“Bidenek munduan askatasunaren alde egindako ekarpen pertsonala historian beti gogoratuko da”
AEBetako presidenteak ezustean bisitatu du Kieven Volodimir Zelenski, eta berretsi du “konpromiso hautsezina” dutela “Ukrainako demokraziarekin, subiranotasunarekin eta lurralde osotasunarekin”. Zelenskik esan du AEBren eta Ukrainaren harremanarentzat azken 15 urteetako “bisitarik garrantzitsuena” dela. Ukrainara arma gehiago bidaliko dituztela agindu du.
Otsailaren 24an urtebete egingo du Errusia inbaditzen hasi zela Ukraina, eta testuinguru horretan egin dio bisita Joe Biden AEBetako presidenteak Zelenskiri, Kiev hiriburuan. 500 milioi dolarreko balioa duten armamentua agindu dio, eta Etxe Zuriak zabaldu duenez, “AEBek behar den denbora guztian babestuko dute Ukrainako herria”. Bidenek Zelenskiri ziurtatu dio “konpromiso hautsezina” dutela Ukrainako “demokraziarekin, subiranotasunarekin eta lurralde osotasunarekin”.
Zelenskik Telegram bidez eskertu du AEBen babesa: “Iazko otsailaren 24ko gauean egindako lehen deia, gure negoziazioak, gure borroka eta Ukrainako demokraziaren defentsari etengabeko arreta sendoa eta hautsezina, eta Biden presidente jaunak munduan askatasunaren posizioa indartzeko egindako ekarpen pertsonala, historian beti gogoratuko den zerbait da”. Kieveko bisitaldiak erakutsi du AEBek segiko dutela Ukrainako gerra armaz hornitzen. Zelenskik azpimarratu du AEBetako presidentearen bisita, azken 15 urteetako lehena, “Amerika eta Ukrainaren arteko harremanarentzat bisitarik garrantzitsuena” dela.
Bide beretik doa Europako Batasuna ere: Josep Borrell EBko diplomaziaburuak ohartarazi du Ukrainari “babes militarra” eman behar zaiola berehala, Errusia erasoaldi bat prestatzen ari dela argudiatuta. Egunotan adostuko dute nola bideratu EBren laguntza hori.
Halaber, AEBetako Estatu idazkari Antony Blinkenek ohartarazi du Txinak asmoa duela “laguntza hilgarria” ematea Errusiari, esanez horren frogak dituela, nahiz eta ez dituen erakutsi. Laguntza horrek Txinari arazoak ekarriko lizkiokeela ziurtatu du, beste herrialdeekin dituen harremanei dagokienez. Dena dela, larunbatean Municheko Segurtasun Konferentzian Txinako Atzerri Gaietako buru Wang Yik jakinarazi zuen “Ukrainako krisian akordio politiko bat lortzeko” lanean segituko dutela, eta egunotan informazio gehiago emango dutela, “bakea bultzatzeko”.
Gatazka luzea
Asier Blas EHUko Politika Zientzietako irakasleak eta ARGIAko kolaboratzaileak gerraren irakurketa egin du, urtea beteko den honetan. Haren esanetan, Errusiak momentuz “porrota” izan du, alde militarrari dagokionez, "nahiz eta kaltetu nagusia ukrainar herri xehea izan", argitu du ARGIAko 2814 zenbakidun alean.
Ordea, dimentsio ekonomikoari begira “Europako Batasuna da kaltetu nagusia”, eta orain arte galtzaile izan da Mendebaldea. Blasen hitzetan AEBak dira “gehien indartu” direnak, EITBn azaldu duenez: “Aldez aurretik programatuta zeukan gerra hau gertatu egin da, eta abantaila asko atera ditu. Besteak beste, Europar Batasuna bere interesetara ainguratu du, eta ekonomikoki kolonizatu du”.
Aurreikusten duenez, gatazkak luze jo lezake, eta 2023 “oso arriskutsu” bilakatuko da, hala nola Ukrainak arma gehiago jasoko dituelako. Bi herrialdeen aldetik bake akordioa lortzea “oso zaila” dela dio, egungo egoera ikusita: “Errusiak asko galdu du, gerrak luze jo duelako, eta garaipena behar du. Ukrainak sekulako hondamendia izan du, ekonomiko zein militarra, eta batik bat hildakoen kopuruei dagokionez”.
