Jauzi.eus, Iruñerriko eskolaz kanpoko euskarazko jardueren bilatzailea
Hilaren 29tik aurrera Sortzen Guraso Elkarteak Jauzi.eus bilatzailea martxan jarriko du. Xedea da euskararen normalizazioa bultzatzeko dagoeneko eskaintzen den aisia atari digital bakarrean biltzea.
Guraso elkarteek edota udalek antolaturiko eskolaz kanpoko eskaintza jaso eta familiengana hurbiltzeko jauzi.eus bilatzailea sortu du Sortzen Guraso Elkarteak. Asmoa ez da eskaintza berria sortzea, baizik eta badagoena biltzea. “Euskararen normalizazioaren bidean, D ereduko ikastetxe publikoen inguruko hizkuntza ekosistemak osatzen ari gara”, azaldu du Iñigo Otxoak, Sortzeneko kideak, Iruñeko Laba elkartean egindako aurkezpenean. Webgunea maiatzaren 29tik aurrera egonen da ikusgai.
Bost helburu nagusi ditu proiektuak: eskolaz kanpoko jardueren zabalpenerako eta izena emateko toki “erreferentziala” sortzea; euskara hutseko aisialdiko zirkuituak koordinatzea; guraso elkarteetako eskolaz kanpoko batzordeei lana erraztea; guraso elkarte, jarduera eta hezitzaile kontaktu sarea osatzea; eta jarduerak gainerako auzo eta herrietan ezagutzera ematea taldeak osatzeko matrikula minimoetara ailegatzen laguntzeko.
Bilatzailean agertzen diren eskaintzak 3 eta 12 urte bitarteko haurrei zuzenduta daude, eta eskolako egutegiarekin bat egiten dute; hau da, urritik maiatzera bitarteko jarduerak dira. Guraso elkarteek antolatutako jardueren kasuan, 16:30etik aurrerakoetan, ikastetxe horretakoak ez ziren haurrek ere izena emateko aukera izanen dute, baina bertako ikasleek lehentasuna izanen dute. Biltzailean bertan egin daiteke izen ematea. Horrez gain, jarduera guztiak euskarazko murgiltze metodologian oinarrituta daude: “Begiraleek murgiltzea zaintzeko eta euskara dinamizatzeko formakuntza jasoko dute”.
Momentuz, zortzi ikastetxetako guraso elkarteek eman dute izena: Amaiur (Iturrama), Bernart Etxepare (Txantrea), Ermitaberri (Burlata), Hegoalde (Arrosadia), Irulegi (Mutiloa), Patxi Larraintzar (Arrotxapea), San Frantzisko (Alde Zaharra) eta San Migel (Noain). Hala ere, datozen ikasturteetan “ahalik eta elkarte gehien” batzea gustatuko litzaieke. Ekainaren 4tik 14ra izanen da guraso elkarteetako jardueren matrikula, 15etik 18ra talde osaketen komunikazioa, 23ra arte jardueren ordainketa eta plaza ziurtatzea, eta 23tik aurrera itxaron zerrendan zeudenen ordainketa eta plaza ziurtatzea.
Oso beharrezkoa iruditzen zaie familiei aisiaren garrantziaz ohartaraztea. Euskarazko hezkuntza arautua haurren denboraren %15 da, eta gainerakoak euskararen transmisioan eta garapenean “izugarrizko” eragina du
Etxea, hezkuntza arautua eta aisia
Euskara normalizatzeko planaren estrategiaren barruan kokatzen dute bilatzailea. Planaren xedea da haur guztiak eroso sentitzea euskaraz mintzatzen. Horregatik, nabarmendu dute “beharrezkoa” dela etxean eta aisialdian euskarazko zirkuituak sortzea. Hortaz, transmisiorako kontuan hartu beharreko hiru adar azpimarratu dituzte: etxea, hezkuntza arautua eta aisia.
