Javier Erize iruindarraren ‘Kilikon’ afixak iragarriko ditu 2015eko sanferminak
Egilearen arabera, kartel irabazlea “diseinu lana bainoago lan artistikoa da”, olioz pintaturiko koadroa baita. Modu horretan “keinua” egin nahi izan die kartelgintzako teknika tradizionalei. Aurtengo lehiaketan 5.124 iruindarrek eman dute botoa.
“Caravinagrerekin beldurra transmititu nahi nuen, eta haurra nolabaiteko kontrapuntua da”. Hala azaldu du bere lana Javier Erizek, aurtengo kartel lehiaketako irabazleak, eguerdiko 12:00etan jendaurrean aurkeztu dutelarik. Erize iruindarra da eta euskaldunon hiri buruzagiko Arte Eskolan egin zituen ikasketak. 2013an lehiaketako finalera iritsi zen, ‘Santo’ izeneko afixarekin.
Honako hau izanen da Caravinagre kilikiak sanfermnak iragarriko dituen laugarren aldia, gauza bera gertatu baitzen 1947, 1997 eta 2012 urteetan.
Aurten 5.124 iruindarrek eman dute botoa, iaz baino %47,4 gehiago, nahiz eta bozkatzeko epea joan den urtean baino zazpi egun laburragoa izan den. Erizeren lanak 1.511 boto jaso ditu, %29a hain zuzen ere. Bigarren bozkatuena Mogollon izan da,uztailaren 7ko prozesioa irudikatzen duen kartela.
Aurten orotara 462 lan aurkeztu dituzte lehiaketara. Epaimahaikideek apirilaren 15ean aurkeztu zituzten 8 finalistak, eta iruindarrek atzora arte izan dute botoa ematerik.
Gure webgune honetan, Joseba Beramendi Exprai marrazkilari eta disenatzaileari aurtengo zortzi kartel finalisten kritika egiteko eskatu genien, eta irabazlearen inguruan honako hau esan zigun: “Kartel piktorikoen azpisail honek urtero dauka ordezkariren bat, eta bere publikoa ere bozkatzerakoan. Ez dakit proportzioak zaindu gabe dauden, perspektibak huts egiten duen edo –pentsatzekoa da– bilatzen duen efektua ikusten dugun hau den. Konposizioaz aparte, gustatzen zait botereari irri egiteko duen irakurketagatik. Badakit kilikien izaeran dagoen zerbait dela, baina kartel batean horren agerian ikusteak grazia egin dit. Caravinagre eskerroneko ikonoa da egileentzat eta hiritarrontzat. Honek hainbat bozka ekarri ahal dizkio”.
Kartela ezagutu eta berehala sare sozialetan muntaiak egiten hasi dira.
#AgurUPN Herri irudimenak minutu bat ere galdu gabe!!! pic.twitter.com/E5d5SyJwnf
— Amaia Izko Aramendia (@AmaiaIzko) April 28, 2015Albistea Euskalerriairratia.eus-etik ekarri da CC lizentzia erabilita. Jatorrizko artikulua hemen: http://euskalerriairratia.eus/irunea/1430216040411
Iruñeko alkateak balorazio positiboa egin badu ere, nabarmendu du 24 eraso erregistratu eta 23 pertsona atxilotu dituztela. Baionan ere, bestetan hamaika eraso salatu dituzte.
Iruñerriko mugimendu feministak elkarretaratzea egin du uztailaren 7an, bezperan izandako lau eraso salatzeko. Berriozarren eta Tuteran bi gizon atxilotu dituzte sexu abusuengatik.
Iruñean, Sanferminetarako, udal estrategia bat sortu da eraso sexisten aurkako protokolo saretua aurrera eramateko. Protokoloak, sentsibilizazio eta prebentzio neurrietan, eta ekintza plan batean oinarrituta dago, zeina, interbentzioa, laguntza eta erantzun protokoloa... [+]
2022ko uztailaren 14an jazotakoaren harira Peñako bazkide guztien datuak exijitu dizkio Sanduzelaiko zuzendaritzari, gertakarietan parte hartu zuen peñakidea dagoeneko identifikatuta zuten arren. Milioi euroko isuna jartzeko mehatxua jaso zuten Sanduzelai... [+]
Lesakako ezpata-dantzariak San Fermin egunerako ezpata-dantzako entseguetan dabiltza azken hilabetean. Hamabost atera ohi dira dantzara, eta besteak titularren batek hurrengo urteetarako lekua utzi zain daude.
Aurten ere, uztailaren 8an, astelehenean gogoratuko dute German Rodrigez haren omenezko oroitarriaren alboan. 13:00etan izanen da: aurreskua lehenbizi, Mikel Lasarteren bertsoak gero eta La Furia eta Fermin Balentziaren emanaldiak bukatzeko. Iluntzean, Peñak, isilik eta... [+]
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Uztailaren 13rako antolatu du manifestazio bat Palestinarekin Elkartasunak. 18:30ean aterako da San Frantzisko Plazatik.
Iruñeko alkate Joseba Asironek prentsaurrekoan iragarri duenez, Duguna dantza taldeak jaurtiko du 2024ko Sanferminetako txupinazoa. Duguna izan da Iruñeko herritarren boto gehien jaso duen hautagaitza. Hain zuzen dantza taldearen sorreraren 75. urteurrena ospatzen... [+]
"Zezenketarik gabeko sanferminetarako trantsizioa errazteko" eskatu die Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ... [+]
Angel Blanco da kartelaren egilea eta bigarrenez irabazi du saria, 2009an ere jaiak iragarri zituen. 635 kartelen artean 10 hautatu ditu epaimahaiak eta 10.018 boto jaso dira irabazlea erabakitzeko.
Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.
Uztailaren 6tik 10era bitarte 11.261 dei erantzun dituzte SOS Nafarroaren 112 zenbakian. Besteak beste, entzierroaren osasun azpiegitura koordinatzen da zerbitzuaren egoitzatik.