Datozen egunetan iragarriko dituzte neurri gehiago bateko zein besteko agintariek, eta ikusiko da nora joko duen gerrak, urtebete beteko den honetan eztanda egin zuenetik.
Arma nuklearrarekin erantzuteko aukera dakarren dekretua izenpetu du Vladimir Putin presidenteak. Hegazkinekin, gurutzaldi misilekin zein droneekin "eraso masibo bat" pairatzeak ondorioztatu dezake arma horren erabilpena.
Urtarrilaren 20an utziko du AEBko presidente kargua Joe Bidenek, lekukoa Donald Trumpi emanda –zeinak AEBen norabide aldaketa marka dezakeen Ukrainako gerran–. Agintaldia amaitu aurretik, baina, irakurri dugu Ukrainari baimena eman diola Errusiako Kursk eskualdean... [+]
Errusian Ukrainarekiko gerra-frontean arituko liratekeen iparkorear soldaduena bezalako kontakizunak entzuten direnean, kosta egiten zaio behatzaileari bereiztea zer izan daitekeen gerra-lainoak lausotzen duen errealitatea, eta zer maskirovka klasikoenekoa.
Dagoeneko milioi bat pertsona hil dira Errusiaren eta Ukrainaren arteko gerra hasi zenetik, hainbat informek jaso dutenez. Hildako gehienak soldaduak dira, eta ondoren zibil ukrainarrak. Udara honetan izan dira kopururik altuenak 2022tik.
Asteazken honetan Ukrainako lehendakari Volodimir Zelensky Londresen bildu da Keir Starme lehen ministro britainiarrarekin eta Mark Rutte NATOko idazkari nagusi berriarekin. Ondoren bildu da ere Europar Batasuneko beste buruzagi garrantzitsuekin. Helburua da “garaipenerako... [+]
Irailaren 19an Europako Parlamentuaren gehiengoak honen alde eman zuen botoa: "Berehala kendu ditzatela Ukrainari emandako arma-sistemaren erabilerari jarritako murrizketa guztiak Errusiako lurraldean". Hitz arruntetan esanda: "Bota itzazue luzera handiko misilak... [+]
Potentzientzat salamiaren taktika erakargarria da. Xerrak apurka-apurka era finean moztean datza. Horrela AEBek NATOren zabalkundearekin, nazioarteko legediaren hausturekin, erregimen aldaketekin eta nazioartean bere base militarren ugalketarekin errusiarren segurtasuna eta... [+]
(Baina Kievek Errusiari eraso egiten uzteak gerrara eraman gaitzake zuzenean).
George Beebe CIAko Errusiako analisi zuzendari ohia da eta bere artikulu hau Rafael Poch kazetariaren blogean argitaratu dute gaztelaniaz eta Brave New Europe webgunean ingelesez.
Taldea ezagutzera ematea, gerrarako dirua biltzea eta soldaduak errekrutatzea da faxisten asmoa. Hainbat geldialdi egingo dituzte, hala nola Alemanian, Polonian, Txekian, Lituanian, Herbehereetan eta Belgikan.
Udan ohikoa izaten da albiste asko opor garaien etenak estaltzea. Eta egia esan, estalita baleude, kasik hobe. Gerra hotsen doinuak jarraitzen baitu dantzan jartzen kontinente zaharra.
2022an, urteko aurrekontuan onartutakoa baino %20 handiagoa izan zen inbertsio militarra; 2023an, %30 handiagoa. Europako herrialdeen gastu militarra Gerra Hotzaren amaierakoa baino handiagoa da une honetan.
2022ko otsailaren 24an hasi zen gerra. Ordutik, Errusiak egiten duen erasorik bortitzenetakoa egin du astelehenean. Erasoak azpiegitura energetikoa izan du jomuga, eta horrek itzalaldi orokorrak eragin ditu.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
Sortu zela 75. urteurrenean egindako gailurrean, Aliantza Atlantikoak Txinaren kontrako mezua gogortu du eta herrialde asiarrari egotzi dio Errusia laguntzea Ukrainako gerran. Kievi laguntza gehiago emateko konpromisoa adierazi dute NATOko 32 kideek eta Europako herrialdeek... [+]