Jaurlaritzak zaurgarritasun egoeran dauden sei familia etxe kaleratu nahi dituela jakinarazi du Gipuzkoako Stop Etxe Kaleratzeak plataformak
Bost urteko kontratu luzaezinak agortu zaizkie Hernani eta Intxaurrondoko sei familiari, eta alternatibarik eskaini gabe kaleratu nahi dituztela salatu du Gipuzkoako Stop Etxe Kaleratzeak plataformak. Etxebide edo Bizigune bidez alokairu soziala izateko aukera eskaini artean, egungo bizitokietan jarraitzeko asmoa agertu dute.
Gipuzkoako Stop Etxe Kaleratzeak plataformak elkarretaratzea deitu du ostiral goizean, 11:00etan, Eusko Jaurlaritzak Donostian duen ordezkaritzaren aurrean. Mobilizazioaren bidez salatu nahi dute Hernaniko eta Donostiako Intxaurrondo auzoko zuzkidura-bizitokietatik sei familia etxe kaleratzear dela Eusko Jaurlaritza. Halakorik gerta dadin ekiditea bilatzen du plataformak, herritarren erantzunaren bidez.
Plataformak emandako azalpenen arabera, etxe kaleratuak izateko arriskuan dauden sei familia horiek zaurgarritasun egoeran daude, eta hala baieztatzen dute Gizarte Zerbitzuek osatutako Zaurgarritasun Informeek. Bost urteko alokairu kontratu luzaezinak zituzten, eta behin horiek agortuta, idatzi bat jaso dute etxeko giltzak buelta ditzaten. Azaroa eta urtarrila artean itzuli behar dituzte giltzak, eta kontrako kasuan “apartamentua husteko eta kalte-galerengatik kalte-ordainak kobratzeko beharrezko izapideak” hasiko dituztela jakinarazi zaie, bide judiziala ere aukera gisa kontenplatuz.
Stop Etxe Kaleratzeak plataformak jakinarazi duenez, beren diru-sarrerak apalak izanik, sei familia horietako bakarrak ere ez dauka ahalmenik alokairu bat ordaintzeko Gipuzkoan. Gogorarazi baitute alokairuaren batez besteko prezioa 1.138 eurokoa dela Eusko Jaurlaritzak argitaratutako 2021eko 2. hiruhilekoko Higiezinen Eskaintzari buruzko Inkestaren arabera. Kaltetuek eskubide subjektiboa galdegin dute, baina ezezkoa jaso dute erantzun gisa, xedatutako urteko diru-sarrera gordinak gainditzen dituztela argudiatuz.
Hala bada, arazoaren aurrean zein bide hartuko duten jakinarazi dute: familiek idatzi bat erregistratuko dute Jaurlaritzari adieraziz giltzak itzultzeko asmorik ez daukatela, eta etxeetan bizitzen jarraituko dutela inongo penalizaziorik onartu gabe, harik eta alternatiba gisa Etxebide edo Bizigune bidez alokairu sozial bat eskaintzen dieten arte.
Lau hilabeteko eta lau urteko bi ume dituen familia bat etxetik bota dute astelehen goizean Bilbon. AZET Etxebizitza Sindikatua azken egunotan etxegabetzea bide judizialetik geldiarazten saiatu bada ere, astelehen goizean bota ditu poliziak etxetik. Manifestazioa deitu dute... [+]
Abenduaren 14an etxebizitzaren negozioaren aurkako manifestazioa egingo dute Bilbon, etxebizitza sindikatu nagusiek deituta. “Doako eta kalitatezko etxebizitzaren alde eta politikarien eta instituzioen fartsaren aurka” mobilizatzera dei egin dute. Ane Salvador... [+]
Etxebizitza Sindikatu Sozialistak eta Harituk antolatuta, manifestazio bat izan zen ostegun arratsaldean Iruñeko Alde Zaharrean. "Etxebizitzaren negozioaren aurrean, eta hura sustatzen duten politikarien aurrean, etxebizitza eskubide unibertsalaren benetako defentsa... [+]
Abenduaren 14an Bilbon etxebizitzaren negozioaren aurkako mobilizazio nazionala antolatu dute Euskal Herriko Etxebizitza Sindikatu Sozialistak eta Euskal Herriko Etxebizitza Sindikatuen Sareak. Ia 200 izan dira auziarekiko elkartasuna adierazi duten eragileak.
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Alokairuen bidezko espekulazioa oztopatzeko neurria azaroaren 25etik goiti izanen da indarrean Ipar Euskal Herrian. Momentuko, tentsiopean diren Lapurdiko 24 herriei eraginen die: Ahetze, Angelu, Arbona, Arrangoitze, Azkaine, Basusarri, Baiona, Biarritz, Bidarte, Biriatu,... [+]
Tanta hotzak Valentzian eragindako hondamendiak irudi lazgarriak utzi dizkigu; batetik, izan dituen berehalako ondorioengatik, eta, bestetik, nolako etorkizuna datorkigun aurreratu digulako: halako fenomeno klimatiko muturrekoak gero eta ugariagoak eta larriagoak izango direla,... [+]
Polizia etxegabetzea geratu nahi zituzten herritarren aurka oldartu da eta hainbat lagun zauritu ditu. Azkenean, etxegabetzea atzeratu duela jakinarazi du epaitegiak.
Enplegua izanik ere hipoteka ordaindu ezin dutelako Laboral Kutxak etxegabetuko dituela salatu du Auzoan Bizik. Ostegun goizean "erresistentzia” egitera deitu du etxebizitza sareak.
Lanaren Ekonomiaren 8. denboraldia etxebizitzaren gatazkari helduz hasi da, Karla Pisano, Roser Espelt, Miguel Virizuela eta Argiako Jon Tornerrekin. Bi barikutan behin 11:00tan izango da irratsaioa.
Asteburu honetan Euskalduna Jauregian Euskadiko Etxebizitza eta Dekorazio Higiezinen-aretoa egon da. Sustatzaile eta higiezinen agentziek eraikuntza berriko promozioak eta bigarren eskuko etxebizitzak eskaini dituzte partikular eta profesionalen erosketa eta inbertsiorako... [+]
Etxebizitzaren auzia aspalditik datorren egiturazko arazoa da. Giza eskubidea izan behar lukeena, gehienez ere eskubide subjektiboa baino ez da. Iruzurra dela diot instituzio eta alderdi politiko guztiek hitz politak esan arren, ez diotelako muinari heltzen. Egun, enpresa... [+]
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
Mailegu enpresa batek emakumeari "iruzur" egin diola salatu du Uribe Kostako Etxebizitza Sindikatu Sozialistak, eta mobilizatzeko deia egin du Astrabuduako etxegabetzea gelditzeko. 10:30ean agertu dira segizio judiziala eta Ertzaintza etxegabetzea gauzatzeko,... [+]