Zergatik ez du Jaurlaritzak errekurritu udaltzainei gutxieneko euskara mailarik eskatzen ez dien epaia?
Ana María Martínez epaileak irailean ebatzi zuen udaltzainek ez dutela zertan B2 euskara maila ziurtatu; orain epaia berretsi eta bi hilabeteko epea eman du berriro onartzeko hizkuntza eskakizunagatik 2021ean Arkautiko lan poltsatik kanpo gelditu zirenak. Irailean kaleratutako epaia errekurrituko zuela iragarri zuen Eusko Jaurlaritzak, baina ez du inongo helegiterik jarri, eta horretaz galdetuta, ez zuela ondorio praktikorik ekarriko erantzun dio ARGIAri.
Eusko Jaurlaritzako Segurtasun Sailak pasa den irailean adierazi zuen hizkuntza maila eskatzea “funtsezkoa” dela “euskal Poliziak gizartearekin harremana izateko” eta “herritarrei zerbitzu hobea emateko”, eta horregatik, helegitea aurkeztuko zuela Gasteizko Administrazio Auzitegiaren epaiaren aurka.
Helegite hori azkenean zergatik ez duen jarri galdetuta, hala erantzun digute: “Zerbitzu juridikoek ikusi zuten ez zuela izango ondorio edo eragin praktikorik, udaltzain plaza guztiak kubrituta zeudelako eta lan poltsa bere horretan mantentzen zelako; ez zen inor kaleratuko”. Atzera begira eraginik ez zuela argudiatu du Jaurlaritzak, baina aurrera begira gutxieneko euskara mailarik ez eskatzeari ateak irekitzen dizkiola adierazi diogu. “Bai, izan dezake eraginik, baina hori futurible bat da eta halakorik gertatzen bada kasuan kasu ikusiko da”.
“Sententzia bete beharra dago”, gaineratu dute.
Behatokia: “Zer gertatuko da B2 nahitaezkoa ez den momentuan?”
Jaurlaritzak helegitea jarri ez duela-eta, iritzia eskatu diogu Hizkuntz Eskubideen Behatokiko zuzendari Agurne Gaubekari. Zuzendariak azaldu duenez, “lan-poltsak eratzen direnean, euskararen ezagutza nahitaezkoa ez izateak, lan-poltsa horien gestio egoki baterako traba nabarmenak eragiten ditu”.
Adibidez, “aurreko udan bertan, udal ezberdinek Arkautiko lan-poltsara euskararen ezagutza (B2) akreditatua zuten hautagaiak eskatu arren, Arkautitik erantzuten zitzaien ez zela B2a zuten hautagai librerik geratzen lan-poltsan eta beraz, udaltzain bat kontratatu nahiko balute lan-poltsan geratzen ziren B2rik gabeko horiek hartu beharko zituztela”.
“Gure ustez, ez du balio esatea kasu honetan aurkeztu diren hautagai guztiek dutela euskararen ezagutza akredidatua. Kontua da, epai hori Eusko Jaurlaritzak ez errekurritzeak hurrengo urteetarako arlo ezberdinetako lan-poltsen deialdietan ere egoerak berdin jarraitzea suposatu lezakeela eta ondorioz, euskararen ezagutzarik ez duten hautagaiak prozesuan onartzen jarraitu beharko dela”.
"Epai hori Jaurlaritzak ez errekurritzeak suposatu lezake euskararen ezagutzarik ez duten hautagaiak prozesuan onartzen jarraitu beharko dela"
Jaurlaritzatik "futurible"-ez mintzatu zaizkigun arren, euskararen ezagutzarik ez duten hautagaiak aurreikusi ditzakegu: “Zergatik dute oraingoan hautagai guztiek B2a? Ziurrenik bazekitelako eskatuko zela; zer gertatuko da nahitaezkoa ez den momentuan? Ez da ezagutzarik ez duen hautagairik aurkeztuko?”.
Garbi du Gaubekak: “Eusko Jaurlaritzak aldi baterako kontratazioekiko erabaki irmoak hartzen ditu edo egoerak aurrera beharrean atzeraka egingo du. Euskara eskakizunaren derrigortasun data iraungi gabe duten lanpostu finkoak bere horretan uztea edo epe horiek luzatzea ere legitimatu dezake”.
.jpg)
EITBko Euskara Batzordeak gaitzespena adierazi du azken hilabeteetan egindako zuzendaritza postuetarako hautaketa prozesuak direla eta. Salatu dutenez, euskarazko C1 maila ez duten hiru pertsona hautatu dituzte postu garrantzitsuetarako: EITB Mediaren zuzendaritzarako, Social... [+]
Azken hilabete hauetan hainbat institututan lan egitea egokitu zait eta, uneren batean edo bestean, ikasleekin lan merkatuak eskaintzen dituen aukerez hitz egin behar izan dut. Ikasleen tipologia askotarikoa da eta hiri berean asko aldatzen da auzo batetik aldamenekora,... [+]
EHUn Medikuntza euskaraz ikasteko plaza gehiago behar al diren galdetuta, hori EHUk erabaki behar duela erantzun zuen berriki Jaurlaritzak. Orain, ordea, datorren ikasturterako Medikuntzan 40 plaza gehiago eskaintzeko akordioa egin du Jaurlaritzak unibertsitate publikoarekin,... [+]
Getxoko Udalak udaltzainen hamar lanpostu berri sortzea adostu du EAJ, PSE-EE eta PP alderdiek hitzartutako aurrekontuaren barruan. Hamar lanpostuetatik euskararen B2 maila bostek soilik egiaztatu beharko dutela adierazi du Udalak.
Lan munduaren euskalduntzea euskararen normalizazio-prozesuaren erronka nagusietakoa dena diagnostiko partekatua da euskalgintzan eta eragile euskaltzaleon artean. Hamarkadatan belaunaldi berriak euskalduntzen egindako inbertsio guztia (hor ere egiteko asko geratzen dela ahaztu... [+]
Udaltzaina 1992tik ari da lanean euskararen eskakizuna zuen lanpostu batean, eta egonkortze prozesua eskatzen duen lehiaketan euskarak baldintza gisa jarraitzen zuen. Udaltzainak helegitea jarri dio derrigortasun horri eta epaileak arrazoi eman dio.
Bizkaiko Foru Aldundiko langileak egonkortzeko bi prozesu eten ditu EAEko Justizia Auzitegi Nagusiaren menpeko administrazioarekiko auzien epaitegiak. Epaiak ez dira irmoak.
Salbuespenezko prozedurak abiatu dituzte bi zuzendari izendatzeko, eta ondorioz ez dute euskara mailarik egiaztatu beharko. LAB sindikatuak salatu du egoera, eta azaldu du azken hiru hamarkadetan udal langileak euskalduntzeko egindako “ahaleginak zapuztuko” direla.
EAEko Berritzeguneetan hurrengo ikasturtean lan egiteko deialdira aurkezten diren irakasleek aldaketa bat ikusiko dute beren lana ahoz defendatzeko jarraibideetan: aurreko deialdian “defentsa euskaraz egingo da” zioen lekuan, orain dio “defentsa ahal bada... [+]
Naziometroaren arabera herritarren %56k uste du arreta euskaraz jasotzeko aukera izatea eskubide bat izan beharko litzatekeela; eta %32,5ak uste du ezetz.
Osasunbidean dauden hizkuntza eskubide urraketez mintzatu da Joseba Otano Administrazioan Euskaraz taldeko kidea.
