Jaurlaritza prest dago Ekondakin zigortzeaz hitz egiteko, Artaxoako hondakin ilegalengatik
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Imanol Pradales eta María Chivite EAEko eta Nafarroako lehendakarien arteko asteazkeneko bileraren ostean, Pradalesek iragarri du bi gobernuetako ordezkariak biltzeko “borondatea” dagoela, aztertzeko Zubietako erraustegia kudeatzen duen Ekondakin sozietateak zigorrik jaso behar ote duen, Artaxoako zabortegira eramaten zituen hondakin ilegalengatik. Hala jaso du EFE agentziak.
Nafarroako Gobernuak Artaxoako planta ixteko agindua eman du eta hura kudeatzen duen Ecofert enpresari 100.000 eurotik gorako isuna jarri dio jadanik. Era berean, Jose Mari Aierdi Ingurumen kontseilariak Nafarroako Parlamentuan ekainean egindako agerraldi batean azaldu zuen Eusko Jaurlaritzari eskatu diola Ekondakinekin gauza bera egiteko eta zigor espedientea irekitzeko.
Zubietatik Artaxoara milaka tona lixibiatu eraman zituzten 2022. eta 2023. urteen artean, nahiz eta erraustegiak ez duen lixibiatuak sortzeko baimenik, ezta Artaxoako zabortegiak horiek jasotzeko ere. Horretarako “lohiak” balira bezala eraman zituzten, beste LER kode bat jarrita. Eusko Jaurlaritzak, gainera, ez zuen karakterizazio horren berri.
Auzia Donostiako epaitegi batek darama bide penaletik, Gipuzkoako fiskalburuak salaketa jarri ostean. Duela urtebete EiTBk jaso zuenez –GuraSOS elkartearen informazioetan oinarrituta–, Gipuzkoako Hondakinen Kontsortzioko (GHK) presidente eta Gipuzkoako Ingurumen diputatu José Ignacio Asensio ikertzen ari zen epaitegia auzi horren barruan.
Pradalesek argitu du Zubietatik Artaxoarako hondakin likidoen garraioaren inguruan hitz egiteko izango litzatekeela gobernu arteko bilera, baina onartu du gaia “teknikoki labainkorra” eta “konplexua” dela, Eldiario.es-en irakur daitekeenez.
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]
Donostiako Udalak iragan osteguneko udalbatzarrean iragarri zuen moduan, zaborren tasa % 26,5 igoko du, 2025eko urtarriletik aurrera, Hondakinen 7/2022 Legeak horretara behartzen duela argudiatuta. Eguzkik, ordea, salatu du legea kostuei begira aplikatzen duela soilik, eta... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Berrerarabili, zaharberritu, konpondu, eraldatu… Behar duguna baina gehiagorekin bizi garelako agian…
Nafarroako Ecofert Sansoain enpresa itxita dago 20.000 tona hondakin toxiko legez kanpo jasotzeagatik Zubietako (Gipuzkoa) erraustegitik eta Tuterako (Nafarroa) Oleofat enpresatik.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Maiatzaren 18an, larunbatez, Zubietako Erraustegiaren aurkako martxa antolatu du Erraustegiaren Aurkako Mugimenduak (EAM). Lasarte-Oriatik abiatuko da, Okendo plazatik 11:00etan.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.