Joaquin Beltranen familiak eskatu du bilaketa lanetan aginte bakarra izatea: Larrialdietako Burua
"Profesionalek esaten digute askoz gehiago egin daitekeela" salatu dute eta ohartarazi dute bilaketa lanak bertan behera uzteko eta hauteskundeak pasa ostean desagertutako bi langileak ahanzturan erortzeko arriskua dagoela.
Joaquin Beltranen familiak "bihotz bihotzez" eskertu du salbamendu lanetan ari diren profesionalen lana: "profesional bikainak eta pertsona hobeak dira, inoiz ez dugu behar beste sarituko bere bizitza arriskuan jartzen duena, besteen bizitza errazteko". Esker oneko hitzak izan dituzte baita ere, komunikabide, aktibista, ingurumen dibulgatzaileak, eta sortu diren herritarren mugimenduentzat.
Azaldu dute hasieratik pentsatu izan dutela profesionalei utzi behar zaiela lanean, familiaren ezinegon eta kritikekin lan hau oztopatu gabe. Eta ardurak argitzeko lana ikerlarien eta erakunde judizialen gaia zela, are gehiago sumario hau sekretupean egonik.
Politikarien adierazpenez, hau azaldu du Beltranen familiak (erredakzioan itzulia):
"Denbora honetan guztian aparte kokatu gara alderdi politiko ezberdinetako ordezkariek eman duten espektakulu penagarriarekin, bateko agerraldi, besteko aipu, informazio eta desinformazio... zer esan Eusko Jaurlaritzako sailburu eta sailburuordeen adierazpenez. Zer esan lehendakariaren beraren hitzei buruz.
Esperantza txiki bat izan genuen 'egoteagatik egotea' fasetik 'barra libre duzue'-ra pasa zenean kontua. Baina errealitatea hortik oso urrun egon da. Eta oraindik 'errelatoa' falta genuen. Eta oraindik ere hori falta dugu, baina tragediaren oinetan egon direnena. Zeren, lehenengo minututik 'komisario politikoek' egin duten erreskate lanen kudeaketa erabat zentzugabea izan da. Edukiz hutsa zen eszenaratze bat, hauteskunde aurrean itxurak gordetzeko. Ez du balio 'autokritikak', ez bada ezer kritikatzen, ez bada ezer zuzentzen".
Deskoordinazioa erreskate lanetan
Beltranen familiak salatu du "bilaketa lanak erabat deskoordinatuta egon dira goitik, eta ezegokiak izan dira eta ez dira nahikoak izan. Errealitatea da Alberto eta Joaquinek zaborpean jarraitzen dutela".
Eskaera bakarra egiten dute: "Itzuli diezazkigutela. Soilik horrela egin ahal izango dugu dolua. Ezin dira gelditu bilaketa lanak. Ezin da egin 'egiten ari bazina bezala'.
Jarraian bilaketa lanetan egon diren hutsune andana zerrendatzen dute, baina adieraziz orain ez dela horiek denak zergatik gertatu diren galdetzeko garaia: zergatik ukatu zen edo ez zen eskatu ("berdin da" dio familiak) Espainiako ejertzitoaren laguntza, zergatik ez dauden zakur gehiago "txakur unitate miresgarrian", zergatik ez den egon behar beste pertsona esperimentatu bilaketa lanetan, zergatik egon diren makinak geldirik palista edo erregaia falta zutelako eta biktimenak beraienak erabili behar izan direla, zergatik ez dira artikulatu errelebo operatiboak edo zergatik ez da errespetatu lan segurtasunerako araudia, "horrela arriskuan jarriz kontratatutako enpresa 'ofizialetako' langileak beraiek, izenik behar ez duen Moyua Eraikuntzak buru dela. Orain ez da hori galdetzeko garaia".
"Profesionalek esaten digute gehiago egin daitekeela"
Beltranen familiak dio kontuan hartzen dituztela erreskate lanek dakartzaten zailtasun eta arriskuak, baina "esperientzia duten teknikari profesional, prestigiodun eta kualifikatuek esan digute askoz gehiago egin daitekeela eta egin behar dela". Adierazi dute ez direla hauteskunde aurreko politikaren jokoari begira geratuko, eta nabarmendu dute arriskua dagoela hauteskunde ostean, gai honek politikarien emaitzetan eragiteari utziko dionean, bi desagertuak ahanzturan erortzekoa.
