatiez: SAPAren mugimendua mugimendu orokorrago baten parte litzateke, bilatuko lukeena Espainiako Estatuko armagintza talde handi bat eratzea, gastu militarra biderkatuko den garaiotan Europan lehiatu ahal izateko. Espainiako Gobernua ariko litzateke mugimendu hori bultzatzen, besteak beste. INDRAren akzionista nagusia SEPI da, estatuaren enpresa publikoa, eta orain beste bi jabe nagusiak dira SAPA bera, eta berriki ere administrazio kontseiluan sartu den Amber Capital (PRISA taldeko akziodun nagusia).
ARGIAk Gasteizkoak taldeari galdetu dio ze irakurketa egiten duen azken mugimenduez. Hedabideetan bestela interpretazioak zabaldu badira ere, liburuan jasotako hipotesia berretsi du talde antimilitaristak, ARGIAri helarazitako idatzian. “Gure ustez, bai SAPAren bai INDRAren mugimenduek zerikusia izango lukete garrantzi handiagoko operazio batekin, INDRAren inguruan Espainiako industria-polo militar handi bat sendotzea helburu duena. Polo horretan, SAPA (ibilgailu militarrak) eta ITP (aeronautika) enpresez gain, beste sektore batzuetako enpresa militar gehiago sartzen saiatuko da, hori guztia hurrengo urteetako Europako programa militar handietan hain bigarren mailako papera ez izateko”. SAPA, bere aldetik, polo horretan garrantzia irabazi nahian ariko litzateke: “Denborak argituko du kontua, baina gure irudipena da Aperribayren SAPAren anbizioa dela, akzioen arteko lotura gisa egiten duen lanaren bidez, garrantzi handiagoa hartzen jarraitzea gaur egungo heriotzaren merkatarien Espainiako poloaren egituran”.
Irakurri osorik Gasteizkoak taldearen analisia hemen.
Bigarren lehendakariorde eta Ekonomia, Lan eta Enpleguko sailburuak armagintza industria goraipatu eta zabaldu diren “aukera” berrien aurrean sektorea “babestuko” duela azaldu du. “Beste kontu bat da gutako bakoitzak izan ditzakegun posizio... [+]
Urtarrilaren 15ean Zedarriak enpresa foroak bere seigarren txostena aurkeztu zuen Deustuko Unibertsitatean, Bilbon. Zedarriak taldeko zuzendari Guillermo Dorronsorok azaldu zuen hurrengo urteetan “segurtasun eta defentsa industrian” diru asko inbertituko dela... [+]
Urtarrilaren 15ean Zedarriak izeneko lobby tekno-enpresarialak bere 6. txostena aurkeztu zuen, Euskadi eta Europar Batasuna, oparotasunaren eta lehiakortasunaren patu partekatua izenekoa. Finantzen mundutik ateratako aditu gorbatadunez osatutako Think Tank neoliberal horrek... [+]
Mark Rutte NATOko idazkari nagusiak arrazoia eman dio Trumpi eta esan du "Europak inbertsio militarra handitu" behar duela.
"Ez gaude prest lauzpabost urte barru datorkigunerako. Arriskua ziztu bizian dator guregana. Aurre egin behar diogu: Ukrainan gertatzen ari dena hemen ere gerta liteke” (...) “Errusia, Txina, baina baita Ipar Korea eta Iran ere, gogor ari dira lanean Ipar... [+]
Zerrenda honetan, 2016az geroztik armagintza programaren batean parte hartu duten enpresak sartu ditu Gasteizkoak taldeak, edo militarrentzako produktu espezifikoak garatu dituztenak (ibilgailuak, pinturak, bateriak…). Hego Euskal Herrian sortuak, edo Hego Euskal... [+]
Lehen aldia da Hego Euskal Herriko euskal gehiengo sindikalak armagintza industriaren moldaketaz taldean eta modu publikoan hitz egiten duena. Aurreko hilabeteotan mugimendu antimilitaristak bilera bana egin du lau sindikatuokin, produkzio militarra “sozialki... [+]
Armagintzaren “moldaketa eraldatzailerako” proposamena publiko egin berri du mugimendu antimilitaristak. Conversión de la industria militar en Euskal Herria para no fabricar más guerras (Armagintza industriaren moldaketa Euskal Herrian, gerra gehiago ez... [+]
Abenduaren 26an, aireko eraso batean, Israelgo armadak bost kazetari palestinar hil zituen. Haiekin 130 kazetari palestinar hil zituzten. Albiste horrek gauza pare bat gogorarazi dizkit, lehenengoa, benetako kazetariek jasaten duten jazarpena munduko edozein lekutan, adibidez,... [+]
Armagintzari loturiko Hego Euskal Herriko “enpresa, zentro edo erakundeak” hirukoiztu egin dira azken hamabost urteetan, Gasteizkoak talde antimilitaristak hurrenez hurren 2008an eta 2024an egindako ikerketen datuek azaleratu dutenez. Aurkeztu berri duten... [+]
José Luis Zapatero Espainiako presidente zela hasi ziren akordioa lantzen 2011n eta 2014an gauzatu zuten Espainiako Mariano Rajoy eta Israelgo Shimon Peres presidenteek. Publico komunikabideak eman du akordio horren berri.
ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]
Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]