ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.
"Ez dugu etsiko: beraiek borrokatu zutenaren justu kontrakoa den Euskadi batekin topo egingo dute kalera irteten direnean", adierazi du Eusko Jaurlaritzako Justizia eta Giza Eskubideen sailburu berri María Jesús San Josék, gaztelera hutsean, ez baitaki euskaraz. EHUren Uda Ikastaroetako jardunaldi batzuen irekiera ekitaldian egin ditu adierazpenok, astelehenean, Donostiako Miramar Jauregian.
PSE-EEkoa da San José sailburua. Orain arte, azken legegintzaldietan, EAJren esku egon da saila. Aurreko taldeak, Nerea Melgosa buru zuenak, baldintzapeko askatasunaren aldeko politikak ipini izan ditu indarrean, hirugarren graduak, oro har. Sailburu berriak ez du horretan jarraituko duela ez baieztatu ezta ukatu ere, Gara-k kronika honetan jaso duenez. Hala ere, Jaurlaritzaren web orriak dioenaren arabera, aipatu du "gutxiengo batek" betetzen dituela espetxe-zigor osoak eta "askatasunean" bizi direla gehien-gehienak. "Dagokienean" irtengo dira espetxetik, berretsi du, "egindako kaltearen bidegabekeria onartuta". Azpimarra, diskurtso osoan, horretan ipini du: onarpenean.
Sailburuaren esanetan, ETAko kide izatea leporaturikoak gainontzeko presoen pare ipiniko dituzte, eta guztiak kaleetara itzultzeko "prestatzea" izango da Jaurlaritzaren lana: "Izan ere, proiektu politiko batek inposatu nahi izan zuen izua gorabehera, Euskadi askotariko komunitatea zen, eta da, eta komunitate nahiko kohesionatua eta aurreratua egitea lortu dugu". Datua ere eman du: "terrorismo delituz" zigortutako pertsonak %10 dira.
"Momentu erabakigarria" dela esan du Justizia sailburuak, laster hiru urte beteko baitira Araba, Bizkaia eta Gipuzkoako espetxeen kudeaketa Jaurlaritzaren eskuetan geratu zenetik –2021eko urriaren 1ean transferitu zen–. Borondate politikoa ez ezik, espetxeetan eta gizarteratze-prozesuetan lan egiten duten enplegatu publikoen lanaren beharra azpimarratu du San Josék, "espetxe-politika eredu hau arrakastaz burutzeko ezinbesteko tutoretza" direlako.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.
Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]
Sare Herritarrak elkarretaratzea deitu du abuztuaren 4an Urretxun. Epaitegiak euskal presoen eskubideei “boikot” egiten ari direla salatu dute.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Ministerio Fiskalak Eusko Jaurlaritzako Justizia Sailaren martxoaren 2ko erabakiaren aurka jarritako errekurtsoa berretsi du Espetxe Zaintzako Epaitegi Zentralak. Ondorioz, preso politiko errenteriarra bigarren gradura itzuliko da.
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
Apirilaren 17an Preso Politikoen Nazioarteko eguna dela eta, agiri bat kaleratu du kolektiboak, eta gogorarazi du urruntze eta sakabanaketa politika bukatu izana “luzaz itxarondako albistea” zela.
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]