Jarduera eten du Sestaoko Arcelor Mittalek, eta partzialki geratuko da Gasteizko Michelin
"Merkatuaren baldintza txarrak direla-eta", Arcelor Mittalen ez diote ekoizpenari berrekin udako oporraldiaren ostean; 278 langile dira. Gasteizko Michelinek, bestalde, jarduera geratuko du iraileko eta urriko lau asteburutan, eta 1.350 behargini eragingo die horrek.
Udako geldialdia eta gero, Euskal Herriko hainbat lantoki handitan ez dute ohiko martxa berreskuratuko. Sestaoko (Bizkaia) Arcelor Mittal enpresak, esaterako, jakinarazi du geldirik jarraituko duela udako oporraldiaren ondoren. "Merkatuko baldintza txarrak direla-eta, ez da errentagarria une honetan ekoizpenari berriz ekitea", esan du enpresako zuzendaritzak. Izan ere, antza, jaitsi egin da altzairuaren eskaria, eta argindarraren kostuaren gorakadak ere izan du eragina. Berez aste honetan hasi behar zituzten Sestaoko altzairutegia berriz ere martxan jartzeko lanak, baina, momentuz, geldirik dago guztia.
Iazko abenduaren 7tik pasa den martxora bitartean ere ekoizpena eten zuen enpresak, aldi baterako lan-erregulazioko espediente bat ezarrita. 278 langilek jarduten dute han soldatapean.
Gasteizko (Araba) Michelinek, berriz, azaldu du iraileko eta urriko lau asteburutan geratu beharko duela ekoizpena. Zuzendaritzaren esanetan, behera egin du pneumatikoen eskariak; automobilgintzarako 132.000 pneumatiko gutxiago eskatu dituzte bezeroek irailerako, eta jaitsi egin da pneumatiko txikien eskaria ere. Hala, automobilgintzari lotutako tailerra, erdi-bukatuen tailerra eta ingeniaritza zibileko tailerra dira datozen bi hilabeteetan partzialki etengo diren hiru eremuak. Iraileko azken hiru asteburuetan geratuko dira aurreneko bi tailerrak, eta ingeriaritza zibilekoa, berriz, irailaren 17an, 18an, 24an eta 25ean eta urriaren 1ean eta 2an egongo da geldirik.
1.350 behargini eragingo die neurri horrek, gutxienez lan-txanda bat galduko baitu bakoitzak. Sindikatuek aurreikusten dute, gainera, etenaldi gehiago izango direla Michelinen datozen hilabeteetan.
Grebak 27 egun iraungo ditu, urtarrilaren 6 arte. Gutxieneko soldata kobratzeko “365 egunez eta 24 orduz” lan-baldintza “jasanezinetan” lan egiten dutela salatu dute, eta lanaldiaren benetako zenbaketa egin dezan exijitu.
Osasun Legea aldatzea beharrezkoa dela adierazi du Nafarroako Osasun kontseilariak, hala nola Osasunbidea enpresa-erakunde publiko bihurtzea, bestela “luze gabe sistemak porrot” egingo duela argudiatuta. Sindikatuak ez daude formula horrekin ados.
Gaurko egunez, duela 50 urte, Euskal Herriko langile mugimenduak bere historiako kapitulu garrantzitsua idatzi zuen. Hegoaldean 200.000 langilek greba orokorra egin zuten erregimen frankistaren aurka. Mobilizazio hark argi utzi zuen Euskal Herriko mugimendu antifrankista... [+]
Bezperako zentsura mozioa dela medio, Frantziako Gobernua erori izanak ez ditu herritarrak etxean geldiarazi eta jarraitua izan da CGT, CFDT, Unsa, FSU, Solidaires, CFE-CGC eta FA-FP sindikatuek, baita LABek ere deituriko greba eguna.
2018 eta 2020 arteko langileen kotizazioak eskatzen dizkio Glovori Gizarte Segurantzak, 2020an Rider Legea onartu aurrekoak. Auzipetuak langileak ere badiren arren, ordaina enpresari soilik eskatzen dio.
Frantziako Gobernuaren aurrekontu proiektuan Gizarte Segurantzan egitekoak dituzten murrizketak salatzeko mobilizazio eguna dute ostegunean. Manifestazioa abiatuko dute 10:00etan Baionako geltoki aitzinetik. Bezperan, zentsura mozioaren alde eman dute botoa Frantziako... [+]
Sei urteko espetxe zigorra ezar diezaiokete Oscar Pierreri langileen eskubideen aurkako hainbat delituengatik. Epaiketa asteartean izan da Bartzelonan, eta astelehenean iragarri du legearen pean kontratatuko dituela 15.000 rider. CGT sindikatuak “fiskaltzaren aurrean... [+]
Petronorreko langileek borrokarako eguna izan dute osteguna. Enpresa batzordeak deituta, lanuztea egin dute eta Barakaldoko BECen elkarretaratu dira, konpainia urteko batzarra egiten ari zen tokian. Salatu dute diru publikoa jaso arren "enplegua suntsitu" besterik ez... [+]
Enpresa jo dute egoeraren erantzuletzat, baita erakunde publikoak ere. Langile batzuek bost hilabete baino gehiago daramatzate kobratu gabe, eta ostiral honetan egingo dute manifestazio bat, ontziolatik abiatuta: ez dezatela itxi aldarrikatzeko.
Ostegun eta ostiral honetan 40 hizlari baino gehiago ariko dira EHUko Leioako campusean Lana eta sindikalismoa XXI. mendean Nazioarteko Lehen Biltzarrean. Lan munduaren eta sindikalismo eraldatzailearen erronkez eta estrategiez eztabaidatuko dute.
Lanbidek Diru-sarrera Bermatzeko Errentetako iruzurraren aurkako kanpaina jarri du martxan, eta salaketetarako buzoi anonimoa sortu du. Jaso dituen kritikei erantzunez, adierazi du buzoi hau salaketak eta jakinarazpenak ordenatzeko tresna huts bat dela. Ez du ez klase... [+]
Azken astean sindikatuak 5 heriotzaren berri izan du eta dagoeneko 26 dira Nafarroan lanean hil egin diren edo beste erkidegotan beharrean zendu diren nafarrak. Alarma gorria pizteko moduko datuak LAB sindikatuaren iritziz.
Nekazarien eta abeltzainen erreferentziazko sindikatua da Euskal Herriko Nekazarien Elkartasuna. 1976tik lanean daraman elkarte horrek 3.000 afiliatu baino gehiago ditu, eta lehen sektoreak dituen erronkak ez dira nolanahikoak. Egoera horretaz eta etorkizunari buruz sindikatuak... [+]
Azaroaren 19a komunaren munduko eguna da. Gaur oraindik ere, XXI. mendean, langile askok, hemen, Euskal Herrian bertan, ez daukate haien lanaldietan komuna erabiltzeko eskubidea. Horren adibide dira garraioko langile asko.
Komunak osasun publikoaren giltzarria dira, eta... [+]