Jendetzak babestu ditu Galder Barbado eta Aitor Zelaia, jasotako espetxeratze aginduaren aurrean
Bi gazteek espetxeratze agindua jaso dute jadanik eta ehunka herritar batu dira salatzeko salbuespen egoera ez dela amaitu gazte militanteen kontra.
ANkerkeriari Stop! plataformak ostiralean jakinarazi zuen Galder Barbadok eta Aitor Zelaiak espetxeratze agindua jaso dutela.
Erabaki horren aurrean, eragileak elkarretaratzeak deitu zituen eta gaur arratsaldean izan dira Gasteiz, Agurain eta Amurrion. Aiaraldeko udalerrian, zehazki, ehunka lagun batu dira Juan de Urrutia plazan eta gero udalerriko kale nagusiak hartu dituzte bi militante independentisten kontrako errepresioa salatzeko, lau urteko espetxe zigorra bete beharko baitute.
Halaber, plataformak gogoratu du Gasteizen egingo den manifestazio nazionala izan arte (irailaren 30ean 18:30ean Artiumetik abiatuta) elkartasun keinuak biderkatuko dituztela herriz herri. Horietan parte hartzera gonbidatu dituzte herritarrak, Barbado eta Zelaiaren egoera salatzen duen kamiseta erosita edo auzolanetan eta ekitaldietan parte hartuta, hain zuzen. Horri lotuta, aipatu dute Amurrioko Txokogorri tabernan daudela kamisetak salgai eta ostegunean lan-eguna egingo dutela herriko gaztetxean, 18:00etatik aurrera.
Halaber, plataformak azpimarratu du Galder Barbado eta Aitor Zelaiaren kontrako prozesua erabat politikoa izan dela eta euskal militanteak izateagatik zigortuak izango direla. Dena den, lanean jarraitzeko konpromisoa hartu dute, "Euskal Herriak aurrera egin dezan".
Maiatzean azken erabakia
Maiatzean berretsi zituzten bi gazteen aurkako lau urteko espetxe zigorrak. Hilabete bat lehenago iritsi ziren epaien helegiteak Espainiako Auzitegi Gorenera, bi urteko itxaronaldiaren ostean. Bi gazteen absoluzioa eskatu zuen defentsak. Fiskaltzak, aldiz, zortzi urteko jatorrizko kartzela zigor eskaera aplikatzea eskatu zion Auzitegi Gorenari. Erakunde horrek, aldiz, Audientzia Nazionalak jarritako lau urteko kartzela zigorra berrestea erabaki zuen, baina orain arte ez du espetxeratze agindurik igorri.
Lau urteko prozesua
Modu horretan amaitu zen 2019an abiatutako prozedura judiziala. Urte horretako otsailaren 7an Barbado eta Zelaia atxilotu zituzten, "material lehergarriak" zituen bidoi bat "helburu terroristekin" gordetzea egotzita. Ia sei hilabete igaro zituzten prebentziozko espetxealdian, eta 2021ko urtarrilean epaitu zituzten Auzitegi Nazionalean.
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Mexiko Hiria, 1968ko urriaren 2a. Hilabete batzuk lehenago, ekainaren 22an abiatutako ikasle mugimenduak mitin bat antolatu zuen Hiru Kulturen Plazan, hiriko Nonoalco-Tlatelolco unitatean. Mexikoko ejertzitoak eta Batallón Olimpia talde paramilitarrak bildutako ikasleei... [+]
Bizkaiko Probintzia Auzitegiak amnistia aplikatu die Kataluniako prozesu independentistarekin lotutako mobilizazio batengatik kondenatutako lau gazteri. Kataluniarekin elkartasun ekimenengatik herritar gehiago ere zigortu zituzten Euskal Herrian 2011 eta 2023 artean, bide... [+]
2021eko urtarrilaren 20eko istiluetan atxilotutako sei gazteek epailearen aurretik pasatu beharko dute urriaren 22an.
Aroztegia proiektuaren kontrako protesta baketsuetan parte hartzeagatik ezarritako zigorrari aurre egiteko diru-bilketa abiaraziko dutela iragarri du herri kolektiboak.
Otsailean atxilotu zuten Iturmendiko pertsona bat, eta bi urte eta erdiko espetxe-zigorra eskatzen dute bere kontra, sare sozialetako zenbait mezu direla-eta. Uztailaren 16an epaituko du Espainiako Auzitegi Nazionalak.
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
John Weissman sionista Sadarrera joatekoa zenean, Palestinarekin elkartasunez argitaratu zuen mezu bat Indar Gorrik. Adierazpen horiekin lotuta, pertsona bat auzipetu du Espainiako Poliziak, iritzita gorroto-delitu bat egon daitekeela.
Egun osoko jardunaldi politikoaren barruan, manifestazio bat egingo du 19:30ean, Gipuzkoa Plazatik abiatuta. "Azken asteotako jazarpen polizialaren eta errepresioaren" kontra mobilizatuko dira.
Bi lagunen kontrako epaiketa hasi da gaur, otsailaren 29ean, Bartzelonan. Akusatuetako bat Zeberiokoa (Bizkaia) da, eta bestea Esplugueskoa (Bartzelona). 2020an Bartzelonan etxegabetze bat gelditzen saiatzean, Esquadra Mossoak bortizki oldartu ziren han bildutakoen kontra... [+]
Fuerteventura (Kanariar Uharteak), 1954ko otsailaren 11. Tefiako Nekazaritza Kolonia abian jarri zuten uharteko aireportu abandonatuan, basamortuaren erdian. Nekazaritza kolonia eufemismoaren atzean, praktikan, kontzentrazio eremua izan zen Tefia, nagusiki LGBTI komunitateko... [+]
Bateraguneko auziko auzipetuen izenean hitz egin du Arnaldo Otegi EH Bilduko koordinatzaileak eta poza agertu du Espainiako Auzitegi Konstituzionalak auzia ez errepikatzea erabaki duelako. Estatuko herrien askatasun nahia modu demokratikoan bideratzeko deia egin dio Espainiako... [+]