Aginte bakarra eskatu du familiak
"Politikariak alboratu eta teknikariei lanean uztea" nahi du Beltranen familiak. "Oso sinplea da nahi duguna: prozedura bat artikulatzea, Larrialdietako Burua izan dadin aginte bakarra duena erreskate lanetan, eta honek kudeatu ditzala lanean inplikatutako baliabide guztiak, bai publikoak eta bai pribatuak. Berak erabaki dezala zein diren lan zehatz bakoitza ondoen ezagutzen duten profesionalak, eta noren esku utzi lan bakoitzari dagokion dokumentazio osoa".
Azken mezua, lehendakariari
Hauek dira zabaldu duten komunikatuaren azken lerroak (erredakzioan itzulia): "Zaldibarko zabortegia erori zela hilabete pasatu denean, errealitateak eta 'errelatoa'k dio Alberto eta Joaquin zaborpean daudela oraindik. Lehendakari, ez dizugu utziko ahaztu zaitezen: Alberto eta Joaquin gogoan".
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Baionako Auzitegiak ezarri duenez, Basusarrin dagoen Etcheverry-Mindurri enpresak 150.000 euroko isuna ordaindu beharko du, eta Donibane Lohizuneko CBA Artolak 100.000 eurokoa.
Enpresari eskatu dio lan horiek egiteko Arantxa Tapiaren sailak, baina Verter-ek ez du erantzun. Lanek “bospasei” urterako ziurtatuko dute zabortegiaren egonkortasuna, 750.000 euroko aurrekontuarekin.
Ostegunean ziren deklaratzekoak Eusko Jaurlaritzako Ingurumen Saileko hiru teknikariak, baina justizia auzitegietako lanuzteen ondorioz ezin izan dute egin. Verter Recycling enpresari Ingurumen Baimen Bateratua nolatan eman zioten azaldu beharko dute.
Jaurlaritzaren Ingurumen Saileko hiru teknikarik deklaratuko dute, Zaldibarko zabortegian ingurumenaren kontrako delituak ikertzen dituen auzian. Zaldibar Argitu plataformak eta Euskal Herriko Eskubide Sozialen kartak elkarretaratzera deitu dute Durangoko epaitegi aurrean.
Hirien hondakinak bildu eta txikitzen diren lekuetara bisitaldia egitea eskoletako derrigorrezko txangoa izan beharko litzateke. Gaileta paketetxo bat ireki barneko bi gaileta irensteko, eta pakete azalaren ibilbidea mentalki eraiki. Helmugan paratzen da giza aktibitatearen... [+]
Hondamenditik hiru urte bete direnean prentsaren aurrean aitortu du Tapia sailburuak "ikuskapen teknikoak" egiten ari direla, zabortegia "egonkor eta seguru" dagoela, baina oraindik ez dela zigilatuko horretarako baimena eduki arren. Izan ere, Verter... [+]
Zaldibar Argitu plataformak deituta Alberto Sololuze eta Joaquin Beltran langileak omendu dituzte Eitzaga auzoan, zabortegian harrapatuta geratu zirenetik hiru urtera. Auzia argitzeko beharra berretsi dute eta ardura politikoak hartzeko eskatu.
Zaldibarko zabortegiaren hondamendiaz geroztik hondakinen kudeaketan Bizkaian dauden hutsuneak nabarmendu ditu talde ekologistak txosten batean. Azaldu duenez, hondakinak kudeatzeko plan berriaren zirriborroa oraindik ez da onartu eta 2016koa dago indarrean. Hondakin organiko... [+]
Datorren igande eguerdian, otsailaren 5ean, Joaquin Beltran eta Alberto Sololuze langileak oroitu eta argipenak eta erantzukizunak eskatuko ditu Zaldibar Argitu plataformak.
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
Europako Batzordeak beste behin adierazi du Eusko Jaurlaritzak legedia bete zuela Zaldibarko zabortegiaren kasuan. Zaldibar Argitu plataformak nabarmendu du Lakuak bidalitako informazioa soilik izan duela kontuan Bruselak.
Otsailean urte bi bete dira Zaldibarko zabortegia amildu zela. Martxoan pandemiaren bigarren urteurrena dator, bi hilabetez etxean geratu ginenekoa. Katastrofe bi. Bigarrenak lehenengoa estali zuen, baina Eitzagako hondamendiaren gestioak erakutsi zigun izurritea zelan kudeatuko... [+]