Jaurlaritzak 5 milioi euro eman dizkie hedabide batzuei, beste hainbat kanpoan utziz
Pandemiaren eraginari aurre egiteko eta “hedabide profesionalek duten funtzio garrantzitsua” aintzat hartuz, hainbat hedabideri 5 milioi euro eman dizkio Eusko Jaurlaritzak, CIESen eta interneteko audientzien araberako proportzioan. Baina eguneroko prentsa idatziari eta irratiari baino ez dio dirua eman (diruaren %93,4 gaztelaniazko hedabideei), eta baztertu egin dituzte interneten egunero dabiltzanak, astekariak, tokiko hedabideak, espezializatuak, herri-telebistak…
5 milioi euro horietatik %93,4 gaztelaniazko medioei eman die Eusko Jaurlaritzak, eta %6,6 euskarazkoei. Vocento taldeak (El Correo eta Diario Vasco) 2,4 milioi euro jasoko ditu, Noticias Taldeak (Deia, Noticias de Gipuzkoa eta Noticias de álava) 843.000 euro, Gara egunkariak 305.000 euro eta Berriak 290.427 euro. Irratietan, SER kateari eman diote diru gehien (520.244 euro). Diru banaketaren zerrenda, xehe, albiste honen amaieran irakurri dezakezue.
COVIDari lotutako publizitatea ere, hedabide batzuetara baino ez da iritsi
Horrez gain, koronabirusak eragindako kaltea arintzeko modua ere izan da publizitate instituzionala. Baina COVID19ari lotutako publizitatea jartzeko, hedabide batzuk lehenetsi ditu argi eta garbi Eusko Jaurlaritzak. Hau da 2020ko datuen zerrenda: Correo 691.969,53 euro, Diario Vasco 413.018,94 euro, SER 313.262,06 euro, Deia 312.466.68 euro, Gara 257.507.86 euro, Noticias de Gipuzkoa 170.378,55 euro, Berria 160.772,57 euro, Noticias de Álava 139.627,59 euro, 40 Principales 100.438,35 euro, Onda Cero 84.902 euro, Onda Vasca 64.429,29 euro, COPE 52.933,66 euro, Nervión irratia 37.505,16 euro, Herri Irratia 22.579,12 euro, 7 Radio 18.709,94 euro eta Bizkaia Irratia 13.648,59 euro.
ARGIAk, COVID19ari lotutako publizitate instituzionalean 2.752,07 euro jaso ditu.
Zein irizpideren arabera utzi dituzte kanpoan "lurrikara ekonomiko" hori jasan duten eta funtzio garrantzitsua izan duten sektoreko hainbat hedabide, tartean ARGIA?
Zein irizpide darabil Jaurlaritzak?
Jaurlaritzako bozeramaile Bingen Zupiriak bi ezaugarri nabarmendu ditu 5 milioi euroko zuzeneko diru partida hau onartzeko: COVID19ak eragindako “lurrikara ekonomikoa” batetik, eta pandemia garaian “agerikoa” izan den “hedabide profesional eta gertukoen funtzio garrantzitsua eta eraginkortasuna” bestetik. Hori horrela, zuzenean egin diogu galdera Eusko Jaurlaritzari: zein irizpideren arabera utzi dituzte kanpoan lurrikara ekonomiko hori jasan duten eta funtzio garrantzitsua izan duten sektoreko hainbat hedabide, tartean ARGIA? Erantzuna motza izan da: “Egiturazko gastu gehien dituzten euskarriak izan ditugu kontuan”. Egoera zaila, ordea, komunikabide guztiok bizi dugu, ez soilik bakar batzuek.
Beste behin, agerian geratu da diru publikoarekin zein indartzen eta zein baztertzen den gure instituzioetatik, zeini ematen zaion sostengu ekonomikoa aurrera egiteko eta zeini ez, joko-zelai berean aritu arren baliabide publikoen desoreka handia dela azaleratuz, hedabide independenteon kalterako.
