Javier Esparza UPNko presidente, euskararen aurkako diskurtso erasokorrarekin
Botoen %83 eskuratu ditu Esparzak eta alderdi erregionalistaren presidentea izanen da. Idazkari nagusia, berriz Yolanda Ibañez izanen da, Milagroko alkatea, botoen %73 bereganatuta.
Ezustekorik gabe atera da Javier Esparza UPNren presidente. Botoen %83 eskuratuz hartu du alderdi erregionalistaren aginte makila. Hautagai bakarra izan zen eta espero bezala babes zabala izan du alderdiaren X. kongresuan.
Hori bai, %17k ez zuen babestu nahiz beste aukerarik ez izan beste inoren alde. "Todos somos Navarra" goiburuarekin egin dute Baluarten kongresua. Idazkari nagusia ere hautatu dute: Yolanda Ibañez izanen da, Milagroko alkatea, botoen %73 bereganatuta.
Gobernura itzultzeko gogoz agertu da Esparza. Nabarmendu duenez, gero eta jende gehiago ari dela ohartzen Uxue Barkosen Gobernuen asmoez: "Gutxi batzuentzat baino ez da ari lehendakari lanetan eta milaka nafar bazterrean utzi ditu". Autokritika UPNk egina duena jakinarazi du eta uste du ongi egindakoak gehiago direla akatsak baino.
"Pistolekin edo gabe, Nafarroak EAErekin bat egitea nahi dute"
"Pistolekin edo gabe, Nafarroak Euskal Autonomia Erkidegoarekin bat egitea nahi dute Euskal Herria deitzen duten asmakizun hori eraikitzeko", hitz horiek erabili ditu UPNko presidente izendatu berriak.
Uxue Barkosen Gobernuari erreferentzia egin dio kongresuan, horiexek baitira lehendakariaren asmoak erregionalistaren esanetan.
Euskarari kritika ugari egin dizkio Esparzak: "Gobernura itzuliz gero eremu ez-euskaldunetik kendu eginen dugu D eredua ikastetxe publikoetatik". Arrazoitu du esanez, "inposaketa artifiziala dela eta gastu ekonomikoa eta desoreka baino ez du eragiten". Inposaketa "zentzugabe" hori amaitzeko lan eginen duela ohartarazi du UPNko presidente berriak.
Alderdiaren datozen urteetarako programa onartzeaz gain, Gobernurako, Kongresurako eta Senaturako hautagaitzak primarioen bidez aukeratzea ere onartu dute militanteek.
Albiste hau Euskalerria Irratiak argitaratu du eta CC-by-sa lizentziari esker ekarri dugu ARGIAra.
Estirpe Imperial da talde neonazia, besteak beste ezagun egin dena erabiltzen dituen letra faxista eta arrazistengatik.
Jaietako lehenengo egunean txosnen debekuaren aurkako manifestaldia egin zuten milaka lagunek Lizarran, eta bertako askok ‘Bajadica del Puy’ kalejiran jarraitu zuten protesta. Udaltzaingoak egotzi die "desordena publikoak" eragitea.
2021ean sortu zen Lizarran Raimundo el Canastero taldea, eta iaz ikusi zuen argia haien lehenengo diskoak –N.T.E.R.–. Kaxoia, gitarra, ordenagailua eta hiru lagun langabezian: Julen Arbizu (Lizarra, 1995), Imanol Viñarás (Lizarra, 1995) eta Mikel Beltza... [+]
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Txosnen eledun Eider Castañedaren hitzetan, Marta Ruiz de Alda alkate erregionalistak "autogestioarekin, jai herrikoiekin, euskararekin, feminismoarekin zerikusia duen espazio oro debekatu nahi du".
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Cristina Ibarrolak iragarri du UPNko lehendakaritzarako hautagaitza aurkeztuko duela datorren apirilaren 28an alderdiak egingo duen kongresuan. Alderdiaren Erriberako lerroetan iragarpena ez bide da ongi hartu.
Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.
UPNk oso gogor erantzun dio PSNri Iruñeko Udaleko zentsura mozioa dela medio eta inoiz ez bezalako irainak zuzendu dizkie sozialistei. EH Bildu, aldiz, ostiral goizean hasi da biltzen oposizioko taldeekin, datorren udal taldea osatzeari begira.
UPNko presidente Javier Esparzak adierazpen gordinak egin ditu Joseba Asiron (EH Bildu) Iruñeko alkate bihurtzeko zentsura mozioaren albistea jakin bezain pronto.
Iruñeko Gurutze plazako lur azpiko aparkalekua egiteko proiektuan herritarrei kontsulta egingo diela iragarri du Cristina Ibarrola alkateak. Obraren aurka ari den herri plataformaren iritziz, Ibarrolaren noraezaren beste adierazle bat da.
UPNko presidente Javier Esparzak, hiru aldiz saiatu ostean, iragarri du ez dela aurkeztuko lehendakarigai izateko Nafarroako hurrengo foru hauteskundeetan.
Babes politikorik ez duelako, eta bizilagunen desadostasuna onartu ondoren, Iruñeko alkateak aparkalekuaren proiektua bertan behera utzi du "behin behinean". Ibarrolak proiektuaren aurkako protesten atzean EH Bildu dagoela adierazi du.