Jaurlaritzaren oreka: publikoari kendu, itunpekoari emateko
Segregazioari aurre egiteko aitzakiarekin, Eusko Jaurlaritzak Ordizian desoreka mantendu eta Eskola Publikoari matrikulazioa kendu dio Ikastolari emateko.
Duela hilabete eskas salatu genuen Hezkuntza Sailak desorekei aurre egiteko neurriek Ordiziako ikastetxeen arteko desoreka betikotuko zutela. Gainera, arreta deitzen genuen, Eskola Publikoa lehenetsi ezean eta eskariari soilik kasu eginez gero, Eskola Publikoak matrikulazioa, ikas-gelak eta ikas-lerroak galtzeko arriskua zabaltzen zela, Ikastolaren mesedetan.
Ez da horrela gertatu. Hezkuntza Saila urrunago joan da. Eskola Publikoak eskari handia izan du 2023-24 ikasturterako Haur Hezkuntzako 2. mailan eta, behin-behinean, Ikastolan baino ikasle gehiago matrikulatu dira bertan. Azken urteetan gertatu den moduan, jatorria atzerrian duten eta egoera sozioekonomiko zailean dauden familietako ikasle gehienak Eskola Publikoan eman dute izena.
Zein izan da, ordea, Eusko Jaurlaritzaren esku-hartzea? Ba, Ordiziaren kasuan, aurrez adierazitako irizpideen aurka ikaspostuak ez ditu eskariaren baitan esleitu. Eskola Publikoak Ikastolak baino matrikula gehiago izan ditu eta Eskola Publikoak bost ikaspostu libre izan arren, Eskola Publikoa hautatu dutenen eta Hezkuntza Sailak bere irizpide erabat ilun eta subjektiboen baitan, “zaurgarri” moduan izendatu dituen hainbat ikasle Ikastolara bideratu ditu. Ikastolatik Eskola Publikora, berriz, “ez zaurgarri” moduan izendaturiko ikasle bakarra. Zein da emaitza? Eusko Jaurlaritzak Eskola Publikoa bi ikasle gutxiagorekin utzi duela Ikastolaren mesedetan eta apenas eragin duela oso larria den desorekan.
Desorekaren arrazoia ezin da jarri jatorria atzerrian duten familietako ikasleengan, egoera sozioekonomiko zaila pairatzen dutenengan edo “zaurgarri” moduan izendatzen diren ikasle edo familiengan
Hau da, “zaurgarri” izendapena egiteko irizpide, argi eta objektiborik gabe, erabat eztabaidagarria den galdeketa baten aintzat hartuz eta erabat ezkutuan kudeatu den ditxosozko “Zaurgarritasun Indizea” erabili du Hezkuntza Sailak Eskola Publikoari matrikulazioa kendu eta itunpeko ikastetxeari emateko, desorekan apenas eraginik izan gabe. Beldur gara, gainera, behin ikasturtea hasita matrikulatzen diren ikasleen esleipenarekin egoera okertuko den. Izan ere, arriskua dago desoreka bideratzeko aitzakiarekin, Hezkuntza Sailak Eskola Publikoa kaltetzen segitzeko, ikasle berriak Ikastolara bideratuz.
Aurrez ere salatu dugun moduan, desorekaren arrazoia ezin da jarri jatorria atzerrian duten familietako ikasleengan, egoera sozioekonomiko zaila pairatzen dutenengan edo “zaurgarri” moduan izendatzen diren ikasle edo familiengan. Diskriminatzaileak izateaz gain, herritar orok hezkuntza publikoa jasotzeko duen eskubidea urratzen dute, eta ez dute eragin esanguratsurik desoreka handia den errealitateetan. Kontrara, proportzioan gehiago diren heinean, Euskal Herrian jatorria dutenen edo egoera sozioekonomiko hobea dutenen banaketak eragin handiagoa du desorekan eta, ondorioz, orekan.
Eskola Publikoaren funtziorik behinena herritar guztien ezagutza eta hezkuntza premiei erantzutea da, berdintasunean, aniztasunean eta inolako diskriminaziorik gabe. Horren bermatzaile beharko luke administrazio publikoak. Ordizian, ordea, berdintasuna eragozten du, desorekak handitu ditu, aniztasunaren kudeaketa egokia oztopatu eta, orain, ikasleak diskriminatzen ditu hezkuntza publikoa hautatzeko aukera murriztuz, nahiz eta ikaspostu libreak izan Eskola Publikoan.
