Javier Ollo Altsasuko Alkateak AHTri buruz emandako erantzunari ohar batzuk
Atsekabez hartu dugu Javier Ollo Altsasuko Alkate jaunaren erantzuna, uztailaren 31koa, Abiadura Handiko Trenari (AHT) buruzkoa. Izan ere, Europako Kontuen Auzitegiak Espainiakoa Estatuan AHT garatzen ari den arlo guztietan porrot ekonomiko eta sozial itzela dela argi aski esan badu ere, Javier Ollo jaunak diskurtso aurrefabrikatua eta hutsalarekin erantzun du.
Aipatzen du mozioa gehiengo nagusiz onartu dela. Bai, UPN eta PSN izan zituen alboan, hain zuzen ere, “aldaketaren” alderdiak. Arrakasta! Baina, Geroa Bairen postura, ardatza. Bestalde, tar-tar-tar, hitz hutsak: ingurumenarekiko iraunkorra, pertsonen eta merkantzien garraioa, Euskal Y-a eta Zaragozako lotura, estrategikoa, ezberdin pentsatzearen zilegitasuna, eta abar. Beti ere, AHTa aldarrikatuz.
Erantzun eskas horren aurrean, berresaten diogu:
1. Javier Ollok badaki funtsik gabeko argudioak darabiltzala, Europako Kontuen Auzitegiak eta gaian beste makina bat adituk horrela akreditatu dutelako. Zergatik segitzen du iruzur eta gezurretan?
2. Ezberdin pentsatzea zilegi bada ere, proiektu hori ingurumenarentzat hausgarria eta Altsasuko eta Sakanako herritarrentzat txirotzailea da. Zilegia da gehiengo erlatiboak inposatuz proiektu txikitzaileekin aurrera egitea?
3. Javier Ollo, EAJk Euskadirako diseinatutako obra munstroaren txotxongilo morroiaren papera egiten ari da. Soilik horrela ulertzen da Nafarroarako Geroa Baik defendatzen duen proiektua, Nafarroa Euskadirako serbidunbre edo bide-zor eremua bihurtuz
4. Larria da Azkoienen abiarazi dituzten obra horiekiko Geroa Bai konplize izatea, suntsiketa eta milaka milioiko xahuketarekin konpromisoak hartuz, herritar “xumeok” ordaindu beharko ditugunak.
5. AHT proiektu hori garapenkeria ekonomizista eta planetaren suntsiketaren eredu argia eta burugabea da. Proiektu hori eragile ekonomiko handien zerbitzura dago eta planetarako eredu jasangarrien eta suntsitzaileen arteko marra gorria gainditzen du.
6. Gure borrokarekin segituko dugu AHTren sustatzaileek sortzen dituzten gezurren eta ustelkeriaren aurka, zeren eta Nafarroarako Tren Sozialaren alternatiba egiazkoa baita.
Sakana Trenaren Alde plataforma.
Arturo Carreño Parras.
Blanca Esther Arregui Mendia.
Martín José Celaya García.
Altsasuko biztanleak.
(Altsasu, 2018ko abuztuaren 29a)
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Euskalgintzaren Kontseilua hizkuntza larrialdia bizi dugula ohartarazten ari da azken astetan. Urte dezente pasa dira euskararen biziberritze-prozesuaren egoera bidegurutzean, errotondan, inpasse egoeran eta antzeko hitzekin deskribatzen hasi zenetik, hizkuntza politikek... [+]
AEBetako agintaldi berriak ekonomiaren esparruan ekarriko duena zehaztea ez da lan erraza. Estrategia ekonomiko berriaren ardatza liberalismoaren eta kanpo sektorerako protekzionismoaren arteko uztarketa bitxia izango da. AEBetan aldian-aldian halakorik gertatu den arren,... [+]
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken 15 urteetan dugun Internetak hartu duen bilakaera ikusita, duen eredu teknologiko eta negozio ereduari lotuta, gizatasunaren alde txarrenak areagotzeko tresna dela pentsatu dezakegu. Ideia horrekin konforme ez dauden eragileak sortu dira mundu osoan zehar. Honako... [+]
Gutxi ateratzen naiz azken urteetan. Askotan esan dut, badakit, baina badaezpada ere. Bertso saio batera joan naiz gaur. “Bejondeizula”. Bai, horregatik abisatu dut gutxi ateratzen naizela, pentsatzen dut zuek kultur ekitaldi askotara joaten zaretela, eta... [+]
2006. urtean, Baltasar Garzonek, orduko epaile izarrak, errebelazio moduko bat izan zuen, eta jardunbide bat idatzi zuen, terrorismoagatik inkomunikatutako atxilotuen eskubideak bermatzeko. Epaile berak ehunka atxilotu inkomunikatu pasatzen ikusi zituen bere aretotik, horietako... [+]
Bihotzean ditudan oroitzapenik politenetakoak dira. Euskal Filologia egiten ari nintzen garai hartan, eta Arbizuko elkarte batera joan ginen Ruper Ordorikaren kontzertu batera. Han zeuden Rikardo Arregi Diaz de Heredia eta Juanjo Olasagarre. Ez nintzen Arregiri esatera ausartu... [+]
Duela gutxi, larrialdi klimatikoa zertan zetzan galderaren aurrean, zientzialari batek erantzun bikain hau eman zuen: “Begira, larrialdi klimatikoa hauxe da, zure mugikorrean muturreko fenomeno meteorologikoei loturiko gero eta bideo gehiago ikusten dituzu, eta konturatzen... [+]
Esaten da Simone de Beauvoir-ek idatzi zuela zapaltzailea ez litzatekeela hain indartsua izango zapalduaren lerroetan konplizerik ez balu. Niri oso normala iruditzen zait... zer nahi duzue, ba? Zapalduta zaudenean, ulergarria ere bada zure kondizio hori hobetu nahi izatea, eta... [+]
Azaroaren 25ean, Indarkeria Matxistaren Aurkako Nazioarteko Egunean, Steilas sindikatuko Idazkaritza Feministak kartel bat argitaratu du: Gure gorputza gudu zelai bat da du leloa, eta Hego Euskal Herriko ikastetxe guztiek jaso dute. Gatazka armatuetan emakumeek eta adingabeek... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]