Gipuzkoako Foru Aldundiak adierazi duenez, Eusko Jaurlaritzak %77 jaitsiko du Donostia 2016ko Europako kultur hiriburu izateko proiektuarentzako diru-laguntza. Espainiako Gobernuak ez du diruz lagunduko. Diputazioak esan du ekimena kinka larrian dagoela.
Bost erakundek parte hartzen dute Donostia 2016ren finantzazioan: Europar Batasuna, Espainiako Gobernua, Eusko Jaurlaritza, Gipuzkoako Foru Aldundia eta Donostiako Udala. Bostetik bik ez dute hitz emandako dirua aurrekontuetan sartuko, Garan Nagore Belastegik argitaratu duenez.
Bestelako murrizketak eta erantzunak
Jaurlaritzak hurrengo aurrekontuetan egin asmo dituen murrizketen datu zehatz gehiago ere argitaratzen ari dira prentsan, EAJk gainontzeko alderdiekin izan dituen bileren ondoren: EAEko Gobernuak Hezkuntza, Hizkuntza Politika eta Kultura Sailean aurrekontua %10 murrizteko asmoa du, baina atal bakoitzean, ehunekoak diferenteak dira.
Hezkuntzan jaitsiera %7koa izango litzateke (kontuan izanda iaz sail berean ikerkuntza ere bazegoela). Hizkuntza Politikan eta Kulturan %22ko jaitsiera espero da, iaz baino 59 milioi euro gutxiago. EITBk %20ko murrizketa izango luke, iaz baino 33 milioi gutxiago. Gobernuak lehentasunezko sailtzat hartu ditu Osasuna, Hezkuntza eta Enplegua eta Gizarte Politika. Honela banatuko lirateke diruak:
Osasuna: %4 gutxiago, 136 milioi euro gutxiago.
Enplegua eta Gizarte Politika: %24 gutxiago, 222 milioi gutxiago.
Hezkuntza: %7ko jaitsiera, 185 milioi euro gutxiago.
Lehentasunezkotzat jo ez duten Lurralde Antolaketa Sailean: %22koa, iaz baino 229 milioi euro gutxiago.
Erreakzioak
Garikoitz Goikoetxeak Berrian jaso ditu datuak argitaratu ostean Paul Bilbao Kontseiluko idazkari nagusiaren adierazpenak, baita Ander Iturriotz Euskal Idazleen Elkarteko presidentearenak ere. Bilbaok uste du murrizketok “eragin zuzena” izango dutela euskararen normalizazioan. Iturriotzek berriz, adierazi du “euskal nortasuna” ez dagoela EAEko agintarien lehentasunen artean.
Ildo bereko hausnarketa egin du Iñaki Petxarromanek ere, Berriako bere zutabean: "Oso adierazgarria da gobernu abertzale batek herri baten bizkarrezurra den hizkuntza biziberritzeko atala lehentasunezkotzat ez jotzea, eta bai berriz mahai gainean dagoen azpiegiturarik faraoikoena. Logika horretan azkar iritsiko da, agian, herri honen garapen logistikoa —nahiz eta hori ere eztabaidagarria izan—; baina, herriaren nortasunaren oinarri den hizkuntzarik gabe, etorkizunaren trena galduko du Euskal Herriak. Eta tren hori ez da berriz pasatuko".
Aparteko ordu boluntarioekin betetzen ari dira medikurik gabeko zerbitzuak Elizondon. Xabi Zarandona medikuak salatu du ezinezkoa dela gaixoen jarraikortasuna bermatzea.
Kalera atera dira salatzeko Bortziri eta Baztanen mediku eta pediatren falta, itxaron zerrenda amaigabeak eta hitzorduen atzeratzea jasaten ari direla, besteak beste. “Landa eremuan bizi garenok ere merezi dugu behar dugun bezala artatuak izatea”.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Europar Batasuneko 27 herrialdeetako ekonomia eta finantza ministroen kontseiluak arau fiskal zorrotzagoak ezartzea adostu du abenduaren 20an. Azken urteetako norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Araba, Bizkaia eta Gipuzkoako sektore publikoan greba eguna da gaurkoa, ELA, LAB, CCOO, Steilas, SATSE eta ESK sindikatuek deituta. Goizaldean abiatu dira lehen zutabeak eta manifestazioa handienak eguerdian egingo dituzte hiriburuetan.
Hizkuntza gabeziari lotutako hezkuntza atzerapenak eta premia handiak dituzte Gasteizko Federico Baraibar institutuko ikasleek. Beti baliabidez urri dabiltzala, baina hurrengo ikasturterako Eusko Jaurlaritzak esleituriko baliabidetan murrizketak izango dituztela salatu dute... [+]
EHUko irakasle izateagatik, hitzaldiak emateko gonbitea jaso dut maiz. Sarri, musutruk edo ordainsari baxuen truke. Irakasle izateagatik suposatu dute soldata duin eta egonkorra nuela. Inork ez dit lan-egoeraz galdetu. Nik ez dut ahoa ireki.
Unibertsitatean profesional eta... [+]
Osakidetzako pediatria zerbitzuaren “egoera larria” salatu du Arabako Umeen Osasun Publikoa Aurrera plataformak. Jaurlaritzari “180 graduko bira” eskatu dio, eta bat egin du apirilaren 22an EAEko hiriburuetan osasun publikoaren defentsan egingo diren... [+]
Erakunde publikoak "sarea berrantolatu" nahi du, errehabilitazioko ohe-plazak gutxituz eta azpikronikoetakoak handituz. Sindikatuak salatu du aldaketak "eremu komunitarioa indartu gabe" egin nahi dituela, eta horrek sarea saturatuko lukeela.
Zumarragako eta Azpeitiko Osasun Mentaleko Zentroek ez dute haurrentzako arreta zerbitzurik, pasa den urtarrilaren 31tik. “Osakidetzak bizi duen egoeraren beste adibide bat da”, salatu du ELAk.
Ipar Euskal Herrian tren geltokietako zazpi salmenta gune ixteko asmoa dagoela salatu dute CGT, Sud Rail eta Unsa sindikatuek. Itxierak lau lanposturen galera ekarriko luke, eta baita zerbitzuaren irisgarritasuna zailtzea eta geltokien "deshumanizatzea" ere,... [+]
LGTBI+ kolektiboari bideratutako sexu arreta eta juridikoa ematen duen Kattalingune elkartearentzat aurrekontua murriztu du Nafarroako Gobernuak: ia 38.000 euro gutxiago. Orain arteko zerbitzuaren "jarraikortasuna" etengo dela ohartarazi dute Kattalinguneko langileek... [+]
Espainiako Gizarte Segurantzako ministro José Luis Escrivák pentsio publikoen sistema berriz aldatzeko proposamena egin du: pentsioak kalkulatzeko epea kotizaturiko azken 25 urteak izan beharrean, azken 30ak izatea nahi du, baina horietatik 28 aukeratu ahal izan... [+]