Jenga formakuntza koadernoen lehen zenbakia argitaratu dute, ‘Okupazioaz birjabetuz’ izenpean
Birjabetze Kolektiboko Desjabetuon Eskolak jarri du martxan formakuntza koadernoen proiektua, "geure ezagutzaz jabetzeko" militanteen formaziorako tresna gisa. Errekaleorreko herri inprentan ekoiztu dituzte Jenga izeneko liburuxkak, eta Gasteizen egongo dira eskuragarri kostu prezioan (1,50 euro). Sarean ere jarri dute deskargatzeko aukera.
Langile klasearen arteko elkartasuna antolatzea da Birjabetze Kolektiboaren helburu nagusia, eta 2018ko irailetik, hainbat "erreminta efektibo" sortu eta garatu dituzte, desjabetuon beharrak kolektiboki asetu eta "forma sozial berri baten erreprodukziorako beharrezkoak liratekeen elementuak" sortzeko asmoz. Ahalegin horretan antolatu zuten, Okupazio Bulegoa ez ezik, Desjabetuon Eskola ere, "autodefentsa zentzu material batetik haratago ulertzeko salto praktikoa" emanez.
Barne mailako formakuntzen zein kanpora begirako hitzaldi eta hausnarketa kolektiboen bitartez, "azaleko kritikak, gaizki ulertuak eta burugogorkeriak" alboratu eta ideologiaren ikuskera zabalago bati heldu zioten; "etikaren eta teoria politikoaren harreman estuaz ohartarazten digun horri".
Okupazioaren inguruko eztabaida
Hain zuzen, otsailetik maiatzera egindako Okupazioaz Birjabetuz zikloaren "laburpen ahalegin bat" da izen bereko lehen zenbakia. Hala diote hitzaurrean: "Hurrengo orrietan aurkituko dituzun idazkiak, herri mugimenduko hainbat kideren ideiak dira, etengabeko metamorfosian dagoen okupazioaren inguruko eztabaidan, hurbilpen teoriko/praktiko soil batzuk, alegia. Amaieran, Birjabetze Kolektiboak ziklo honetatik ateratako zenbait gogoeta ere izango dituzue, Euskal Herriko mila txokoetan garatzen ari diren eta ilusioz betetzen gaituzten proiektuei erabilgarria izango zaielakoan... gure ezagutzaz birjabetu gaitezen!".
Salmenta puntuak Gasteizen:
- Hala Bedi taberna
- Zapateneo
- Errekaleorreko txosna (Gasteizko jaietan, abuztuaren 2tik 9ra)
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]
Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]
Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.