Jarraipen “zabala” Araba, Bizkaia eta Gipuzkoako sektore publikoko greban
ELA, LAB, CCOO, ESK eta Steilas sindikatuek deitu dute greba, eta goizeko lehen orduan zabaldutako oharraren arabera, "jarraipen oso zabala" izan du bereziki hezkuntzan eta udal eta foru administrazioan. Eguerdian egingo dituzte manifestazioak hiriburuetan.
Zerbitzu publikoaren alde, adostu soldatak eta enpleguak hemen lelopean, kalera irten dira aurtengo ikasturtean hirugarrenez Araba, Bizkaia eta Gipuzkoako sektore publikoko langileak. %80ko ordezkaritza dute sektorean sindikatu deitzaileek. Aurreko greba egunak –urriaren 25ekoa eta abenduaren 19koa– "jendetsuak" izan zirelako, martxoaren 12rako ere aurreikuspen "handia" dute.
Dena den, greba egunaren bezperan salatu zutenez, administrazioak ezarritako gutxieneko zerbitzuak "oso handiak" dira. Izan ere, aipatutako sindikatuen arabera, martxoaren 12ko grebako gutxieneko zerbitzuen ondorioz, "egun arrunt batean baino langile gehiago egongo dira zenbait sektoretan". Gauzak horrela, epaitegietara eraman dute gaia.
Jarraipen "zabala", arloz arlo
Goizeko lehen orduan zabaldu duten ohar bateratuan hezkuntza arloko jarraipena nabarmendu dute, eta seinalatu unibertsitatean ez beste etapetan "handiak" direla gutxieneko zerbitzuak, eta "milaka hezitzaileri greba eskubidea ukatu" zaiela. Gauza bera Osakidetzan: diotenez, horrek "guztiz baldintzatuko du jarraipena". Zerbitzu askotan gutxieneko zerbitzuak %100koak direla salatu dute.
Administrazio Orokorrean eta Justizia Administrazioan, bestalde, aurrekoan baino zabalagoa izaten ari da greba sindikatuen arabera, bereziki udal eta foru erakundeetan. Garraio publikoan "zabala" da jarraipena, deitzaileen arabera, eta EiTBn, berriz, "oso zabala".
Nabarmendu dutenez, Euskadiko Orkestra Sinfonikoko beharginek lanuztearekin bat egin dute gaur, eta ondorioz, Iruñean eman behar zuten kontzertua bertan behera geratuko da.
Manifestazioak, eguerdian
Gasteizen, Bilbon eta Donostian kaleak betetzeko deia egin dute ELA, LAB, CCOO, ESK eta Steilas sindikatuek. 11:30erako jarri dituzte hitzorduak.
Ondoko hauek dira eskatzen dituzten hobekuntzak:
• %10eko soldata igoera eta aurretik hartutako zorra berreskuratzeko konpromisoa.
• Pribatizazioei atea ixtea eta publifikazio planak adostea.
• Enplegu publikoa sortzea eta kontsolidatzea, behin-behinekotasuna %8n jarrita.
• Lan kargak arintzea, plantillen osasuna bermatuta.
• Politika feministak, berdintasunerako plan erreal eta eraginkorrak adostea.
• Administrazioak eta langileak euskaraz, iruzurrik gabe.
• Jardunaldiaren murrizketa 32 orduko lan astearen norabidean ipintzea.
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Eta beste urte batez, sindikatuek prefabrikatutako grebak antolatu dizkigute. Eta guk, indibidualki, erabakia hartuko dugu grebarekin bat egin ala ez, ikastetxean inongo asanbladaren beharrik gabe.
Niri irakatsi zidaten greba eredua jada ez dago modan, antza. Nire... [+]
Gaur, urtarrilak 21, gure oraintsuko historiaren efemeride interesgarri bat gogora ekartzeko eta hari buruz hausnartzeko eguna dugu. 50 urte bete dira Potasas de Navarra enpresako 47 langilek itxialdia amaitu zutenetik. Hamabost egun iraun zuen itxialdi horrek eta greba orokorra... [+]
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]
Bezperako zentsura mozioa dela medio, Frantziako Gobernua erori izanak ez ditu herritarrak etxean geldiarazi eta jarraitua izan da CGT, CFDT, Unsa, FSU, Solidaires, CFE-CGC eta FA-FP sindikatuek, baita LABek ere deituriko greba eguna.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
Astearteko manifestazioa bukatuta aldarrikapenak Parlamentu aurrera eraman dituzte. Zenbait bide moztu dituzte eta tentsio uneak izan dira Espainiako Poliziarekin.
Atenasera joan zen master tesia egitera. Ezin izan zuen doktoretza bertan egin: haren espezialitatea desagertu egin zen gobernuaren mozketekin. 2010eko krisiak Grezian harrapatu zuen, ordea, eta ikasi zuen kapitalismo globalak ongizate estatua erraz suntsi dezakeela.
Araba, Bizkaian eta Gipuzkoan %30eko gutxieneko zerbitzuak ipini ditu Eusko Jaurlaritzak, eta %40koak Nafarroako Gobernuak. CCOOk eta UGT sindikatuek deitu dute greba, baina ELAk eta LABek ez dute bat egin.
Hezkuntza Departamentuarekin bilera izan ostean, sindikatuek urriaren amaierako grebari eustea erabaki dute, ez baitaude ados egindako proposamenarekin. Grebalarien ustez eskainitako neurriak ez dira nahikoak, eta ez diete modu eraginkorrean heltzen euren eskakizunei.
ELA eta LAB sindikatuek deituriko lanuztea da eta “lehenengo probintzia lan-hitzarmena” aldarrikatuko dute. Langileak lau urtez egon dira “baldintza duinak” galdegiten eta ekainean berriro biltzen hasi zirenetik “ez da aurrerapausorik eman”.
Sektoreko gidarien "egoera prekarioa" salatu eta lan baldintzak hobetzeko premia azpimarratzeko egin dituzte deialdiak CCOO eta UGT sindikatuek. Hiru sindikatuak eskaerak "oso motz" geratu direla kritikatu du. Hego Euskal Herrian 50.000 langile inguru daude... [+]