Bilatzailea martxan jarri baino lehen, kontzientziazio kanpaina bat egin dute, “oso beharrezkoa” iruditzen zaielako familiei aisiaren garrantziaz ohartaraztea: “D ereduko azken urteetako soziologia askotarikoa da, eta familia guztiek ez dute transmisioaren inguruko beharrezko orientazioa”. Gaineratu dute euskarazko hezkuntza arautua haurren denboraren %15 dela, eta gainerakoak euskararen transmisioan eta garapenean “izugarrizko” eragina duela.
Iruñeko Euskalgintza plataforman bildutako eragileek egin dute deialdia. Hiriburuan dauden hamasei haur eskoletatik batean eskaintzen da euskarazko murgiltze eredua. Iruñeko Udalari eta Nafarroako Gobernuari eskatzen diote auzo bakoitzean murgiltze ereduko haur... [+]
Inoiz baino jende gehiago bildu da Iruñerriko III. Mintzodromoan. 180 pertsona inguru aritu dira euskara praktikatzen eta sare euskalduna zabaltzen.
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.
Iruñeko auzo guztietako haur eskoletan murgiltze eredua ezartzeko eskatu dio euskalgintzak udalari. Horrez gain, salatu du duela 35 urteko egoera berean daudela.
Maiatzaren 9an atera dira aurrematrikulen zerrendak, eta Haur Eskoletako Gurasoak elkarteak salatu du Iruñeko Udalak %20ra “mugatu” duen euskarazko eskaria izatez %35,2koa dela. Gainera, azpimarratu dute euskara ezin dela neurtu eskaintza-eskaria... [+]
Hiriko errepideak “oztopatuko” lituzkeela argudiatuz Korrika iragartzen duen haurren Korrika txikiari trabak jarri dizkio Iruñeko Udalak, haurrei, musikariei eta erraldoiei errepidetik ibiltzea ukatuz.
Iruñeko Euskalgintzak azaldu duenez, hirian dauden 12 udal haur-eskoletatik bakarra dago euskaraz murgiltze ereduan: "Horrek esan nahi du eskola horietan eskainiko diren 1.069 plazetatik 130 bakarrik izango direla euskaraz (%12'16a)". Eskaintza murritz hori... [+]
Haur Eskolak Euskaraz plataformak deituta, herritar talde batek protesta egin zuen otsailaren 2an Nafarroako Legebiltzarraren aurrean, Iruñeko Udalak hiriaren haur eskoletan euskararekin duen jarrera baztertzailea salatzeko.
2022-2023 ikasturterako eskaini dituzten 1.069 plazetatik soilik 130 dira murgiltze eredukoak. Beste 129 plazek euskaraz gain ingelesezko jarduerak ere izango dituzte. Haur Eskolak Euskaraz plataformak eta EH Bilduk salatu dute Navarra Sumak euskarari egindako beste eraso bat... [+]
Iruñerrian 'Parkean euskaraz' egitasmoa abian da. Heldu eta haur euskaldunak astero biltzen dira auzoan edo herrian elkarrekin euskaraz hitz egiteko. Helburua haurrek haien artean euskaraz egitea da eta horretarako guraso, senide edo lagun helduak eredu izatea da... [+]
Goiz osoko festa izan zuten larunbatean, eta Iruñeko euskaldunen komunitatearentzako elkargunea izango den Gazteluko plazako lokala erakutsi zuten.
Bi eta sei urte bitarteko umeei eta beren familiei zuzendutako egitasmoa da. Astean behin, zazpi auzotako parkeetan elkartuko dira jolasak eta beste hainbat ekintza egiteko. Izen-ematea zabalik dago irailaren 23ra arte.
Iruñeko Gaztelu plazan ezarriko da Laba espazioa. Barruan bost gune izango ditu. Proiektua burutzeko, diru bilketa abiatu dute.
Administrazioan Euskaraz taldeak aurkeztutako eskaerari erantzunez eman du ebazpena Nafarroako Arartekoak. Udalak bi hilabete ditu gomendioa onartzen duen edo ez erabakitzeko.