Ordizian Eskola Publikoak matrikula kopuru ona du, baina muturreko desoreka pairatzen dugu. Beraz, Ordiziako egoera kontuan hartuz gure errealitatera egokitu, Eskola Publikoa babestu eta lehenetsi eta desoreka bideratzen lagunduko duten neurri zehatzak behar ditugu.
Aurrez ere adierazi dugun moduan, ez dugu desorekara kondenatzea onartuko. Ezta Ordiziako herritarrek hezkuntza publikoa aukeratzeko duten eskubidea mugatu eta Eskola Publikoari ikasleak kentzea ere. Eusko Jaurlaritzaren jokabidea publikoki salatzeaz gain, gure eskura dauden bide guztiak jorratuko ditugu egoera honi eta neurri hauei aurre egiteko. Asko dugu jokoan, Ordiziako Eskola Publikoaren oraina eta etorkizuna, baita Ordiziako elkarbizitza, berdintasuna, justizia soziala, inklusioa eta euskalduntzea ere.
Urdanetarrak Ordiziako Eskola Publikoaren Guraso Elkartea
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Gogoan daukat, 16 urterekin, Bergarako epaitegi aurrean egindako euskararen aldeko elkarretaratze batean identifikatu ninduela Ertzaintzak lehen aldiz. Euskal Herrian epaitegiak euskalduntzeko aldarria zilegi zela pentsatzen genuen, baina, orduan ere, faltako zen baimenen bat,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Nafarroako Energia Planaren eguneraketa oharkabean igaro da. Nafarroako Gobernuak jendaurrean jarri zuen, eta, alegazioak aurkezteko epea amaituta, gobernuko arduradun bakar batek ere ez digu azaldu herritarroi zertan oinarritzen diren bere proposamenak.
Gobernuak aurkeztu... [+]
Sobietar Batasuna desagertu zenetik errusofobia handituz joan da. NBEko Segurtasun Kontseiluaren 2002ko segurtasun kontzeptua oso argia da, eta planetaren segurtasun eta egonkortasunak AEBei erronka egiteko asmorik ez duen estatuen menpe egon behar dutela adierazten du. AEBei... [+]
Andoni Urrestarazu Landazabal Araiako herrian 1902ko uztailaren 16an jaio zen eta 1993ko azaroaren 21ean hil zen Gasteizen. 31 urte bete dira jadanik eta bere izena eta izana aitortzeko une aproposa dela deritzot, ez baita ongi ezagutzen utzitako ondarea. Umandi, bere herriko... [+]
Autobiografia idaztea omen da garapen pertsonalerako tresnarik eraginkorrena, askatzaileena. Iraganeko kontuei tira egin eta gogora ekartzeak, orainaldiko korapiloak askatzen laguntzen omen du. Bai, laguntzen du orainaldia ulertzen eta komeni zaigun etorkizun bat marrazten... [+]
Pandemiaren iragarpenetik Valentziako tragediarainoko errepasoa egin eta ondorioztatu dut gezurra eta forupea suhesi gisa dituen kudeaketa instituzional negargarria klase gobernariaren konstantea dela.
Ez dugu gobernari ordezko baliogarririk sistema pendular hau aldatzen ez... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
Azaroaren 15ean Errenteria-Oreretan Euskal Herria Digitala osatzen dugun eragileek antolatutako hirugarren jardunaldiak egingo ditugu. Autodefentsa digital feminista lantzeko tailer bat eta digitalizazio demokratikoa oinarri izango duen hitzaldi bat izango dira... [+]
Aste batzuk daramatzagu hedabide eta sare sozial guztietan Iñigo Errejoni indarkeria matxista batzuengatik egindako akusazioei buruzko iritziak entzuten. Horrekin batera, eztabaida asko sortzen ari dira: nola salatu behar dugun emakumeok, nolakoak izan behar duten gure... [+]
Badira hauteskundeek erabaki politikoei legezko izaera emateko baino ez dutela balio diotenak. Eta ez dira gutxi horrela pentsatzen dutenak. Bale, baina horrekin gauza asko esaten dira, besteak beste, benetako agintea, boterea, joko horretatik kanpo dagoela.
Baina –nire... [+]
Azken hamarkadotan euskalgintzan jardun izan dut, dela helduen euskalduntzean AEKn, dela hizkuntza-eskubideen defentsan Behatokian, dela euskararen normalizazioaren alde Euskalgintzaren Kontseiluan. Den-denetan egokitu zait euskalgintza edota herrigintza auzitan jartzen zutenen... [+]