Jardin Secreto tabernako lan-gatazkaz protesta egingo du Bilboko Langile Autodefentsa Sareak
Kaltetutako langileak eta Langile Autodefentsa Sareak helarazitako erreklamazioen aurrean ez du deus esan enpresak, eta gatazka publiko egin dute. Bide horretan, elkarretaratzea egingo dute igandean, 13:00etan Bilboko Jardin Secreto aurrean. Enpresak beren eskariei entzungor egiten dien artean, gatazkaren izaera publikoa areagotzen joango direla ohartarazi dute.
Bilboko LAS Langile Autodefentsa Sareak elkarretaratzea egingo du igandean, 13:00etan, Bilboko Deustuko Erriberan dagoen Espacio Open aurrean (Erriberako 70. zenbakia). Han dago Jardin Secreto, irailaren 10etik lan-gatazka betean murgilduta dagoena.
Jardin Secretoko langile bat sarearekin harremanetan jarri zen, bere egoeraren berri emanez: lanean zela, ostalaritzako lan-hitzarmenari zegozkion egitekoak egingo zituen eta lan-hitzarmen txikiago bati dagokion soldata jaso zuen ordainetan; ostean, bajan zegoela kaleratu egin zuten, eta gizarte segurantzaren mezu bidez izan zuen kaleratzearen berri. Kasuaren aurrean, enpresarekin gatazka abiaraztea erabaki zuten, eta nagusiari erreklamazioak jasotzen zituen gutuna helarazi zioten langileak eta sareak.
Irailaren 17ra arteko epe muga eman zioten Jardin Secretoko nagusiari, erreklamazioen aurrean erantzuteko. Alabaina, ez du erantzunik eman. Epe-muga agortuta, kanpainari izaera publikoa ematea erabaki zuten orain bi aste, eta irailaren 17an elkarretaratzea egin zuten taberna aurrean, bezeroak presente zirela. Bide horretan, hurrengo mobilizazioa igandean egingo da, langileari elkartasuna adierazi eta enpresari presioa egin asmoz. Enpresak beren erreklamazioak bere gain hartu ezean gatazkaren izaera publikoa handituko dutela azpimarratu dute.
Kasuarekin loturan, langilearen eskubideak urratzea salatzeaz harago, besterik ere gaitzetsi du Langile Autodefentsa Sareak. Jardin Secreto-Espacio Open bezalako enpresek betetzen duten papera seinalatu dute, eta “alternatibismoaz baliatzea” leporatu die: “Langile auzoez aprobetxatzen dira kulturalki esku-hartu eta bidea zabaltzeko burgesiaren kapital inbertsio handiagoei. Horren adibide da Zorrotzaurreko irlaren proiektua, Deustuko Erriberan”.
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Silizearen hautsak sorturiko gaitz eta biriketako minbizi kasuek ez dute etenik azken urteetan. Australian, Ingalaterran edo Espainiako Estatuan alarmak piztu dira, eta kristal-silizea duten kuartzozko sukalderako mahaiak egitea debekatzeko urratsak ematen hasi dira.
Eurostaten arabera, 2013tik 2021era bitartean, 13.530 kasu erregistratu zituzten Europar Batasunean. Teorian 2005ean debekatu zuten amiantoaren erabilera, baina mesoteliomaren sintomak ez dira agertzen hamarkada asko igaro arte. Amiantoagatik 700 pertsona baino gehiago hil dira... [+]
Suhiltzaile Gaindituak Haserre elkarteko kidea da Josu Artetxe Esperanza (Aiara, 1995) dozenaka suhiltzailerekin batera, ziurgabetasun egoera bizi du 2022ko oposizioetako araudian egin nahi duten aldaketa dela eta.
Anbulantzien zerbitzua enpresa batetik bestera aldatzeak ez duela egiturazko arazoa konponduko eta “orain arteko pribatizazioaren bidean atzera egin eta anbulantzia zerbitzuaren publifikazioari” ekiteko eskatu diote langileek Eusko Jaurlaritzari, LABek antolaturiko... [+]
Pasaiako Portuko Agintaritza eta Algeposa taldea lan arriskuen babesa ez bermatzeagatik kondenatuak izan direla adierazi du Amiantoaren Biktimen Euskal Elkarte ASVIAMEk. Osakidetzak laneko gaixotasunak ezkutatu izana salatu dute.
Altsasuko enpresak likidaziorik gabeko hartzekodunen lehiaketa iragarri zuen pasa den asteartean, 48,8 miloi euroko zorra baitu autobusen enpresak. Gaur egun 367 pertsonak egiten duten lan bertan.
Sindikatuen ustez, absentismoa ez da arazoa, “baizik eta lan osasunerako araudia errespetatzen ez duen patronala”. Patronalaren jarrera salatzeko baliatu dituzte azaroaren 7an, Bilbon, Confebaskek gai horren inguruan antolatu dituen jardunaldiak.
Indar armatuek zibersegurtasunari buruzko lehiaketa bat antolatu eta ekimena Nafarroako DBH ikastetxe guztietara heldu da; amaierako fasea Aranjuezeko Guardia Zibilaren akademian ospatuko dute. LAB sindikatuak gogora ekarri ditu duela hainbat urte irakasleen ideologiaren arabera... [+]
Altsasun autobusak egiten dituen enpresako administrazio kontseiluak hartzekodunen konkurtsoa aurkeztu du asteazkenean. Langileen ordezkariek eskatu dute "benetako plan industrial" bat martxan jartzeko eta manifestaziora deitu dute, igandean Altsasun.
Cebek patronalak blokeoa baztertzeko exijitu dute grebalariek, baita eros-ahalmena eta lan-baldintza duinak bermatzen dituen lan-hitzarmena ere, azkenekoa 2009-2011 . urtetakoa baita. Urriaren 30eko greba egunean Ertzaintzak langile bat “inolako justifikaziorik gabe”... [+]
Ikasturteko bigarren greba eguna izan zuten asteartean hezkuntza publikoko irakasleek. Urriaren 29an Nafarroako hezkuntza sektoreko sindikatu nagusiek, hala nola Steilas, ANPE, AFAPNA, LAB, CCOO, ELA eta UGT-k greba eguna egin zuten.
Astearteko manifestazioa bukatuta aldarrikapenak Parlamentu aurrera eraman dituzte. Zenbait bide moztu dituzte eta tentsio uneak izan dira Espainiako Poliziarekin.
Atenasera joan zen master tesia egitera. Ezin izan zuen doktoretza bertan egin: haren espezialitatea desagertu egin zen gobernuaren mozketekin. 2010eko krisiak Grezian harrapatu zuen, ordea, eta ikasi zuen kapitalismo globalak ongizate estatua erraz suntsi dezakeela.