“Euskal Herri dekolonialaren alde egin nahi dugu lan”
Eusko Jaurlaritzak irailaren 6a jai-eguntzat izendatu du Euskal Autonomia Erkidegoan, Juan Sebastian Elkanok munduari emandako bira ospatzeko. Gasteizko herri ekimenak elkarretaratzea egin du General Loma enparantzan. Adierazi duenez, "aurrera eraman nahi dugun mobilizazio honekin Eusko Jaurlaritza zein Espainiako Gobernua pertsonai honen inguruan zabaltzen ari diren errelatoa eta diskurtsoa zalantzan jarri nahi ditugu, ikuspegi kritiko eta eraikitzaile baten bultzadarekin".
Gasteizko herri hekimenak deituta elkarretaratzea egin dute astearte eguerdian, irailaren 6an Juan Sebastian Elkanok mundiari bira eman ziola-eta jai egunaren harira. Hainbat eta hainbat lagun bildu da, batez ere saharar komunitateko kideak, eta haietako batek bere testigantza ere eman du, saharar herriaren historia eta jasandako errepresioa azaltzeko.
Elkarretaratzearen ostean, deitzaileetako batek ARGIArekin hitz egin du, eta azaldu du ez zutela egun hau "besterik gabe" igarotzerik nahi: "Ez dugu nahi gure historia Elkano eta antzeko pertsonaiengan zentratzerik. Euskal Herri dekolonial baten alde elkartu eta lan egin nahi dugu", adierazi du.
Gaiaren ikuspegi hau helarazi du, bestalde, Gasteizko herri ekimenak, hedabideetara bidalitako oharrean: "Ez gara gutxi ez Eusko Jaurlaritzak asmatutako errelato honen bidez mendeetako zapalkuntza eta ustiapena txuritu ta zilegiztatu nahi duela pentsatzen dugunok, Juan Sebastian Elkano euskaldun kosmopolita, jator eta abenturazale moduan aurkeztuz. Guk Colónek, Elkanok eta enparauek hasitako eta gaurdaino irauten duen menderakuntza aroa agerian jarri nahi dugu".
Aro hartan, alegia, aro honetan, euskaldunok menderatuak eta menderatzaileak izan gara eta gara aldi berean. Eta Frantziar zein Espainarren aldetik jasaten dugun zapalkuntzatik libratu nahi dugun eran, jasanarazi eta jasanarazten dugunaz libratu nahi dugu, bai ala bai soilik hortik pasatu ahalko baita guztiok amesten dugun guztion etorkizun askea".
Asteazkenean mobilizazioa egingo dute bigarren urtez jarraian, "ipar global eta zuriaren menderatze historikoa" salatzeko.
Irailaren 6an Victoria ontzia Sanlucar de Barramedara iritsi zeneko V. mendeurrena ospatu zuten, bost mende lehenago portu hartatik abiatu eta hiru urte geroago lehen mundu bira osatu izana gogoan. Horrelako oroipen ospakizunetan ohikoa denez, urteotan zeharkaldia gogoratzeko... [+]
Asteartean Elkanoren Lehorreratzea herri antzerki berezia egingo dute Getarian. Eusko Jaurlaritzak ezarritako jai egunarekin bat eta Elkano Cadizko Sanlúcar de Barramedara heldu zela 500 urte bete direla eta. Halere, ez da mundu bira horrek eragindako lehorreratze... [+]
Euskal Herriko kaleetan kolonialismoarekin eta esklabotzarekin lotura duten pertsonaien presentzia aztertu du ARGIAko kazetari Axier Lopezek Gure heroiak liburuan, nazioartean sinbolo horien inguruan dagoen eztabaida Euskal Herriratzearen garrantziak mugituta. Liburua ARGIAren... [+]
Eguneroko ariketa inkontzientea gai bilakatu da Euskal Herriko egonaldian. Ez daramazkit egun asko eta jada arnasa estutu zait behin baino gehiagotan... Begirale moduan nabil ene herria bilatu eta berrezagutu nahian. Lehen ez ote nituen gauzak ikusi nahi edo atzerapauso galanta... [+]
Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.
Gure heroiak liburua idatzi du Lopezek Elkanoren mundu biraren bosgarren mendeurrenaren aitzakian, eta ARGIAk argitaratuko du, irailean. Euskal Herriko kaleetan kolonialismoarekin eta esklabotzarekin lotura duten pertsonaiek duten presentzia aztertu du, nazioartean sinbolo... [+]
Jai eta opor egunak malgutasunez eta konfiantzaz kudeatzen dira ARGIAn, baina inertzia batzuetatik aldendu eta arduraz jokatu nahian.