Jaurlaritzak datorren ikasturteko unibertsitate-bekak onartu ditu, Gorenak EAEren konpetentzietan eskua sartu ostean
Eusko Jaurlaritzaren gobernu kontseiluak astearte honetan onartu du 2019/2020 ikasturterako unibertsitateko beken deialdia. Lakuako Gobernuaren arabera, aldaketa oso txikiak egin dituzte, Espainiako Auzitegi Gorenak EAEko unibertsitate-beka sistemaren zati bat bertan behera utzi ostean.
Zehazki, Eusko Jaurlaritzako Hezkuntza Sailak 26,2 milioi euro bideratuko ditu unibertsitateko beketara eta beste 100.000 euro jarriko ditu mugikortasun arazo bereziak dauzkaten ikasleen garraio-gastuak ordaintzeko. Gainera, 1.000 euroko txekea ere mantenduko da 120 espediente akademiko onenak dauzkaten ikasleentzat.
EAEn edo EAEtik kanpo ikasiko duten 11.500 ikasle inguru izango dira beka horien onuradunak.
Espainiako Auzitegi Gorenak EAEn 30 urtez indarrean egon den beka-sistema bertan behera utzi ondoren iragarritako neurriak dira. Josu Erkoreka Eusko Jaurlaritzako bozeramaileak auzitegiaren erabakiari buruz galdetua izan ondoren eman duen erantzuna jaso dute Noticias taldeko egunkariek. Erkorekaren esanetan, “eskandalagarria” da Gorenaren sententzia. “Autogobernuaren eta konpetentzien” aurkako “eraso” gisa deskribatu du.
“30 urtez hezkuntzan beka-sistema propio bat eraiki dugu eta orain Gorenaren epai honek errotik puskatu nahi du”, adierazi du Erkorekak. Espainiako Estatuko lurraldeen arteko berdintasunaren izenean, ikasleentzako diru-laguntzak “behetik parekatu” nahia antzematen du Jaurlaritzako bozeramaileak erabaki horren atzean.
Erkorekaren ustez, Gorenaren epaiak aukera berdintasunaren ideiari helduta utzi du bertan behera EAEko unibertsitate-beken sistema; baina aukera-berdintasun horrek aurrera egiteko faktore izan behar luke, ez laguntzak gutxitzeko tresna. Alde horretatik, gogora ekarri du Araba, Bizkaia eta Gipuzkoako bekek oinarri “anbiziotsuagoa” dutela Espainiako Estatuko oinarri orokorrek baino.
Filosofiako laugarren mailan, EHUn, nahitaez ikasgairen bat gaztelaniaz hautatu behar dute ikasleek, ez baitago nahikoa ikasgai euskaraz. Gaztelaniazko ikasleek ez dute arazo hori, eta bitxia da, euskarazko ikasle gehiago dagoelako gaztelaniazkoak baino. Beste karrera batzuetan... [+]
"Irudia zuritzeko" estrategiak erabiltzen dituzte energia arloko enpresa nagusiek. Ekintza positiboak azpimarratu eta inpaktu negatiboa "estaltzen" dutela ondorioztatu du ikerketan parte hartu duen EHUko doktoregai Goizeder Blancok.
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Hainbat lagun elkartu da ekainaren 19ko goizean EHUko Gipuzkoako errektoreordetzaren egoitzan, Ibaetan EHUk CAFekin dituen harremanak eten ditzala eskatzeko. Gipuzkoako campuseko errektoreorde Agustin Erkizia Olaizolak adierazi die EHUk ez duela akordio berririk sinatuko... [+]
Duela ia urte eta erdi, Ahoztar Zelaieta kazetariak Satlantis enpresaren aurpegi ezezagunena ekarri zuen argitara. Azkenaldian berrikuntza teknologikoaren alorrean sortzen ari diren euskal enpresen izar gisa aurkezten zaigu Satlantis; baina El Salto-k argitaratutako La empresa... [+]
Transmisioa eta dantza taldeetako erreleboa aztertu nahi izan dugu Dantzan Ikasi topaketetan, eta gazte belaunaldiek lan egiteko ereduak ezagutu nahi izan ditugu “Gazteen parte-hartzea euskal dantzan” mahai inguruan: Eder Niño Barakaldoko... [+]
17.500 ikasle inguruk Unibertsitatera Sartzeko Ebaluazioa egingo dute aste honetan Hego Euskal Herrian, urteotako eredua errepikatuko duen azkena. Probak proba, plaza publiko mugatuek, karrera batzuetako nota altuek, unibertsitatearen garestitzeak eta pribatizazioak,... [+]
IMQ osasun enpresa pribatuak “baldintza ekonomiko esklusiboak” eskaintzen dizkie unibertsitate publikoko milaka langileri eta beren familiei, %15eko beherapenarekin “gutxienez”. Urteak dira unibertsitate publikoak osasun aseguru pribatuen eskaintza... [+]