Beste behin, agerian geratu da diru publikoarekin zein indartzen eta zein baztertzen den gure instituzioetatik, joko-zelai berean aritu arren baliabide publikoen desoreka handia dela azaleratuz
5 milioi euroak horrela banatu ditu Jaurlaritzak:
El Correo 1.608.716,91 €
Diario Vasco 747.535,64 €
Deia 558.126,27 €
Gara 305.580,45 €
Noticias de Gipuzkoa 171.731,16 €
Noticias de Álava 113.645,62 €
Berria 290.427,7€
SER 520.244,41 €
Nervión-Gorbea 224.765,78 €
Cope 174.256,62 €
Onda Cero 123.747,45 €
Onda Vasca 73.238,29 €
Radio Popular 25.254,58 €
7 Radio 22.729,12 €
Bizkaia Irratia 40.000 € (audientzia kontuan hartuz 17.678,21 euro dagozkio, baina 40.000 euro ematen zaizkio, euskarazko irratia izateagatik)
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]
Alemaniako Poliziak asteleheneko gertakariaren arrazoiak "politikoak" zirela baztertu duen arren, 35 urteko Alexander Scheuermann Ring Bund talde neonaziko kide zen. Bi hildako eta hamar zauritu utzi dituen atentatuaren egileak sare sozialetan "gorroto mezuak"... [+]
Lan baldintzen "prekarietatea" salatzeko kontzentrazioa egin zuten asteartean egunkariaren egoitzaren aurrean. Abenduaren 2tik sindaura greban daude langileak eta mobizlizazioak "areagotzea" erabaki dute orain.
Urtea baino gehiago da Olatz Simonek –EITBko berriemailea Parisen, garaian–, orrialde hauetan bertan ohartarazi zigunetik Bruselak kazetariari lanbideaz erakusten dionaz. Eta halaxe joan gatzaizkio galdezka Amaia Portugali. Bruselan gure irrati publikoak duen... [+]
Langileek salatu dute zuzendaritzak ez diela lan baldintzen gaiari heldu nahi izan eta enpresak nahiago izan duela Gaztea Sariak ekitaldia bertan behera utzi, “horrek sortutako albo-kalte ekonomiko eta sozial guztiekin”, arazoari irtenbidea eman baino.
Joan den asteartean La Vanguardia-n argitaratutako artikuluan egin zuen proposamena Txema Montero abokatu bizkaitarrak. 30 urtez Deia egunkariko kolaboratzailea izan da eta lehenik hara bidali zuen bere artikulua, baina egunkariak ez zion argitaratu.
Hemendik aurrera egunkarian soilik "norbanakoen askatasuna eta merkatu librea" sustatzen dituzten iritziak jasoko direla adierazi du enpresaburuak. Iritzi artikuluen zuzendariak hedabidea utzi duela ere argitaratu du.
Egitarau mardula prestatu dute Bergarako irrati libreko kideek: musika, literatura eta tailerrak. Besteren artean, martxoaren 29an Txapa Eguna egingo dute.
Diario de Noticias de Álava (DNA) egunkariko langileak sinadura greban daude, eta aspaldi ari dira beren lan baldintza “miserableak” eta horiek kazetaritzaren kalitatean duen eragina salatzen. 2013tik soldatak izoztuta dituzte, eta ordutik erosahalmenaren %30... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]
Donostiako San Telmo museoko aretoa jendez bete da Irutxuloko Hitzaren hogeigarren urteurreneko ekitaldian.
"EITB euskalduna, zuzendaritzatik hasita!" lelopean, otsailaren 25ean egingo dute elkarretaratzea, asteartean, EITBko ELA, LAB eta ESK sindikatuek nahiz Aldatu Gidoia ekimenak deituta.
Komunikabideko hainbat langile eta bazkide bertaratu ziren duela astebete Amurrioko Udaleko plenora, dirulaguntza bigarren urtez ezabatu dela salatzeko. Txerra Molinuevo alkateak ez zuen inolako erantzunik eman.
Idatzi honen bidez, EITBko Euskara Batzordeak eta azpian sinatzen duten EITBko organoek euren kezka eta gaitzespena agertu nahi dituzte azken hilabeteetan EITBko zuzendaritza-postuetarako abian ipini diren hautatze-prozesuak direla eta, gutxietsi egin baita euskararen... [+]