Jardunaldi jarraiaren eztabaida eta catering enpresen interesak
Amaitzear den ikasturtean jardunaldi jarraia egin dute EAEko Derrigorrezko Bigarren Hezkuntzako (DBH) zentroetan, COVID-19aren kutsadura arriskua murrizteko. Ordea, Jokin Bildarratz Hezkuntza sailburuak iragarri du hurrengo ikasturtean goiz eta arratsaldeko ordutegira itzuliko direla derrigorrean DBHko ikastetxe guztiak. Jardunaldi jarraiari eutsi nahi dieten irakasle eta gurasoak idatzi bidez ari dira beren eskaera argudiatzen Hezkuntza sailari bidalitako gutunetan. Jardunaldi mota baten eta bestearen aldeko argudioen artean, zenbateko pisua du catering enpresen negozioak?
Orain arte Derrigorrezko Bigarren Hezkuntzako EAEko ikastetxeetan astegun batzuk izan dira jardunaldi jarraian egindakoak eta beste egunak bi zatitan egindakoak. Ordea, bukatzear den ikasturtean egunero jardunaldi jarraian aritzea zer den probatu dute ikastetxeek, osasun arauak direla-eta.
Eta behin probatuta, ikasle, irakasle eta guraso askok jardunaldi hau hobetsi dute. Hurrengo ikasturterako zein jardunaldi mota nahi duten galdetuta, hainbat ikastetxetan hezkuntza komunitate osoaren %90ak baino gehiagok egin du jardunaldi jarraiaren alde.
Baina erabakia ez dago ikastetxe bakoitzaren esku, Hezkuntza Sailak EAErako arautzen du. Jardunaldi jarraiarekin jarraitu nahi duten ikastetxeetako irakasleek adierazi diote Hezkuntza sailari beren eskaera, eta baita guraso elkarteek ere, gutun bidez. Ordea, Jokin Bildarratzek apirilaren 27an iragarri zuen "hurrengo ikasturtetik aurrera jardunaldi zatitura itzuliko garela". Horretarako eman dituen argudioak dira ikasleen arteko berdintasuna sustatzen duela batez ere egoera zaurgarrienean dauden ikasleen onurarako, eta kontziliazioa errazten duela.
Catering enpresak ekuazioaren zati
Jardunaldi Jarraiaren Aldeko Plataforma bat ere badago, eta argudio hauek ematen ditu Bildarratzek aipatutakoen aurrean: kontziliazioari dagokionez, "oso lan gutxik, edo ia batek ere ez, uzten baitizu haurra 9:00etan uzten, 13:00etan jasotzen, 15:00etan berriz eramaten eta 16:30ean edo 17:00etan berriz jasotzen. Familia gutxik, oro har klase ekonomiko onenetakoak, onar dezakete kideetako batek ez lan egitea joan-etorri horietan aritzeko".
Ikasleen arteko berdintasun soziala sustatzeari buruz, zera diote: "Jardun Jarraiak desberdintasun sozialak areagotuko lituzkeela ere entzun dugu, baina inolako argudiorik gabe. Egia esanda gainerako lurraldeen hautematea kontrakoa da. Edozein kasutan, ados gaude egoera behartsuenetan dauden ikaslegoa sustatu behar dela, gainerako ikaslegoaren kalitatea kaltetu gabe. Erakundeen lana da, jantokiko bekekin gertatu den bezala, beken eta laguntzen bidez ikasle mota guztientzat aisiarako sarbidea eta kalitatezko jarduerak erreztea,ezarritako lanaldi mota edozein dela ere".
Nafarroan 2016tik jardun jarraia dutela oroitarazi dute, eta Espainiako estatuan bi erkidego baino ez direla falta: Katalunia eta EAE. Eta plataformak bere webgunean galdetzen du ea jardunaldi jarraiaren aldeko jarreraren atzean ez ote dagoen jantokietan catering enpresek irabazten duten dirutza: 17.000 bazkaltiar galdu dituzte cateringek EAEn COVIDarekin.
EHIGEk "eztabaida sakona" eskatu du gai honen inguruan
Euskal Herriko Ikasleen Gurasoen Elkarteak (EHIGE) adierazpen kritikoa egin zuen iazko ikasturtean: "Osasun krisia ezin da aitzakia izan DBHn ordutegi jarraitua ezartzeko". Hainbat argudio eman zituen jardunaldi jarraia ez jartzeko: "Ez dago ordutegi jarraitua etena baino hobea dela justifikatzen duen arrazoi pedagogikorik", "Ikasle behartsuenak izango dira kaltetuenak, gurasoek ezingo baitiete kalitatezko jarduerarik eskaini arratsaldean", "Jantokia arriskuan jartzen du, familien kontziliazioa eta ikasleei elikatzeko eskubidea eskaintzeko funtsezko zerbitzua"...
EHIGEk zera aldarrikatu zuen idatzi hartan: "Eskola-garaiek eztabaida sakona eskatzen dute, gure hezkuntza-sisteman eman ez dena".
Eztabaida honi buruz gehiago irakurtzeko, hona EHIGEk gomendatzen dituen azterlana eta liburua.
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.
Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]
Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]
Ingurumena, bioaniztasuna, uraren gestioa eta haurren beharrak oinarri hartuta, ikastetxeetako patioak aldatzeko proiektu kolektiboa jarri dute martxan Pirinio Atlantikoetan; Euskal Herriko lau herrik hartuko dute parte. Iruñean ere, itzal eta landare gehiago izango... [+]
Barañaingo Alaitz institutuko 26 ikasle batxilergoko zerrendatik kanpo gelditu dira, Nafarroako Hezkuntza Sailak gela bat murriztu duelako. Murrizketa salatzeko mobilizazioa egin dute.
Euskararen Defentsarako Sareak Nafarroako Gobernuak D ereduari jartzen dizkion trabak salatu nahi ditu. Argi dute Nafarroako Gobernua “edozertarako prest” dagoela “euskararen kontra” jotzeko. Horregatik, elkarretaratzea deitu dute uztailaren 2an,... [+]