Jarduera fisikoa Euskal Herrian: Ordutegi eta irizpideak
Maiatzaren 2tik aurrera, zein dira kirola egin edo paseoan ateratzeko baldintzak Hego Euskal Herrian? Eta Ipar Euskal Herrian, zein neurri onartu berri du Gobernuak?
Hegoaldean...
Maiatzaren 2tik aurrera –deseskaladaren "0. Fasean"– 14 urtez gorako guztiek paseatzera atera edo kirola (korrika, bizikleta, patinatu, surfa...) egin dezakete; kirola bakarka beti, eta paseoak bakarrik edo etxe berean bizi den beste pertsona batekin. Paseoak etxetik kilometro bateko eremuan egin ahal dira, eta kirola udalerriko mugen barruan, nahi beste denboraz, baina ordutegi mugatu baten barruan: 6:00etatik 10:00etara, ala 20:00etatik 23:00etara. Paseoan ibili zein kirola egiteko, egunean behin baino ezin da atera.
Mendi bueltak kirol jarduera modura hartuko ditu Ertzaintzak.
Ezingo da autorik edo bestelako ibilgailu motordunik hartu kirola egitera joateko aitzakian.
>> Arabako Aleak prestatutako gida praktikoa:
.jpg)
"1. Fasean", maiatzaren 11tik aurrera, kontakturik ez dagoen kiroletan aritzeko zenbait instalazio irekiko dira, atletismo eta tenis pistak esaterako; eta kirol-zentro batzuetan era aritu ahal izango da, txanda aurrez hartuta, eta zenbait baldintzaren pean (esaterako, aldagelak ez dira erabiliko).
Fase honetan turismo aktiboa eta naturarekin lotutakoa egin ahal izango da, talde txikietan betiere –kopurua ez dute zehaztu oraindik–. Deseskaladaren ondorengo faseetan talde handiagoak osatu ahal izango dira. Kirol ehiza eta arrantza ere orduan berrabiatuko dira.
"2. Fasean" (maiatzaren 25etik aurrera) eta "3. Fasean" (ekainaren 8tik aurrera) jarduera fisikorako aukera gehiago izango da, baina Gobernuak gogorarazi duenez, momentuko egoeraren arabera emango du lurralde bakoitzak fase batetik besterako urratsa, Osasun Ministerioak zehaztuko dituen baldintzak betez gero. "Normaltasun berria" ekainaren amaieran izango dela adierazi du Sánchezek.
... eta Ipar Euskal Herrian
Frantziako Estatuan kirola egin daiteke aire zabalean, bakarka edo etxe berean bizi direnekin. Orain arte etxetik kilometro bat urrundu ahal zen gehienez, eta ordubeterako, baina Gobernuak aste honetan iragarri du maiatzaren 11tik aurrera urrunago ere joan ahal izango dela kirola egitera. Ordutegia mugatua da Frantzian. Ezin daiteke kirolik egin goizeko 10:00etatik 19:00etara bitartean, merkataritza-ordutegiarekin bat ez egiteko.
Kirol kolektiboak ez dira momentuz baimenduko, ez futbol liga –bertan behera geratu da–, ez leku itxietan jokatzen direnak. 5.000 lagun baino gehiago biltzen dituzten ekitaldiak (kirol txapelketak, kultur ekitaldiak, jaialdiak...) irailera arte ezin izango dira egin, Édouard Philippe lehen ministroak jakinarazi duenez.
Hondartzak itxita mantenduko dira ekainaren 1a arte gutxienez, eta parke eta lorategien kasuan, soilik irekiko dira "birusa aktiboki ez dabilen herrialdeetan". Bestalde, eskualde batetik bestera bidaiatzea izango da lan edo familia arrazoi sendoengatik soilik.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.